ပင်မစာမျက်နာ
အဖွဲ့များ
စူးစမ်းရန်
စာတို
ကျွန်ုပ်
စျေးနှုန်း
ပဲခူးတိုင်းဒေသကြီးအတွက် တစ်ပတ်စာမိုးလေဝသခန့်မှန်းချက်နှင့် အကြံပြုချက်
ပဲခူးတိုင်း ၂၀၂၅ ခုနှစ် ၂၆ ရက်နေ့ မိုးရွာနိုင်ပြီး ၂၇ ရက်နေ့ မှ မတ်လ ၃ ရက်နေ့အထိ ရာသီဥတု ကြည်လင်သာယာသွားစေနိုင်ပါတယ်။
𝑴𝒆𝒕𝒆𝒐𝒓𝒐𝒍𝒐𝒈𝒊𝒔𝒕
𝑴𝒆𝒕𝒆𝒐𝒓𝒐𝒍𝒐𝒈𝒊𝒄𝒂𝒍 𝑪𝒆𝒏𝒕𝒓𝒆
ပဲခူးတိုင်းဒေသကြီးအတွင်းရှိ နွေစပါးစိုက်တောင်သူများထံသို့
- လက်ရှိ စပါးမြစ်ဖုနီမတုတ်နဲ့ပတ်သတ်ပြီးမေးမြန်းလာတာကြောင့် မြစ်ဖုနီမတုတ်နဲ့ ပတ်သတ်ပြီး ကာကွယ်နှိမ်နင်းနည်းများကို ဆွေးနွေး အကြံပြုပေးလိုက်ပါတယ်။
- စပါးမြစ်ဖု နီမတုတ်ကျပါက သိသာနိုင်တဲ့အချက်တွေမှာ အမြစ်ထွက်အားနည်းခြင်း၊ ညိုမွဲမွဲအရောင်ဖြစ်နေခြင်း၊ အမြစ်မှာ အဖုလေးတွေတွေ့ရပြီး အမြစ်ထိပ်က ချိတ်လိုကောက်နေတတ်ပါတယ်။
- မြစ်ဖုနီမတုတ်က မြေကြီးချဥ်ငန်ဓာတ် ၅- ၅.၅ ၊(Fe သံဓာတ်များတဲ့ အခြေအနေ) မှာအဓိကကျရောက်တတ်ပြီး မြေချဥ်ငန်ကိန်း ပြန်တက်အောင် ထုံးထည့်ပြီးမြေပြုပြင်ဖို့လိုပါတယ်။
- ဆိုးဆိုးရွားရွားကျရင် မြေလှပ်တာမျိုးလုပ်ပေးရပါမယ်။
- မြေပြင်ချိန်မှာတော့ ပိုးသတ်ဆေး Carbosulfan (သို့မဟုတ်) Fipronil အခဲကိုထည့်ပေးခြင်း၊ ကြဲပက်ခြင်းတို့ကို လုပ်ပေးနိုင်ပါတယ်။
ငါး/ပုစွန် ကန်များအတွက်အကြံပြုချက်
ပဲခူးတိုင်းဒေသကြီးမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင်ရွက်ဖို့ အကြံပြု လိုပါတယ်ခင်ဗျာ-
- ဈေးကွက်တန်းဝင် ငါးအရွယ်ရောက်နေပြီဆိုပါက ကန်ဖော်ရန် အသင့်လျော်ဆုံးအချိန်ကာလ ဖြစ်ပါကြောင်း၊
- ကန်ဖော်ပြီးငါးများကို အအေးခန်းပါသည့်ကားများ သို့မဟုတ် ရေခဲပုံးများဖြင့် စနစ်တကျ ထည့်၍ သယ်ယူပို့ဆောင်ရန်၊
- ဈေးကွက်တန်းဝင်မရောက်သေးဘဲ ဆက်လက်မွေးမြူမည့် ကန်သမားများအနေဖြင့် ရေအရည် အသွေးကို စစ်ဆေးပေးရမည့်ကာလဖြစ်ပါကြောင်း၊
- ကန်ရေအရည်သွေးဟာ အရောင်မရှိဖြစ်နေလား၊ မဲနေလား၊ သံချေးရောင်ဖြစ်နေလား၊ နွံရောင် ဖြစ်နေ လား သေချာစစ်ဆေးရန်နှင့် အဆိုပါအရောင်များဖြစ်နေပါက ကန်ရေပြန်လည် ကြည်လင်စိမ်းနေစေရေး ဆောင်ရွက်ရန်၊
-------------
မိုးလေဝသအဖွဲ့ဝင်ရန် - https://htwettoe.com/organization/12
သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို
ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.
သီးနှံပေါက်စျေးကြည့်ရှုနည်း_ https://htwettoe.com/post/50437
