🚨 နှမ်းစိုက်ခင်းရေသွင်းခြင်း 🚨

နှမ်းစိုက်ခင်းတွင် ပျိုးမချမီ ရေသွင်းရေထုတ်ပြုလုပ်ခြင်း  

နှမ်းထုတ်လုပ် စိုက်ပျိုးရာတွင် အရည်အသွေး ပိုမိုကောင်းမွန်စေရန် နှမ်းစိုက်ခင်းအတွင်း ရေအသွင်းအထုတ်ပြုလုပ်မှုကို တိကျသေချာစွာ လုပ်ဆောင်ပေးပါ။ နှမ်းမပျိုးမီ မြေသား စိုစွတ်မှုရှိစေရန် စိုက်ခင်းအား ရေသွင်းရပြီး ခြောက်သွေ့သော စိုက်မြေတွင် နှမ်းအား စိုက်ပျိုးနိုင်မှာ မဟုတ်ပါ။ မျိုးစေ့များ အညှောက်ပေါက်ရန်အတွက် လိုအပ်သော အစိုဓာတ်ကို ရရှိစေရန် (၃)ရက်ခန့် ရေသွင်းပေးရပါမယ်။ ထို့ကြောင့် နှမ်းစိုက်ပျိုးရေးအတွက် ရေအသွင်းအထုတ်ပြုလုပ်ခြင်းသည် အရေးပါသော လုပ်ဆောင်ချက် တစ်ခု ဖြစ်ပါတယ်။ 

နှမ်းမပျိုးမီအဆင့်တွင် မြေမပြင်မီ (၄)ပတ် မှ (၅)ပတ်အတွင်း ရေအသွင်းအထုတ် (၂)ကြိမ် မှ (၃)ကြိမ် လုပ်ပေးရပါမယ်။ ရေတစ်ကြိမ်သွင်းပါက (၇)ရက် မှ (၁၂)ရက်အတွင်း ပြုလုပ်ပေးပါ။ 

နှမ်းပင်များ ကြီးထွားချိန် ရေသွင်းရေထုတ် ပြုလုပ်ခြင်း  

နှမ်းပန်းပွင့်သည့် ရာသီအတွင်း ရေသွင်းရေထုတ်ပြုလုပ်ခြင်း မရှိပါက နှမ်းအထွက်နှုန်းကို လျော့ကျစေပါလိမ့်မယ်။ အစိုဓာတ်ပိုများလေ အထွက်နှုန်းပိုတိုးလေ ဖြစ်သောကြောင့် ပန်းမပွင့်မီနှင့် မရိတ်သိမ်းမီကာလ အပင်များ ကြီးထွားလာသည့်အချိန်တွင် ရေသွင်းရေထုတ်လုပ်ငန်းကို တိကျသေချာစွာ ပြုလုပ်ပေးပါ။ သို့မှသာ နှမ်းအထွက်နှုန်းတိုးမှ ဖြစ်ပါတယ်။ 

ရေသွင်းရေထုတ်ကို မှန်ကန်စွာ ပြုလုပ်ခြင်းဖြင့်လည်း မှိုရောဂါများနှင့် ပိုးမွှားများ ရန်ကို လျှော့ကျစေနိုင်ပါတယ်။ နှမ်းစေ့များ အညှောက်ပေါက်ပြီးနောက် (၄)ရက် မှ (၅)ရက်ခန့် ရေအသွင်းအထုတ် ပြုလုပ်ပေးရပါမယ်။ အပင်ကိုင်းများနှင့် အပင်ခွဲများတွင် ပန်းပွင့်တာရပ်ပြီး ပန်းဖြူဖြူလေးများ ပွင့်နေခြင်းမရှိတော့သည့် နောက်ဆုံး အပွင့်ဆောင်သည့်အချိန်တွင် ရေသွင်းတာကို ရပ်တန့်ပေးပါ။ 

-------------- 

ထွက်တိုး Telegram Channel ဝင်ရန် နှိပ်ပါ - https://t.me/htwettoe 

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။ 

ထွက်တိုးမဲလက်မှတ်လဲခြင်း အစီအစဉ်လေ့လာရန် - https://htwettoe.com/post/54350 

အမှတ်စစ်နည်းကို လေ့လာရန် https://htwettoe.com/post/52857