တစ်ပတ်အတွင်း သီးနှံဈေးကွက် သုံးသပ်ချက် (၂၃. ၆.၂၀၂၅ မှ ၂၇.၆. ၂၀၂၅)

မတ်ပဲ

အရင်အပတ်ကတက်ရိပ်ပြခဲ့တဲ့မတ်ပဲက ယခုတစ်ပတ်ပထမသုံးရက်မှာ သိန်း ၃၀ ကျော်အထိရှိခဲ့ပြီး ကျန်ရက်တွေမှာ ဆက်တိုက်ပြန် ကျကာ ၂၉ သိန်းကျော်ပြန်ရောက်လာပါတယ်။ နယ်စျေးကွက်မှာလည်း မတ်ပဲ ပိဿာ ၂၀ တစ်တင်းကိုအရင်အပတ်က ၉၈၀၀၀ ရှိခဲ့ရာကနေ ၉၆၀၀၀ ကျပ်အထိပြန်ကျပါတယ်။ 

ရန်ကုန်ဘုရင့်နောင်ဈေးကွက်မှာ တနင်္လါ‌ နေ့ ကနေ ဗုဒ္ဓဟူးနေ့အတွင်း မတ်ပဲ FAQ တစ်တန်ကို သိန်း ၃၀၀၀၀၀၀ ကနေ ၃၀၁၀၀၀၀ ကျပ်ရှိပြီး ကြာသပတေးနဲ့သောကြာမှာက ၂၉၈၁၀၀၀ မှ ၂၉၉၁၀၀၀ ကျပ်ရှိခဲ့ပါတယ်။ 

အရင်တစ်အပတ်ကတော့ မတ်ပဲ FAQ တစ်တန်ကို ၃၀၃၀၀၀၀ ကျပ်အထိ မြင့်တက်ခဲ့တာဖြစ်ပါတယ်။ ဒါကြောင့်ယခုတပတ်မှာ ၂၀၀၀ မှ ၄၀၀၀၀ လောက်ကျပါတယ်။ 

ပဲစင်းငုံ

ပဲစင်းငုံကလည်း ခုတစ်ပတ်မှာ စျေးပြန်ကျသွားပါတယ်။ တစ်တန်ကို အများဆုံး ၄၀၀၀၀ လောက်ပြန်ကျလာတာပါ။

 အိန္ဒိယ မှာပဲစဥ်းငုံနီလက်ကျန်နည်းပြီးအဝင်နည်းပေမယ့်လည်း ကျစျေးနဲ့သာဝယ်ယူနေတဲ့အတွက် စျေးမတက်ဘဲ ဖြစ်နေရတာပါ။ 

ရန်ကုန်ဘုရင့်နောင်ကုန်စည်ဒိုင်မှာ တနင်္လာကနေ သောကြာနေ့အတွင်း ပဲစင်းငုံနီတစ်တန်ကို ၂၇၄၂၀၀၀ ကျပ်မှ ၂၇၉၂၀၀၀ ကျပ်ရှိခဲ့ပါတယ်။ 

အရင်အပတ်က တနင်္လာကနေ သောကြာနေ့မှာ ပဲစင်းငုံနီတစ်တန်ကို ၂၇၁၅၀၀၀ မှ ၂၈၃၅၀၀၀ ကျပ်အတွင်း စျေးတန်းရှိခဲ့ပါတယ်။ 

ပဲပုပ်

 ပဲပုပ် (ရှမ်း )က စျေးကျရိပ်ပြပြီး ပဲပုတ်(ဗမာ)က စျေးငြိမ်နေပါတယ်။

ပဲပုပ်(ဗမာ)ကို ပြည်တွင်းက ပဲငပိ၊ မုန့်လုပ်ငန်းသမားအဝယ်ရှိပြီး အထွက်နည်းကာ အ ဝင်နည်းခြင်းကြောင့် အရင်တပတ်စျေးမှာပဲငြိမ်နေတာဖြစ်တယ်လို့သိရပါတယ်။ ပဲပုတ်(ရှမ်း)ကတော့ ရာသီဥတုကြောင့် အရောင်းအဝယ်အေးပြီး ဆီစက်သမား အဝယ်နည်းခြင်းကြောင့် စျေးကျရိပ်ပြလာတာဖြစ်တယ်လို့သိရပါတယ်။

 မန္တလေး ကုန်စည်ဒိုင်မှာ ပဲပုပ် ဗမာက ၄၁၅၀၀၀ ကျပ်ရှိပြီး ပဲပုပ် ( ရှမ်း) က ၂၆၀၀၀၀ ကျပ်မှ ၂၇၅၀၀၀ ကျပ်ရှိပါတယ်။

စားတော်ပဲ

စားတော်ပဲ(ကျွန်း)က စျေးတက်လာပြီး စားတော်ပဲ (ကနေဒါ) ကစျေးကျရိပ်ပြပါတယ်။စားတော်ပဲ(ကနေဒါ)အဝင်နည်းခြင်းကြောင့် စားတော်ပဲ (ကျွန်း) ကို လက်လီသမား အဝယ်များခြင်း၊ အဝင်နည်းသဖြင့် ပစ္စည်းရှားခြင်းကြောင့် စျေးတက်လာတာဖြစ်တယ်လို့သိရပါတယ်။

မန္တလေးကုန်စည်ဒိုင်စျေးကွက်မှာ စားတော်ပဲ ကနေဒါက ၃၈၀၀၀၀ ကျပ်မှ ၄၀၀၀၀၀ ကျပ်ရှိပြီး စားတော်ပဲ (ကျွန်း) က ၅၀၀၀၀၀ ကျပ်မှ ၅၁၀၀၀၀ကျပ်ရှိလာပါတယ်။

(AMIA)

--------------  

မိုးလေဝသအဖွဲ့ဝင်ရန် - https://htwettoe.com/organization/12  

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို  

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.  

သီးနှံပေါက်စျေးကြည့်ရှုနည်း_ https://htwettoe.com/post/50437