ရန်ကုန်တိုင်းဒေသကြီးအတွက် မိုးလေဝသခန့်မှန်းချက်နှင့် အကြံပြုချက်
၂၀၂၅ မတ်လ ၃ ရက်နေ့မှ ၁၀ရက်နေ့အထိ မိုးရွာသွန်းနိုင်တဲ့အလားအလာမတွေ့ရှိရတော့ဘဲ ရာသီဥတုကြည်ကြည်လင်လင်သာသာယာယာရှိနေစေပါလိမ့်မယ်။
ISSUED TIME
28/02/2025 5:32pm(MMT)
#တိကျမှန်ကန်
Su Su San
𝑴𝒆𝒕𝒆𝒐𝒓𝒐𝒍𝒐𝒈𝒊𝒔𝒕
𝑴𝒆𝒕𝒆𝒐𝒓𝒐𝒍𝒐𝒈𝒊𝒄𝒂𝒍 𝑪𝒆𝒏𝒕𝒓𝒆
ရန်ကုန်တိုင်းဒေသကြီးအတွင်းရှိ ပဲနှင့်စပါးစိုက်တောင်သူများထံသို့
ရာသီဥတုဆိုင်ရာအကြံပေးချက်
· ပြီးခဲ့တဲ့အပါတ်က ပဲသိမ်းချိန်အတွင်း မိုးမိသွားသောတောင်သူများအနေဖြင့် ပဲစိုက်ရာသီအတွင်း စိုက်ခင်းတွင် ဖားဥမှို၊ မှဲ့ပြောက်စွန်းကျခဲ့ပါက ပင်ကြွင်းပင်ကျန်များကို စိုက်ခင်းတွင်းမချန်ထားခဲ့ပါနဲ့။
· တတ်နိုင်သမျှ ရှင်းပစ်ပေးပါ။ မရှင်းနိုင်ပါက ၁ ပေအနက်ထိထယ်မှောက်မြေမြုပ်ပေးပါ။
· မိုးမိထားတဲ့ ပဲကိုလည်းမျိုးအဖြစ်မထားပါနဲ့။
· စပါးစိုက်တောင်သူများအနေဖြင့် လက်ရှိဖြုတ်ကျနေတာတွေ့ရသောကြောင့်ဓာတုဆေးအနေနဲ့ Buprofezin+Dinotefuran, Pymetrozine+ Nitnepyram, Fenobucarb+ Cyantraniliprole အဆင်ပြေရာကိုရေထုတ်ပြီးမှဖျန်းပေးပါ။
· ရေကို စိုတစ်လှည့်၊ခြောက်တစ်လှည့် ပြတ်တောင်းသွင်းပါ။ လေကြောင်းခွဲပေးပါ။
· ပိုတက်ရှ်(K)ကိုအဓိကထည့်ပေးပါ။
ငါး/ပုစွန် ကန်များအတွက်အကြံပြုချက်
ရန်ကုန်တိုင်းဒေသကြီးမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင်ရွက်ဖို့ အကြံပြု လိုပါတယ်ခင်ဗျာ-
ငါး/ပုစွန်ကန်များအတွက်အကြံပြုချက်
- ဘက်တီးရီးယားပေါက်ပွားချိန်ဖြစ်၍ ငါးများရောဂါမကျအောင် ကြိုတင်ကာကွယ်ရန်၊
- အမိုးနီးယား အဆိပ်အတောက်မဖြစ်စေရန် အစာကို လိုအပ်သလောက်သာကျွေးရန်၊
- အနွေးဓါတ်ဝင်ချိန် နံနက် ၉:ဝဝ နာရီမှ ညနေ ၃:ဝဝ အတွင်းသာ အစာကျွေးခြင်းကို ဆောင်ရွက်ရန်၊
- ငါးရဲ့ ကိုယ်အလေးချိန်ရဲ့ ၅ ရာခိုင်နှုန်းမှ ၁၅ ရာခိုင်နှုန်းအထိသာ အစာကျွေးရန်၊
- အေးတဲ့ရာသီဥတုမှာ ငါးတွေ စိတ်ဖိစီးမှုလျော့စေဖို့နဲ့ ခုခံအားတက်စေဖို့ ဗိုက်တာမင်စီကို အစာနဲ့ ရောကျွေးရန်၊
-------------
မိုးလေဝသအဖွဲ့ဝင်ရန် - https://htwettoe.com/organization/12
သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို
ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.
သီးနှံပေါက်စျေးကြည့်ရှုနည်း_ https://htwettoe.com/post/50437