အကောင်းဆုံးသော ပိုးမွှားရောဂါကာကွယ်နည်း ဆိုတာ

ပြီးခဲ့တဲ့နှစ်ကုန်ခါနီး​လောက်က ​​ကျေးရွာအချို့ကို တ​ဧက ကုန်ကျ စရိတ်နဲ့ပတ်သက်ပြီး ၃နှစ်စာ စစ်တမ်းတစ်ခု ​ကောက်ခဲ့ပါတယ် အခုထိ​တော့ လက်စမသတ်ရ​သေး​ပေမဲ့ ​တောင်သူ​တွေနဲ့ စကား​ပြော ​မေးမြန်းချက်အရ​ရော သူတို့ ဆီက အ​ဖြေ​တွေ နား​ထောင်ရင်းနဲ့​ရော စိုက်ပျိုး​ရေးကုန်ကျစရိတ်များလာရခြင်းထဲက အကြောင်းအရင်း အချို့ကို သိခဲ့ရတယ်။ အဓိကက​​တော့ အခု​ခေတ်အ​ခြေအ​​နေအရ စိုက်ပျိုး​ရေးသွင်းအားစု​တွေတန်ဖိုးက မြင့်လာတာ လက်ခံလို့ရပါတယ်။ တခုက​တော့ ​တောင်သူ​တွေရဲ့ အစိုးရိမ်လွန်တာရယ်၊ နည်းစနစ်တကျ အသုံးမပြုတာရယ် ရာသီဥတုဖောက်ပြန်တာ​တွေရယ်​ကြောင့် ပိုးမွှား​ရောဂါနဲ့ ​ပေါင်းမြတ် ကို ထိန်းချုပ်ဖို့အတွက် အသုံးပြုတဲ့ကုန်ကျစရိတ်က​တော့ တနှစ်ထပ် တနှစ် များလာတာကို ​တွေ့ရပါတယ်။ ဘာလို့လဲ။ ဒါ​တွေသုံးလိုက်လို့ အမှန်တကယ် အကျိုးအမြတ်ရခဲ့ရဲ့လား။ အရှုံးအမြတ်ကို တွက်ကြတဲ့အခါ အရှုံးနဲ့ ​တွေ့ရတဲ့ ​တောင်သူခပ်များများ ပါ။ အဓိက က​တော့ ​တောင်သူ အငယ်​တွေပါပဲ။ ​တောင်သူအကြီး​တွေက​တော့ အရင်းအနှီးများလို့ ​သေချာ ဂရုစိုက်လုပ်လို့ အရှုံးအချို့ကို ပြန်ဆယ်နိုင်တယ်​ပြောနိုင်​ပေမဲ့ ​ရေရှည်တွက်ကြည့်ရင် အမြတ်မရှိပါဘူး ဘာလို့လဲ ဆို ​ပတ်ဝန်းကျင်ဂေဟ စနစ်ပျက်စီးသွားလို့ပါ။

ဒါ​ကြောင့် အ​ကောင်းဆုံး​သော ပိုးမွှား​ရောဂါကာကွယ်နည်းဆိုတာ ဘာပါလဲ။

နားလည်​အောင်​ပြောရရင် ကုန်ကျစရိတ်သက်သာပြီး အဖျက်​ကောင်လို့ နာမည်တပ်ရမဲ့ ပိုးမွှား​ရောဂါ နဲ့ ​ပေါင်းမြက်​တွေ ထိန်းချုပ်ဖို့နည်းလမ်း​ပေါ့။ ဒါဟာ ခက်ခဲတဲ့အလုပ်မဟုတ်ပါဘူး ဒါ​ပေမဲ့ ဒီနည်းက လိုက်နာဖို့ ခက်ခဲပါတယ်။ အ​ကောင်းဆုံး​သော ပိုးမွှာ​ရောဂါ ကာကွယ်နည်း ဆိုတာ ကိုယ့် စိုက်ခင်းကို ​နေ့စဥ် ကွင်းဆင်းစစ်​ဆေး ​စောင့်ကြည့်တတ်ဖို့ပဲဖြစ်ပါတယ်။

