ဧရာဝတီတိုင်းဒေသကြီးအတွက် မိုးလေဝသခန့်မှန်းချက်နှင့် အကြံပြုချက်

ဧရာဝတီတိုင်းဒေသကြီးတွင် မတ်လ ၁ရက်နေ့မှ ၇ရက်နေ့အထိ မိုးရွာသွန်းနိုင်တဲ့အလားအလာမရှိပါဘူး။ ရာသီဥတုကြည်ကြည်လင်လင်သာသာယာယာရှိနေစေပါလိမ့်မယ်။

ဧရာဝတီတိုင်းဒေသကြီးအတွင်းရှိ နွေစပါးစိုက်တောင်သူများထံသို့...

• လက်ရှိ နှံစုပ်ဂျပိုးကျလာတာတွေ့လာရသောကြောင့် နှံစုပ်ဂျပိုးနဲ့ပတ်သတ်ပြီး ကာကွယ်နှိမ်နင်းနည်းများကို အကြံပြုဆွေးနွေးပေးလိုက်ပါတယ်။

• စိုက်ခင်းထဲတွင် နှံစုပ်ဂျပိုးအကောင်ကြီး ၅ ကောင်လောက်တွေ့ရင်စတင်ဆေးဖျန်းသင့်ပါြပီ။

• အရွက်အပေါ်မျက်နှာပြင်ပေါ်မှာ တန်းစီပြီးအုထားတဲ့ ဂျပိုးဥများတွေ့ပါက သေချာပေါက်လက်နဲ့ကောက်ယူပြီး အိတ်ထဲထည့်လာပါ။

• နှံစုပ်ဂျပိုးက နေ့လည်ဘက်မှာ စပါးပင်ခြေ၊ အောက်မျက်နှာပြင်မှာခိုအောင်းနေတတ်ပါတယ်။

• မနက်ခင်းနေရောင်ခြည်မထွက်ခင် အပင်၊ အနှံကိုစုပ်ယူဖျက်ဆီးပြီး ညနေဘက်မှာ မိတ်လိုက်ပါတယ်။

• ဒါကြောင့် ဓာတုဆေးအနေနဲ့ Acetamiprid, Profenofos, Indoxacarb တို့လိုဆေးမျိုးကိုမနက်ခင်းပိုင်းဖျန်းပေးပါ။

• ဓာတုဆေးအသုံးမပြုလိုပါက ဝါလုံးရှည်ထိပ်တွင် အဝတ်စပတ်ပြီး သားငါးဆေးကြောထားသောအရည်တို့ကိုလောင်းချပြီး စိုက်ခင်းထဲတွင်ထောင်ထားခြင်းဖြင့် နှံစုပ်ဂျပိုးကိုထောင်ဖမ်းနိုင်ပါတယ်။

ငါး/ပုစွန် ကန်များအတွက်အကြံပြုချက်

• ဧရာဝတီတိုင်းဒေသကြီးမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင် ရွက်ဖို့ အကြံပြုလိုပါတယ် ခင်ဗျာ-

• ရောက်နှောမွေးမြူစနစ်ဖြင့် တစ်ဝက်တစ်ပြတ်ကန်ဖော်ပြီးနောက် ဆက်လက်မွေးမြူတဲ့ ငါးကန် သမားများအနေဖြင့် ကန်ရေလှယ်ပေးရန်၊

• မိုးရွာသွန်းမှုမရှိချိန် ကန်ရေချဉ်ဖန်နှုန်းတက်လာနိုင်တဲ့အတွက် တစ်ဧက ပုလဲ ၆ ပိဿာခန့်ထည့်ပေးရန်၊

• ငါးအနီစက်ရောဂါကဲ့သို့သော ဘက်တီရီးယားရောဂါများကျရောက်နိုင်တဲ့အတွက် တစ်ဧက လျှင် ထုံး ၁၅ ပိဿာနဲ့ ဆား ၁၅ ပိဿာထည့်ပေးရန်၊

• မျိုးငါးများ ကျန်းမာစေရန် အစာထဲ၌ ဗိုက်တာမင်စီထည့် ကျွေးပေးရန်၊

---------------

မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437