မန္တလေးတိုင်းဒေသကြီးအတွက် တစ်ပတ်စာမိုးလေဝသခန့်မှန်းချက်နှင့် အကြံပြုချက်

၂၀၂၅ မတ်လ ၁၅ ရက်နေ့မှ ၃၁ ရက်နေ့အတွင်း နေ့အပူချိန်များမြင့်တက်လာနိုင်ပြီး ရာသီဥတုကြည်ကြည်လင်လင် သာသာယာယာရှိနေစေပါလိမ့်မယ်။ မိုး  အနှောက်အယှက်မရှိနိုင်ပါဘူး။ 

ISSUED TIME 

12/03/2025 6:58am(MMT) 

#တိကျမှန်ကန် 

Su Su San 

𝑴𝒆𝒕𝒆𝒐𝒓𝒐𝒍𝒐𝒈𝒊𝒔𝒕 

𝑴𝒆𝒕𝒆𝒐𝒓𝒐𝒍𝒐𝒈𝒊𝒄𝒂𝒍 𝑪𝒆𝒏𝒕𝒓𝒆 

Weather Source: Su Su San 

မန္တလေးတိုင်းဒေသကြီးအတွင်းရှိ နှမ်းစိုက်မည့်တောင်သူများအနေနဲ့ နှမ်းရိုးမဲရောဂါကို ကြိုတင်ကာကွယ်ထားသင့်ပါတယ်။ 

• ကာကွယ်နှိမ်နင်းနည်းတွေကတော့ 
• သီးလှည့်စိုက်ပါ။ 
• ရောဂါကျပင်ကြွင်း၊ ပင်ကျန်များကို ဖျက်ဆီးပါ။ 
• မျိုးစေ့များကို ဟိုမိုင်း မျိုးစေ့လူးနယ်ဆေးဖြင့် လူးနယ် စိုက်ပျိုးပါ။ 
• ရောဂါကျရောက်လေ့ရှိသော နေရာများတွင် ထရိုင်ဂိုဒါးမား အကျိုးပြုဇီဝမှိုဆေးများအသုံးပြုပါ။ 
• ဓါတုဆေးများအသုံးပြုမယ်ဆိုရင်တော့ ဘီနိုမိုင်း၊ အဇိုဆီစထရိုဘင်၊ တက်ဗျူကိုနာဇိုးလ် စသောမှိုသတ်ဆေးများသုံး၍ ကာကွယ်ကုသနိုင်ပါတယ်။   

ငါး/ပုစွန်ကန်များအတွက်အကြံပြုချက်  

• အချို့သော ငါးမွေးတောင်သူများသည် သဘာဝမြေဩဇာအလွန်အကျွံသုံးစွဲခြင်းကြောင့် ငါးများတွင် ဖျဉ်းဆွဲခြင်း ရောဂါများ ကျရောက်တတ်ပါသည်။ ငါးများ၏ဝမ်းဗိုက်သည် ကြီးထွားဖောင်ပွနေပြီး ဘူဘောင်ကဲ့သို့ဖြစ်နေပါသည်။ ငါး၏ ဝမ်းဗိုက်အတွင်း အစိမ်းရောင် (သို့မဟုတ်) စိမ်းဝါရောင် အရည် များစုဝေးနေပြီး ငါးသည် ဟန်ချက်ပျက်ပြီး ရေတွင်ကောင်းစွာမကူနိုင်ပါ၊ အစာလည်း မစားနိုင်ပါ။ ဘူရိုမိုးနပ်နှင့် အေရိုမိုးနပ်ရောဂါပိုးကြောင့် ဖြစ်ပါသည်။ 

ကာကွယ်ကုသနည်းမှာ- 

• -တစ်ဧကလျှင် ထုံး ပိဿာ (၃၀)ထည့်ပေးပါ။ 
• -သဘာဝမြေဩဇာထည့်သွင်းခြင်းကိုရပ်ထားပါ။ 
• -အမော်စလင်၊ အယ်ရီသရိုမိုက်တင် ကဲ့သို့ ပဋိဇီဝဆေးများကို အစာ၆၃ကျပ်သားတွင် ဆေး (၂-၃) ဂရမ်နှုန်းထည့်ပြီး အစာကြွေးခြင်းကို (၇-၁၀)ရက်ခန့် ရပ်ပေးခြင်းဖြင့် ဆောင်ရွက်နိုင်ပါသည်။ 

--------------- 

မိုးလေဝသအဖွဲ့ဝင်ရန် - https://htwettoe.com/organization/12 

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်. 

သီးနှံပေါက်စျေးကြည့်ရှုနည်း_ https://htwettoe.com/post/50437