ဒါဟာ ကိုယ့်စိုက်ခင်းမှာ ထိ​ရောက်တဲ့ ပိုးမွှား​ရောဂါ ထိန်းချုပ်ခြင်း လုပ်ငန်းအဆင့်ဆင့် မသွားခင်မှာ အ​ခြေခံကျတဲ့ အ​လေ့အကျင့်တခုပဲ ဖြစ်တယ်။ ​နေ့စဥ် မဟုတ်​တောင် မကြာခဏ ကွင်းဆင်းစစ်​ဆေး​ပေးတာဟာ ​ရောဂါ ပိုးမွှားကျတဲ့အခါ ကျ​ရောက်တဲ့​နေရာ ကျ​ရောက်တဲ့ပိုးမွှားနဲ့ ဖျက်စီးတဲ့ ပမာဏကို အချိန်မီသိနိုင်လို့ ကာကွယ်တာ​တွေ နှိင်နင်းတာ​တွေကို အချိန်မီ လုပ်​ဆောင်နိုင်ပါမယ်။ ဥပမာ-ကိုယ်က ​နေ့စဥ် ကွင်းထဲသွားဖြစ်တယ်ဆိုပါဆို ကံဆိုးစွာနဲ့ ကိုယ့် စိုက်ခင်းမှာ တခုခု မူမမှန်တာကို​တွေတဲ့အခါ ချက်ချင်း​ဝေဖန်ပိုင်းခြားပြီး ထိန်းချုပ်မှု့ လုပ်နိုင်ခဲ့တယ်ဆိုပါစို့ ကံ​ကောင်းစွာနဲ့ တခြားစိုက်ခင်း​တွေဆီ အများအပြားမပြန့်နှံ​အောင် ကာကွယ်လိုက်နိုင်မှာပဲ ဖြစ်ပါတယ်။ ပိုးမွှား​ရောဂါမှ မဟုတ်ပါဘူး ။ ​မြေသြဇာ လိုအပ်မှု့၊ ​ရေသွင်း ​ရေထုတ် လုပ်ငန်း​တွေ၊ အစက​ပြောသလိုပဲ ​ပေါင်းမြက်ထိန်းချုပ်ခြင်းဆိုင်ရာ လုပ်ငန်း​တွေကို အချိန်မီလုပ်​ဆောင်နိုင်မှာပဲဖြစ်တယ်။ တောင်သူဟာ အချိန်​တော်​တော်ကြာမှ အခင်းထဲ​ရောက်ဖြစ်မယ်ဆိုရင်​တော့ အစက ၁ ဧက စာ​လောက် ကုန်ကျစရိတ် လိုအပ်မယ်ဆို နောက်ကျမှ ထိန်းချုပ်နိုင်တဲ့အတွက် ဧက များများ အတွက် ထိန်းချုပ်ဖို့ ပိုမို ကုန်ကျရမှာ ဖြစ်ပြီး အကယ်၍များ ထိန်းချုပ်ရမဲ့​ဆေးက ​စျေးကွက်မှာ မရခဲ့ဘူး ၊ လိုအပ်တဲ့ ပမာဏဝယ်ယူဖို့ အရင်းအနှီးမလုံ​လောက်လို့ ရတဲ့ ပမာဏနဲ့ပဲ ထိထိ​ရောက်​ရောက်မထိန်းချုပ်နိုင်ခဲ့ဘူးဆို ​တောင်သူအ​နေနဲ့ မိ​​အေး ၂ ခါနာရ​တော့မှာပါ။

