ပဲခူးတိုင်းဒေသကြီးအတွက် တစ်ပတ်စာမိုးလေဝသခန့်မှန်းချက်နှင့် အကြံပြုချက်

၂၀၂၅ဖေဖော်ဝါရီလ ၁၁ ရက်နေ့မှ ၁၈ ရက်နေ့အတွင်း မိုးရွာသွန်းနိုင်တဲ့အလားအလာမတွေ့ရှိရပဲ ရာသီဥတုကြည်လင်သာယာနိုင်ပါတယ်။

Weather Source: Su Su San

စိုက်ပျိုးရေးဆိုင်ရာအကြံပြုချက်

• ရိတ်သိမ်းချိန်တွင် မှိုသတ်ဆေးများကိုထပ်မဖျန်းပါနဲ့။ ရိတ်သိမ်းခြင်းနဲ့ ဆေးဖျန်းခြင်းကြားစောင့်ဆိုင်းရမယ့်ရက် (PHI) ကိုလိုက်နာပါ။
• ပဲသီးတောင့်ဝင်ချိန်မှ ဖျန်းလိုက်တဲ့တစ်ချို့မှိုသတ်ဆေးများသည် ပဲသီးတောင့်ရင့်မှည့်မှုကို နှေးစေတာ၊ အစေ့အရောင်ညီမှုကိုထိခိုက်စေတာကိုသတိပြုပါ။
• မတ်ပဲရိတ်သိမ်းချိန်တွင် စနစ်တကျမရိတ်သိမ်းပါက အထွက်နှုန်း ၁၅ % ထိ လျော့ကျနိုင်ပါတယ်။
• မတ်ပဲကိုသီးတောင့်များမာချိန်၊ မတ်ပဲတောင့်များ အစိမ်းရောင်၊ အနက်ရောင်သို့ (၇၅%) အထိ အရောင်ပြောင်းချိန်တွင် ရိတ်သိမ်းပါ။
• နုတ်သိမ်းပြီးပြီးချင်း နောက်တစ်ဆင့် ခြွေလှေ့ပါ။
• ခြွေလှေ့ပြီးပြီးချင်း အဖျင်း အမှော်ဖယ်ပေးပါ။
• ကျောက်ခဲ၊ သဲ၊ အရွက်ခြောက်၊ ကိုင်းခြောက်၊ ပေါင်းစေ့၊ မြေကြီးခဲ၊ အမှိုက်များဖယ်ပေးပါ။
• ပဲသန့်မှ ဈေးကောင်းရမှာဖြစ်ပါတယ်။

ငါး/ပုစွန် ကန်များအတွက်အကြံပြုချက်

ပဲခူးတိုင်းမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင်ရွက်ဖို့ အကြံပြု လိုပါတယ်ခင်ဗျာ-

📷ငါး၊ ပုစွန်များ ကန်ဘောင်ရေစပ်တွင် တက်နေခြင်း ရှိ/မရှိ စစ်ဆေးပေးရန်၊

📷ငါး၊ ပုစွန်အသေကောင်များ ရှိ/မရှိ စစ်ဆေးပေးရန်၊

📷ရေမျက်နှာပြင်တွင် ရေညှိဖက်များမျှောနေခြင်း ရှိ/မရှိစစ်ဆေးပေးရန်၊

📷အထက်ပါ အချက်များတွေ့ရှိပါက အစာကျွေးခြင်းကို လျော့ချရန်၊

📷ကန်အတွင်း အဆွေးအမြေ့များ၊ သဘာဝအညစ်အကြေးများကို ဖယ်ရှားရန်၊

📷ရေသစ်လဲခြင်း၊ ရေလှည့်၊ ရေပန်းများပြုလုပ်ပေးရန်၊

-------------

မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437