ပျက်စီးနေတဲ့ မြေတွေကို သစ်စိမ်းမြေသြဇာကျွေးပြီး ပြုပြင်ကြပါစို့

ပျက်စီးနေတဲ့ မြေတွေကို သစ်စိမ်းမြေသြဇာကျွေးပြီး ပြုပြင်ကြပါစို့ သီးနှံတွေဆက်တိုက်စိုက်ပျိုးလာတဲ့မြေတွေ၊ မြေသြဇာ နှစ်စဉ်သုံးစွဲတဲ့မြေတွေမှာ မြေဆီလွှာ ပြဿနာတွေ ဖြစ်လာတာကြောင့် မြေဆီလွှာကို မြေဆီသြဇာပြည့်အောင် ပြုပြင်ပေးဖို့ လိုအပ်ပါတယ်။ ဒါကတာ့ နိုက်ထရိုဂျင်ဓါတ် များစွာပါတဲ့ ပိုက်ဆံလျှော်၊ ပဲလွမ်း၊ ပဲတီစိမ်း၊ ညံပင်၊ ဘောစကိုင်းရွက်တို့လို အပင်တွေဖြင့် သစ်စိမ်းမြေသြဇာ ကျွေးခြင်းပါပဲ။ • သစ်စိမ်းမြေသြဇာ အများစုသည် ပဲမျိုးနွယ်ဝင်အပင်များဖြစ်၍ လေထဲမှ နိုက်ထရိုဂျင်ကို ဖမ်းယူပေး၍ မြေကိုနိုက်ထရိုဂျင်ဓါတ် ကြွယ်ဝစေသည်။ • သစ်ဆွေးဓါတ် ၆၅% ပါဝင်ပြီး ထယ်ထိုးမြှုပ်နှံခြင်းဖြင့် မြေတစ်ဧကလျှင် နိုက်ထရိုဂျင် ၁၈-၉၀ ကီလိုဂရမ် ထည့်ပေးသကဲ့သို့ ဖြစ်ပြီး သစ်ဆွေးဓါတ်ကြွယ်ဝစေပါတယ်။ • သစ်စိမ်းမြေသြဇာ ဆွေးမြေ့ခြင်းမှ ထွက်လာသော သြဂဲနစ်အက်စစ်များသည် ဖော့စဖိတ်ထုတ်ရာမှာကူညီပေးပါတယ်။ • မြေသားတည်ဆောက်မှုကိုကောင်းစေသည်။ ဖွယ်နေသောမြေကို စေးစေပါတယ်။ မြေဆီလွှာရဲ့ ရေထိန်းစွမ်းအားကို ကောင်းမွန်းစေပါတယ်။ • ဓါတ်မြေသြဇာ၏ အာနိသင် ပိုမိုကောင်းမွန်လာစေခြင်းနှင့် အပင်အာဟာရဓါတ်များကို သီးနှံပင်များရယူနိုင်သော ပုံစံများအဖြစ် ကြာရှည်စွာ ထိန်းသိမ်းထားနိုင်သည်။ • အချို့သော သစ်စိမ်းပင်များ (ဥပမာ- ပိုက်ဆံလျှော်)၏ အမြစ်သည် ပေါင်းသေစေနိုင်သောစစ်ရည်များ ထုတ်လုပ်ပေးနိုင်သဖြင့် နောက်စိုက်သော အဓိကသီးနှံတွင် ပေါင်းသက်သာစေပါတယ်။ Soure- သြဂဲနစ်တောင်သူ လက်စွဲစာအုပ်မှ     

ပါမောက္ခဒေါက်တာမြင့်လွင် 

------------  

ထွက်တိုး Telegram Channel ဝင်ရန် နှိပ်ပါ - https://t.me/htwettoe

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး - http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။ 

ထွက်တိုးမဲလက်မှတ်လဲခြင်း အစီအစဉ်လေ့လာရန် - https://htwettoe.com/post/54350 

အမှတ်စစ်နည်းကို လေ့လာရန် https://htwettoe.com/post/52857