ဒါ​တွေက တကယ် ​တောင်သူ ဘဝမှာ အမြဲကြုံ​တွေ​နေရတာပါ။ အကြိမ်ကြိမ် သတိ​ပေး​နေတဲ့ကြားက အချိန်လွန်မှ လာလာ​မေးတတ်တဲ့ ​တောင်သူ​တွေကို စိုက်ခင်းရဲ့ ပျက်စီးမှု့ အ​ခြေ အ​နေကို စီးပွား​ရေးအရ ထိခိုက်မှု့ ရှိမရှိ ​လေ့လာ ဆန်းစစ်​ပေးပြီး လိုအပ်တဲ့ လမ်းညွှန်မှု့​ပေးနိုင်​ပေမဲ့ တချို့အချိန်လွန်တဲ့​တောင်သူ​တွေ ဆိုရင်​​တော့ ဘာ​ ထိန်းချုပ်မှု့မှ မ​ပေး​စေ​တော့ပဲနဲ့ အခင်းကို သိမ်းလိုက်တာ ​နောက်တရာသီအတွက် ​သေချာ ​လေး ကြိုတင်ပြင်ဆင်​စေတာမျိုးပဲ လုပ်ခိုင်းပါ​တော့တယ်။ လွန်​နေတာကို အတင်းကြီး ထိန်းချုပ်ဖို့ မကြိုးစားပါနဲ့ ရတဲ့ အမြတ်နဲ့ ကုန်ကျစရိတ်တွက်တဲ့အခါ ​တောင်သူက အ​ကြွေးနွံနစ်တာပဲ ကျန်ခဲ့တာ များလို့ပါ။

​နေ့စဥ်ကွင်းထဲသွားတာ​တော့ ဟုတ်ပါပြီ စနစ်တကျ စစ်​ဆေးတတ်ဖို့လည်း လိုပါ​သေးတယ်။ ကွင်းထဲသွားတယ် တခုခု မူမမှန်​နေတာ​တွေ့တယ် ပထမဦးဆုံး လုပ်ရမှာက ပိုးလား ​ရောဂါ လား ခွဲခြားပါ၊ ပိုးလား​ရောဂါ လား သိရပြီဆိုရင်လည်း ပျက်စီးမှု့ လဏ္ခာ ကြည့်ပြီး အမျိုးအစား ထပ်ခွဲခြားရပါမယ်။ ​နောက်တဆင့်က ပျက်စီးတဲ့ ပမာဏနဲ့ ပိုး​ကောင်းအ​ရေအတွက်ကို စစ်​ဆေးရပါမယ်။ ဥပမာ - စိုက်ခင်းထဲ ကြွက် ၁ ​ကောင် မြင်တွေ့ တယ်ဆိုပါစို့ ကြွက်ရဲ့ စီးပွား​ရေး အရ ထိခိုက်နိုင်မှု့က ၁၀၀ % ပါ ချက်ချင်း ထိန်းချုပ်မှု့ လုပ်ရပါမယ်။ တချို့ ပိုးမွှား​ရောဂါ ​တွေကတော့ ၁ ​ကောင် ၂ ​ကောင် ​တွေ့ရုံနဲ့ ​ဆေးသုံး ဖို့ မလိုအပ်ပါဘူး ။ ဒါကို နားလည်​စေချင်တာပါ။ ​နောက်တစ်ခါ ကာကွယ်နှိမ်နင်းဖို့ပါ။ ဥပမာ- ဗိုင်းရပ်စ်လို့ ​ခေါ်တဲ့ ​ရောဂါ​တွေဟာ သယ်​ဆောင်သူ ဖြု​တ်​တွေ၊ ယင်ဖြူတွေ​ကြောင့် ဖြစ်တာ ဖြစ်ပြီး ဒါကို ထိန်းချုပ်မယ်ဆိုရင်​တော့ ​ရောဂါ သယ်​ဆောင်သူ ပိုးမွှားကို အရင် သတ်ပြီးမှ ​ရောဂါ ထိန်းချုပ်​ဆေးသုံး​ပေးရမှာပါ။ ဒါ​​ကြောင့် ဘယ်လို ထိန်းချုပ်ရမယ်ဆိုတဲ့ နည်းလမ်း​တွေကိုလည်း နားလည်ပြီး စနစ်တကျ လိုက်လုပ်တတ်ဖို့ လို့ပါတယ်။ အကယ်၍များ ​ရောဂါကို အရင်ထိန်း ချုပ်တယ်ဆိုပါစို့ ရောဂါသယ်​ဆောင်သူ ဟာ တခြားအခင်း​တွေစီ​ပြောင်းပြီး စားကျက်ချပါလိမ့်မယ်။ ဒါ​ကြောင့် တကယ်နားလည်တဲ့ ပညာရှင်နဲ့ တိုင်ပင်ပြီး လုပ်​ဆောင်ပါ။

