ပဲခူးတိုင်းဒေသကြီးအတွက် မိုးလေဝသခန့်မှန်းချက်နှင့် အကြံပြုချက်

ပဲခူးတိုင်းဒေသကြီးတွင် ၂၀၂၅ ဖေဖော်ဝါရီလ ၄ရက်နေ့မှ ၁၁ရက်နေ့အထိ ရာသီဥတု ကြည်ကြည်လင်လင် သာသာယာယာရှိနေစေပါလိမ့်မယ်။

ISSUED TIME

04/02/2025 7:52am(MMT)

#တိကျမှန်ကန်

Su Su San

𝑴𝒆𝒕𝒆𝒐𝒓𝒐𝒍𝒐𝒈𝒊𝒔𝒕

𝑴𝒆𝒕𝒆𝒐𝒓𝒐𝒍𝒐𝒈𝒊𝒄𝒂𝒍 𝑪𝒆𝒏𝒕𝒓𝒆

ပဲခူးတိုင်းဒေသကြီးအတွင်းရှိ မတ်ပဲ၊ပဲတီစိမ်းစိုက်တောင်သူများထံသို့

စိုက်ပျိုးရေးဆိုင်ရာအကြံပြုချက်

·       လက်ရှိပဲစိုက်ခင်းများ အပွင့်အဖူးသီးတောင့်ဝင်ချိန်တွင် ဝါပြီးအပင်သေဝင်တာကို တွေ့နေရပါက သေချာကွင်းဆင်းစစ်ဆေးပါ။

·      ပင်စည်ထိုးယင်ကျတယ်ဆိုရင် ပင်စည်၏အခြေသည် ပုံမှန်ထက် ဖောင်းပွနေတဲ့ပုံစံကို အဓိကတွေ့ရပြီး ပင်စည်ကိုခွဲကြည့်လိုက်ရင် ပင်စည်ထိုးယင်ရဲ့ ရုပ်ဖုံးအဆင့်ကိုတွေ့ရပါတယ်။

·      ကျရောက်မှုများရင် ပဲပင်တွေအဝါရောင်ပြောင်းပြီး အကွက်လိုက်သေတဲ့လက္ခဏာကို တွေ့ရပါတယ်။

·      ကျရောက်တာသေချာရင် သေတဲ့အပင်တွေကိုမဖြစ်မနေဆွဲနုတ်ပစ်ပြီး ရှင်းပစ်ပါ၊ ပြီးမှဆေးဖျန်းပါ၊ မရှင်းဘဲဆေးဖျန်းရင်လည်း ထိရောက်မှုအားနည်းပါတယ်။

·      ပိုးသတ်ဆေးအနေနဲ့ Chlorfenapyr + Abamectin (သို့မဟုတ်) Acetamiprid ကိုအသုံးပြုနိုင်ပါတယ်။

·      နှစ်စဥ်ကျရောက်ပါက မစိုက်ခင် Fipronil ကိုမြေခံအဖြစ်ထည့်ပေးနိုင်ပါတယ်။

ငါး/ပုစွန် ကန်များအတွက်အကြံပြုချက်  

ပဲခူးတိုင်းဒေသကြီးမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင် ရွက်ဖို့ အကြံပြုလိုပါတယ် ခင်ဗျာ- 

·      ကန်ဖော်ပြီး ငါးကန်တွေအနေနဲ့ ကန်သန့်ရှင်းရေးကို ဆောင်ရွက်ရန်၊

·      ကန်အတွင်း ဘေးပတ်လည်နဲ့ ကြမ်းပြင်တွင် သန့်ရှင်းရေးဆောင်ရွက်ရန်၊

·      ကန်အောက်ခြေ နွံထုဟာ ၈ လက်မအထက်ရှိနေပါက ဖယ်ထုတ်ပစ်ရန်၊

·      နွံဖယ်ထုတ်ပြီးပါက ပတ်ကြားအပ်သည်အထိ နေလှန်းထားရန်၊

·      နေလှန်းပြီးပါက နွံအတွင်းပိုးများ သေစေရန် ထုံးဖြူးပေးရန်၊

·      မျိုးငါးကန်များအနေဖြင့် အောက်ခြေအစာများ စုပုံခြင်းနဲ့ နွံထူနေခြင်းမရှိအောင် ဆောင်ရွက်ရန်၊

---------------

မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437