တောင်တရုတ်ပင်လယ်ပြင် တိုင်ဖွန်းမုန်တိုင်းဖြစ်ခြင်းကြောင့် ကမ်းရိုးတန်းဒေသတွေမှာ မိုးပိုလာနိုင်

ဇွန်လ ၈ ရက် ညပိုင်းမှာ ဖိလစ်ပိုင်နိုင်ငံ-အရှေ့ဘက်ကမ်းခြေကို စတင်ဖြတ်ကျော်နေပြီဖြစ်တဲ့လေပွေလှိုင်း INVEST-92W သည် တောင်တရုတ်ပင်လယ်ထဲမှာ တိုင်ဖွန်းမုန်တိုင်းအဆင့်ရောက်လာနိုင်ချေ ၁၀၀% ရှိကြောင်း ECMWF က ခန့်မှန်းချက်ထုတ်ပြန်ပေးထားပါတယ်။

ဘင်္ဂလားပင်လယ်အော်အနောက်မြောက်ပိုင်းမှာ အထက်လေပွေလှိုင်းတခု စတင်ဖြစ်ပေါ်နေကြောင်း အိန္ဒိယမိုးလေဝသဌာနမှ ဒီနေ့ထုတ်ပြန်ထားပြီး ECMWF Chart မှာတော့ အဲ့ဒီလေပွေလှိုင်းသည် ဆိုင်ကလုန်းမုန်တိုင်းဖြစ်နိုင်ချေ ၄၀% သာရှိကြောင်းခန့်မှန်းထားတာ တွေ့ရပါတယ်။

ဘင်္ဂလားပင်လယ်အော်ဘက်မှာ ဆိုင်ကလုန်းမုန်တိုင်းဖြစ်နိုင်ချေအလွန်နည်းသော်လည်း တောင်တရုတ်ပင်လယ်မှာ INVEST-92W တိုင်ဖွန်းမုန်တိုင်းဖြစ်လာပြီးတဲ့နောက် မြန်မာ့ပင်လယ်ပြင်မှာ အနောက်တောင်မုတ်သုံလေအားကောင်းလာပြီး ကမ်းရိုးတန်းဒေသတွေမှာ မိုးပိုလာနိုင်ပါမယ်။

မြန်မာနိုင်ငံ၊ ပြည်နယ်/တိုင်းဒေသတွေမှာ များသောအားဖြင့် မိုးအသင့်အတင့်(၂၄ နာရီအတွင်း မိုးရေချိန် ၂ လက်မခွဲအောက်)သာရွာနိုင်ပါမယ်။

စစ်ကိုင်းတိုင်းနဲ့ မန္တလေးတိုင်းထဲက - ဝက်လက်၊ ရွှေဘို၊ ဒီပဲယင်း၊ ခင်ဦး၊ စဉ့်ကူး၊ သပိတ်ကျင်း စတဲ့ မြို့နယ်တွေမှာတော့ မိုးများနိုင်(၂၄ နာရီအတွင်း မိုးရေချိန် ၈၀ မီလီမီတာ=၃.၁၅ လက်မခန့်)ရွာသွန်းနိုင်ကြောင်း ခန့်မှန်းထားတာတွေ့ရပါတယ်။

မိမိနေထိုင်ရာဒေသအလိုက် မိုးလေဝသအခြေအနေ ၄ ရက် ကြိုတင်ခန့်မှန်းကြည့်ရန် - https://www.mmweather.org/divisional-cities-weather

(ဇွန်လ ၈ ရက် ည ၁၀ နရီခွဲ)

Win Naing

Administration Team,

MMWEATHER,

https://www.mmweather.org/home

----------

မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437