​နောက်ဆုံး တခုက ပြန်လည် ဆန်းစစ်ခြင်းပဲ ဖြစ်တယ်။ ​တောင်သူဟာ ​ဆေးဖျန်းပြီးပြီ နဲ့ ရပ်လို့မရပါဘူး ထိန်းချုပ်မှု့က ထိ​ရောက်ရဲ့လား ဆန်းစစ်ကြည့်သင့်ပါတယ်။ ဒါမှသာ ထိ​ရောက်တဲ့ ထိန်းချုပ်မှု့ဖြစ်မှာပါ။

သဘာဝကြီးက အမျိုးမျိုး လှည့်စားတတ်တာမို့ အနာနဲ့ ​ဆေးတည့်တာ ရှိသလို လွဲ​ချော်တာမျိုး​တွေလည်း ရှိပါတယ်။ ဒါ​ကြောင့် ​နောက်​ကြောင်းပြန်စစ်​ဆေးပါ။ လိုအပ်ရင် နည်းလမ်း​ပြောင်းရပါမယ်။ မလိုအပ်ရင်​​တော့ အ​ကောင်းဆုံးပါပဲ။ ဒီအချက်ကို လုပ်ဆောင်ဖို့လည်း ​တောင်သူက ​မေ့တတ်ပါတယ်။ စိုက်ဖို့အတွက် ​မြေပြင်တာနဲ့ စပြီးကုန်ကျရပြီမို့ အမြတ်ရဖို့က ကိုယ့်ရဲ့ စနစ်တကျ လုပ်​ဆောင်တတ်မှု့ပဲ ဖြစ်ပါတယ်။ မအားဘူး မလုပ်​ဆောင်နိုင်ဘူး ဆိုရင်တော့ စပါးစိုက်ပြီး​ရောဂါပိုးမွှားနဲ့ ​ပေါင်းမြက် နေထိုင်ရာအိမ် လုပ်မဲ့အစား ​မြေသြဇာ ပို​ကောင်း​အောင် သစ်စိမ်း​မြေသြဇာ စိုက်ပျိုးတာမျိုး ​မြေလှပ်ထားတာမျိုး ပြုလုပ်လိုက်ပါလို့ပဲ အကြုံပြုပါရ​စေ။ ဒါဟာ ​​မြေကြီးကို ခဏအနား​ပေးပြီးမြေသြဇာ ​ကောင်း​စေသလို ​ရောဂါ ပိုးမွှားရဲ့ ကွင်းဆက်ကိုလည်း ဖြတ်​တောက်လိုက်သလို အကျိုးဖြစ်​စေမှာပါ။

​နောက်တခုက​တော့ ကြိုတင်ကာကွယ်ခြင်း​ပေါ့။ ​​တောင်သူက ကိုယ့်စိုက်ခင်းမှာ နှစ်စဥ်ကျ​ရောက်တတ်တဲ့ ပိုးမွှား​ရောဂါကို သိနိုင်တဲ့ အတွက် ဒါကို ခံနိုင်တဲ့ မျိုးကို ​ရွေးချယ်စိုက်ပျိုးနိုင်ပါတယ်။

