cover

ထွက်တိုး

coverပင်မစာမျက်နာ
coverအဖွဲ့များ
coverစူးစမ်းရန်
coverစာတို
coverကျွန်ုပ်

ကိရိယာများ

coverစျေးနှုန်း
ရာသီဥတုအလိုက်သီးနှံခန့်မှန်းခြင်း
ရာသီဥတု
ငါးစာ တွက်ချက်ဖော်စပ်နည်း

ကျွန်ုပ်၏ အဖွဲ့များ


အဖွဲ့များအားလုံး

user profile image
ဆွေးနွေးမယ်image
ပြန်သွားပါ

သိသာထင်ရှားသော အားကောင်းသည့်လေဖိအားနည်းရပ်ဝန်း UPDATE

. ရာသီဥတု သတင်းများ
ရခိုင်ပြည်နယ်မြောက်ပိုင်း စစ်တွေ၊ မြောက်ဦး နဲ့ မင်းပြားဒေသတွေမှာလဲ ဧပြီလ ၁၁ ရက် ည ၁၀ နာရီမှ နောက် ၂၄ နာရီအတွင်း မိုးများနိုင်ပါမယ်၊ ရွာသွန်းနိုင်တဲ့ မိုးရေချိန် ၃၇ မီလီမီတာ(၁.၄၆ လက်မ)အထိ ရွာနိုင်ပါမယ်။
  • ဧပြီလ ၉ ရက် နေ့လည် ၁ နာရီ ခွဲ

    ====

    ဧပြီလ ၁၁ ရက် ညပိုင်းမှာ အခုဖြစ်ပေါ်နေတဲ့ ဘင်္ဂလားပင်လယ်အော်တောင်ပိုင်း-အနောက်အလယ်ပိုင်းက အားကောင်းသော/သိသာထင်ရှားသော လေဖိအားနည်းရပ်ဝန်း(Well-marked Low Pressure Area)သည် ...

    အိန္ဒိယနိုင်ငံ မိုးလေဝသဌာန(IMD)မှ ဒီနေ့ ဧပြီ ၉ ရက်နေ့မှာ ထွက်လာတဲ့ ထုတ်ပြန်ချက်အရ ပြောင်းလဲမှုမရှိပဲ မနေ့က ထုတ်ပြန်ချက်အတိုင်းရှိနေဆဲဖြစ်ပါတယ်။

    IMD ထုတ်ပြန်ချက်အရ -

    - ဒီနေ့ မနက် ၉ နာရီမှ နောက် ၁၂ နာရီအတွင်း ဘင်္ဂလားပင်လယ်အော်အနောက်အလယ်ပိုင်းမှတဆင့် မြောက်-အနောက်မြောက်ကို ဆက်ရွေ့မယ်၊ နောက် ၂၄ နာရီအတွင်းမှာတော့ မြောက်-အရှေ့မြောက်ဘက်ကို ချိုးကွေ့ပြီးတာနဲ့ နောက်တရက်အတွင်းမှာ တဖြည်းဖြည်းအားလျော့သွားနိုင်မယ်လို့ ခန့်မှန်းထားပါတယ်။

    - MJO Phase status including equatorial waves, Wind shear, Multi-models(ECMWF, NCEP, GFS, IMD-GFS မော်ဒယ်များ)ရဲ့ ခန့်မှန်းချက်အပါအဝင် Technical details တွေကိုတော့ ဒီမှာ ရှင်းမပြတော့ပါ၊ သိချင်ရင် ဖတ်နိုင်အောင် ပုံ တွဲပေးထားပါမယ်။

    - အိန္ဒိယမိုးလေဝသဌာနပြီးတော့ ECMWF model ကြိုတင်ခန့်မှန်းအရ ဧပြီလ ၁၁ ရက ည ၁၀ နာရီ ခန့်မှာ Well-marked LPA သည် စစ်တွေအနောက်ဘက် ၁၃၀ မိုင်ခန့်အထိရောက်လာနိုင်တာကြောင့် အဲ့ဒီ လေဖိအားနည်းရပ်ဝန်းရဲ့ ညာဘက် က မြန်မာနိုင်ငံမှာ နေရာအနှံ့ မိုးရွာနိုင်၊ နေရာကွက်ပြီး မိုးများနိုင်မဲ့ အခြေအ‌နေတွေ တွေ့ရပါတယ်။

