မကွေးတိုင်းဒေသကြီးအတွက် တစ်ပတ်စာမိုးလေဝသခန့်မှန်းချက်နှင့် အကြံပြုချက်

မကွေးတိုင်းဒေသကြီးအတွက် တစ်ပတ်စာမိုးလေဝသခန့်မှန်းချက်နှင့် အကြံပြုချက်

မကွေးတိုင်း ၂၀၂၅ ဖေဖော်ဝါရီလ ၂၆ ရက်နေ့မှ မတ်လ ၃ ရက်နေ့အတွင်း

ရာသီဥတုကြည်ကြည်လင်လင်သာသာယာယာရှိနေပါလိမ့်မယ်။ မိုးအနှောက်အယှက်မရှိပါဘူး။

Weather Source: Su Su San

မကွေးတိုင်းဒေသကြီးအတွင်းရှိ ပဲမျိုးစုံစိုက်တောင်သူများထံသို့…

စိုက်ပျိုးရေးဆိုင်ရာ အကြံပြုချက်

ရာသီဥတုပူလာတာနဲ့ အမျှ တောင်သူဦးကြီများ၏ ကုလားပဲစိုက်ခင်းများမှာ ယင်ဖြူပိုး ကျရောက်တတ်ပါတယ်။ ယင်ဖြူကျနေပြီဆိုရင်တော့ ကုလားပဲအရွက်တွေ အဝါရောင်ပြောင်းပြီး အရွက်ပုံစံမမှန်တာတွေ တွေ့ရတတ်ပါတယ်။

·      ယင်ဖြူပိုး ကျရောက်မှုကို အမြဲကွင်းဆင်းစစ်ဆေးနေပါ။

·      အပင်ပုပြီး ဝါနေတာမျိုးတွေ့ရပါက တစ်ခါတည်းနုတ်ပြီး ရှင်းပစ်ပေးပါ။

·      အသုံးနိုင်တဲ့ဆေးတွေကတော့ Spinosad, Spirotetramat, Pyriproxyfen, Fipronil+ Bifenthrin, Pymetrozine+ Nintepyram ဖျန်းပေးနိုင်ပါတယ်။

·      ပိုးသတ်ဆေး အမျိုးအစားများကို တစ်လှည့်စီ လှည့်၍ အသုံးပြုပါ။

·      နိုက်ထရိုဂျင်ရွက်ဖျန်းမြေဩဇာ အလွန်အကျွံမသုံးပါနဲ့။

·      အပူချိန်မြင့်ပြီး စိုထိုင်းဆနည်းတဲ့အခြေအနေက ယင်ဖြူပွားများဖို့ကို အားပေးတဲ့အတွက် စိုက်ခင်းစိုထိုင်းဆကိုချိန်ညှိပေးပါ။

ငါး/ပုစွန် ကန်များအတွက်အကြံပြုချက်  

မကွေးတိုင်းမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင်ရွက်ဖို့ အကြံပြု လိုပါတယ်ခင်ဗျာ- 

-      ကန်ရေအရည်သွေးကို စစ်ပေးရန်၊

-      ရေဩဇာတက်နေပါက အစာကို လျော့ကျွေးပေးရန်၊

-      ကန်ရေပေါ် ရေညှိများရှိနေပါက ဖယ်ရှားပေးရန်၊

-      ကန်ရေ သံချေးရောင်ဖြစ်နေပါက ကန်ရေရဲ့ ၃ ပုံ ၁ ပုံကို ထုတ်ပြစ်ပြီး ရေသစ်လဲပေးရန်၊

-      ပျော်ဝင်အောက်ဆီဂျင်တက်စေရန် ချိန်းဆွဲပေးရန်၊

---------------

 မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437