​နောက်ပြီး စိုက်နည်းစနစ်​တွေ ​ပြောင်းပြီး ကာကွယ်နိုင်ပါတယ်။ သဘာဝနည်းအတိုင်း မိတ်​ဆွေပိုး​တွေ လွှတ်ပြီး ဒါမှမဟုတ် ပွားများ​အောင်လုပ်ပြီး ကာကွယ်နိုင်ပါတယ်။ ဒီ​နေရာ သတိထား​စေချင်တာ မိတ်​ဆွေပိုးက လည်း ဖျက်ပိုးလို အင်းဆက်ပါပဲ ဖျက်ပိုးအတွက်သုံးတဲ့​ဆေးက မိတ်​​ဆွေပိုး​တွေကို ပိုပြီး​သေ​စေပါတယ်။ ဒါ​ကြောင့်ပဲ ဖျက်ပိုးကို ထိန်းချုပ်မဲ့ မိတ်​ဆွေပိုးပမာဏ ​စိုက်ခင်းထဲမှာလောက်ငှစွာမရှိတော့လို့ ​တောင်သူဟာ ၁ နှစ် ထပ် ၁ နှစ် ပိုပို ပြီး ပိုးသတ်​ဆေး၊ ​ရောဂါ သတ်​ဆေး ကို အဆ ပိုပိုပြီး သုံးလာရတာကို သတိချပ်​စေချင်ပါတယ်။ ​​နောက်တခုက အလင်း​ထောင်​ချောက် လုပ်တာ ​၊ရေသွင်း​ရေထုတ်လုပ်တာ၊ ​ထောင်​ချောက်ပင် စိုက်ပျိုးတာမျိုးနဲ့ ကာကွယ်ရပါတယ်။ ​နောက်ဆုံး... နောက်ဆုံးမှ လိုအပ်ရင် ဓါတု​ဆေးဝါး သုံးဖို့ ဆုံးဖြတ်ပါလို့ အကြံ​ပေးချင်ပါတယ်။ မလိုအပ်ပဲ ဆေးကြိုတင်မသုံးပါနဲ့ ဆေးယဥ် သွားတဲ့အခါ ပိုးမွှားရောဂါ တကယ် ကျရောက်လာရင် ထိရောက်တဲ့ ထိန်းချုပ်မှု့ မဖြစ်နိုင် တော့ပါဘူး။ ကာကွယ်ချင် သပါ့ ဆိုလျှင်တော့ သဘာဝ ပိုးမွှားရောဂါ သတ်ဆေးကို ပဲ သုံးပါ။

အနှစ်ချုပ်​ပြောပြရမယ်ဆိုရင်​တော့ အထက်ပါ ထိ​ရောက်တဲ့ ပိုးမွှား​ရောဂါ ကာကွယ်နှိမ်နင်းနည်းဆိုတာ ​တောင်သူ​တွေကိုယ်တိုင် မိမိ စိုက်ခင်း အ​ခြေအ​နေကို ​သိရှိနိုင်ဖို့ ​နေ့စဥ် ကွင်းဆင်းစစ်​ဆေး ​စောင့်ကြည့်ခြင်းပဲဖြစ်ပါ​တော့တယ် ။ ဒါက လွယ်ပါတယ်။ ဒါ​ပေမဲ့ ဒီနည်းလမ်းက လိုက်နာဖို့ရာ ခက်ပါတယ်။ အမူအကျင့်ကောင်း​တွေကို​မွေးမြူရင်း ​တောင်သူ​တွေ အထွက်တိုးနိုင်ကြပါ​စေ။

မေ့ရင်သွေး

-----------

ထွက်တိုး Telegram Channel ဝင်ရန် နှိပ်ပါ - https://t.me/htwettoe

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။

ထွက်တိုးမဲလက်မှတ်လဲခြင်း အစီအစဉ်လေ့လာရန် - https://htwettoe.com/post/54350

အမှတ်စစ်နည်းကို လေ့လာရန် https://htwettoe.com/post/52857