    - ရခိုင်ကမ်းရိုးတန်းတလျှောက်နဲ့ ဧရာဝတီတိုင်း-အနောက်ဘက် ကမ်းရိုးတန်းဒေသတွေမှာ လေ/မိုးပြင်းထန်နိုင်ပါတယ်။

    - မြန်မာနိုင်ငံအလယ်ပိုင်းက ငလျင်ဒဏ်သင့်ဒေသတွေမှာတော့ ဧပြီလ ၁၁ ရက် ည ၁၀ နာရီမှ နောက် ၂၄ နာရီအတွင်း မိုးများနိုင်ပါမယ်၊ ရွာသွန်းနိုင်တဲ့မိုးရေချိန် ၂၄ နာရီအတွင်း ၆၀ မီလီမီတာ(၂.၃၆ လက်မ)အထိ ရွာနိုင်ပါမယ်။

    - ရခိုင်ပြည်နယ်မြောက်ပိုင်း စစ်တွေ၊ မြောက်ဦး နဲ့ မင်းပြားဒေသတွေမှာလဲ ဧပြီလ ၁၁ ရက် ည ၁၀ နာရီမှ နောက် ၂၄ နာရီအတွင်း မိုးများနိုင်ပါမယ်၊ ရွာသွန်းနိုင်တဲ့ မိုးရေချိန် ၃၇ မီလီမီတာ(၁.၄၆ လက်မ)အထိ ရွာနိုင်ပါမယ်။

    - ကျန်ပြည်နယ်/တိုင်းဒေသတွေမှာတော့ မိုးအနည်းငယ်မှအသင့်အတင့်သာရွာနိုင်ကြောင်းခန့်မှန်းရပေမဲ့ ရွေ့လျားဝင်ရောက်လာတဲ့ မိုးတိမ်များလမ်းကြောင်းနဲ့ ထပ်တူကျတိုက်ဆိုင်ရင်တော့ နေရာကွက်ပြီး မိုးများနိုင်၊ လေပြင်းကျနိုင်မဲ့ အခြေအနေတွေဖြစ်ပေါ်နိုင်ပါတယ်။

    အထူးအသိပေးချင်တာ(Special warning)တခုကတော့ ငလျင်ဒဏ်သင့်ဒေသတွေမှာ နေထိုင်သော ပြည်သူများနဲ့ -ကူညီကယ်ဆယ်ရေးအလုပ် လုပ်နေကြတဲ့ အဖွဲ့တွေအတွက်ပါဘဲ။

    - ရေဘေး/လေဘေး/မီးဘေး နဲ့ ငလျင်ဘေး မတူပါဘူး၊

    -ရေဘေး/လေဘေး/မီးဘေး ဆိုတာတွက မုန်တိုင်း၊ ရေကြီးတာနဲ့ မီးလောင်ပြီးသွားရင် ကယ်ဆယ်ရေးတွေကို မြေကြီးပေါ်မှာ ခြေနှစ်ချောင်း ရဲရဲဝံဝံ့ ရပ်တည်ပြီး အလုပ်လုပ်နိုင်ပါတယ်၊

    - ငလျင်ဘေးကတော့ မြေကြီးထဲက မမြင်နိုင်တဲ့ ပြောင်းလဲမှုတွေရယ်၊ ဖယ်ရှားရှင်းလင်းခြင်းမပြုရသေးတဲ့ အဆောက်အဦတွေရယ် တကယ်ကို ကြီးမားတဲ့ အန္တရာယ်တွေ ဖြစ်သွားနိုင်ပါတယ်။

    ခြေလှမ်းတိုင်းမှာ "SAFETY FIRST" ပါ

    Source: U Win Naing

    --------------------

    မိုးလေဝသအဖွဲ့ဝင်ရန် - https://htwettoe.com/organization/12

    သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို

    ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

    သီးနှံပေါက်စျေးကြည့်ရှုနည်း_ https://htwettoe.com/post/50437


  • article
likes
7
comments
0
views
5381