ပင်မစာမျက်နာ
အဖွဲ့များ
စူးစမ်းရန်
စာတို
ကျွန်ုပ်
စျေးနှုန်း
ပဲခူးတိုင်းဒေသကြီးအတွက် တစ်ပတ်စာမိုးလေဝသခန့်မှန်းချက်နှင့် အကြံပြုချက်
ပဲခူးတိုင်း ၂၀၂၅ မတ်လ ၄ ရက်နေ့မှ ၁၁ ရက်နေ့အထိ မိုးရွာသွန်းနိုင်တဲ့အလားအလာမတွေ့ရှိရတော့ဘဲ ရာသီဥတုကြည်ကြည်လင်လင်သာသာယာယာရှိနေစေပါလိမ့်မယ်။
𝑴𝒆𝒕𝒆𝒐𝒓𝒐𝒍𝒐𝒈𝒊𝒔𝒕
𝑴𝒆𝒕𝒆𝒐𝒓𝒐𝒍𝒐𝒈𝒊𝒄𝒂𝒍 𝑪𝒆𝒏𝒕𝒓𝒆
- ပဲခူးတိုင်းဒေသကြီးအတွင်းရှိ စပါးနှင့် ကြက်သွန်စိုက်တောင်သူများထံသို့
- စိုက်ပျိုးရေးဆိုင်ရာအကြံပြုချက်
- စပါးတွင်ကျရောက်လျက်ရှိသော ဂုတ်ကျိုး၊ ရွက်ညိုပြောက်ရောဂါများအတွက် ကာကွယ်နှိမ်နင်းနည်းများကို ဆွေးနွေးအကြံပြုပေးလိုက်ပါတယ်။
- နိုက်ထရိုဂျင်ပုလဲယူရီးယားမြေဩဇာများကို အလွန်အကျွံမထည့်ပါနဲ့၊ အကြိမ်ရေခွဲထည့်ပေးပါ။
- မှိုသတ်ဆေးအနေနဲ့ Tricyclazole, Propiconazole, Isoprothiolane ကိုရွေးချယ်နိုင်ပါတယ်။
- ကြက်သွန်တွင်လက်ရှိကျရောက်နေသော သရစ်(လှေး)ပိုးအတွက် ကာကွယ်နှိမ်နင်းနည်းများကတော့-
- စိုက်ခင်းအစိုဓာတ်ကိုထိန်းပေးပါ။
- နိုက်ထရိုဂျင်ဟော်မုန်းရွက်ဖျန်းအားဆေးများအလွန်အကျွံမဖျန်းပါနဲ့။
- လှေးပိုးအတွက် Acetamiprid, Fipronil, Spinosad, Spirotetramat , Chlorfenapyr တို့ကိုရွေးချယ်နိုင်ပါတယ်။
ငါး/ပုစွန် ကန်များအတွက်အကြံပြုချက်
ပဲခူးတိုင်းဒေသကြီးမှာရှိတဲ့ ငါး/ပုစွန်မွေး တောင်သူများအတွက် အောက်ပါအချက်တွေ ဆောင်ရွက်ဖို့ အကြံပြု လိုပါတယ်ခင်ဗျာ-
အချို့သော ငါးမွေးတောင်သူများသည် သဘာဝမြေဩဇာအလွန်အကျွံသုံးစွဲခြင်းကြောင့် ငါးများတွင် ဖျဉ်းဆွဲခြင်း (Dropsy disease) ရောဂါများ ကျရောက်တတ်ပါသည်။ ငါးများ၏ဝမ်းဗိုက်သည် ကြီးထွားဖောင်ပွနေပြီး ပူဘောင်းကဲ့သို့ဖြစ်နေပါသည်။ ငါး၏ ဝမ်းဗိုက်အတွင်း အစိမ်းရောင် (သို့မဟုတ်) စိမ်းဝါရောင် အရည် များစုဝေးနေပြီး ငါးသည် ဟန်ချက်ပျက်ပြီး ရေတွင်ကောင်းစွာမကူနိုင်ပါ၊ အစာလည်း မစားနိုင်ပါ။ ဘူရိုမိုးနပ်နှင့် အေရိုမိုးနပ်ရောဂါပိုးကြောင့် ဖြစ်ပါသည်။
ကာကွယ်ကုသနည်းမှာ-
- -တစ်ဧကလျှင် ထုံး ပိဿာ (၃၀)ထည့်ပေးပါ။
- -သဘာဝမြေဩဇာထည့်သွင်းခြင်းကိုရပ်ထားပါ။
- -အမော်စလင်၊ အယ်ရီသရိုမိုက်တင် ကဲ့သို့ ပဋိဇီဝဆေးများကို အစာ၆၃ကျပ်သားတွင် ဆေး (၂-၃) ဂရမ်နှုန်းထည့်ပြီး အစာကြွေးခြင်းကို (၇-၁၀)ရက်ခန့် ရပ်ပေးခြင်းဖြင့် ဆောင်ရွက်နိုင်ပါသည်။
-------------
မိုးလေဝသအဖွဲ့ဝင်ရန် - https://htwettoe.com/organization/12
သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို
ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.
သီးနှံပေါက်စျေးကြည့်ရှုနည်း_ https://htwettoe.com/post/50437
