ရန်ကုန်တိုင်းဒေသကြီးအတွက် တစ်ပတ်စာမိုးလေဝသခန့်မှန်းချက်နှင့် အကြံပြုချက်

၂၀၂၅ဖေဖော်ဝါရီလ ၁၀ ရက်နေ့မှ ၁၇ ရက်နေ့အတွင်း မိုးရွာသွန်းနိုင်တဲ့အလားအလာမတွေ့ရှိရပဲ ရာသီဥတုကြည်လင်သာယာနိုင်ပါတယ်။

Weather Source: Su Su San

ရန်ကုန်တိုင်းဒေသကြီးအတွင်းရှိ မတ်ပဲ၊ ပဲတီစိမ်းစိုက်ပျိုးသောတောင်သူများထံသို့

စိုက်ပျိုးရေးဆိုင်ရာအကြံပြုချက်

• မတ်ပဲရိတ်သိမ်းချိန်တွင် စနစ်တကျမရိတ်သိမ်းပါက အထွက်နှုန်း ၁၅ % ထိ လျော့ကျနိုင်သောကြောင့်သတိထားလုပ်ဆောင်ရမယ့် ဆောင်ရန်၊ရှောင်ရန်များကို အကြံပြုဆွေးနွေးပေးလိုက်ပါတယ်။

• ပဲတီစိမ်းများကိုသီးတောင့်များဝါညိုရောင်ပြောင်းလဲချိန်တွင်စတင်ခူးဆွတ်ပါ။

• မတ်ပဲကိုသီးတောင့်များမာချိန်၊ မတ်ပဲတောင့်များ အစိမ်းရောင်၊ အနက်ရောင်သို့ (၇၅%) အထိ အရောင်ပြောင်းချိန်တွင် ရိတ်သိမ်းပါ။

• နုတ်သိမ်းပြီးပြီးချင်း နောက်တစ်ဆင့် ခြွေလှေ့ပါ။ ရိတ်ခြွေမှုကြောင့် ပဲသီး၊ ပဲစေ့ဆုံးရှုံးထိခိုက်တတ်တာကြောင့် တလင်းအတွင်းပဲခြွေရာမှာ နွားဖြင့်နင်းခြင်း၊ စက်ဖြင့်နယ်ခြင်းများပြုလုပ်စဉ် လေလွင့်ဆုံးရှုံးမှုများကိုနည်းနိုင်သမျှ နည်းအောင်ဂရုပြုပါ။

• ခြွေလှေ့ပြီးပြီးချင်း အဖျင်း အမှော်ဖယ်ပေးပါ။

• ကျောက်ခဲ၊ သဲ၊ အရွက်ခြောက်၊ ကိုင်းခြောက်၊ ပေါင်းစေ့၊ မြေကြီးခဲ၊ အမှိုက်များဖယ်ပေးပါ။

ငါး/ပုစွန် ကန်များအတွက်အကြံပြုချက်

ရန်ကုန်တိုင်းဒေသကြီးမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင်ရွက်ဖို့ အကြံပြု လိုပါတယ်ခင်ဗျာ-

- ငါးရောဂါများကျနိုင်သဖြင့် ကန်အတွင်းရှိ ငါးများအခြေအနေကို စစ်ဆေးရန်၊

- ငါးအနီးစက်ရောဂါကျပါက တစ်ဧကလျှင်ထုံး ၁၅ ပိဿာနဲ့ ဆား ၁၅ ပိဿာထည့်ပေးရန်၊

- ငါးသန်းရောဂါကျရောက်ပါက ကန်အတွင်းသို့ ဝါးခြမ်းပြားများချပေးရန်၊

- ပိုတက်စီယမ်ပါမင်းဂနိတ် ၅ မီလီဂရမ်ကို ရေတစ်တာတွင် ဖျော်ပြီးငါးကို စိမ်ပေးရန်၊

- ဆားဖျော်ရည် ၃-၅ ရာခိုင်နှုန်းကို တစ်မိနစ်ခန့် (သို့မဟုတ်) ငါးခံနိုင်သည်အထိ စိမ်ပေးရန်၊

-------------

မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437