တိုင်ဖွန်းမုန်တိုင်း သက်ရောက်မှုကြောင့် မြန်မာနိုင်ငံ မိုးများနိုင်သည့် ဒေသများ

တောင်တရုတ်ပင်လယ်မှ "09W WIPHA CAT-1 တိုင်ဖွန်းမုန်တိုင်းဖြစ်လာသည်"

======

တောင်တရုတ်ပင်လယ်မှ 09W WIPHA သည် ဇူလိုင် ၂၀ ရက်နေ့တွင် CAT-1 တိုင်ဖွန်းမုန်တိုင်းအဖြစ်သို့ရောက်ရှိလာကြောင်း JTWC, ECMWF, CIMSS တို့မှ တဆင့် ဆန်းစစ်အတည်ပြုပြီးဖြစ်ပါတယ်။

ECMWF Track အရ ဇူလိုင် ၂၄ ရက် မှာ ရှမ်းပြည်နယ်မြောက်ပိုင်း လားရှိုးမြို့အနီးအထိ ကုန်းတွင်းလေပွေလှိုင်းရောက်ရှိနိုင်ကြောင်းခန့်မှန်းချက်တွေ့ရပြီး၊ JTWC မှ လမ်းကြောင်းခန့်မှန်း(WARNING-7)တွင် လာအိုနိုင်ငံပေါ်အထိရောက်နိုင်ကြောင်း တွေ့ရပါတယ်။

မြန်မာနိုင်ငံဘက်မှာ တိုင်ဖွန်းမုန်တိုင်း WIPHA သက်ရောက်မှုကြောင့် ဇူလိုင် ၂၃ ရက်မှ ၂၅ ရက်အတွင်း -

ရှမ်းပြည်နယ်၊ ပဲခူးတိုင်းအရှေ့ပိုင်း၊ မန္တလေးတိုင်း၊ စစ်ကိုင်းတိုင်း၊ မကွေးတိုင်း၊ ကရင်ပြည်နယ်နှင့် တနင်္သာရီတိုင်းတွေမှာ ၂၄ နာရီအတွင်း မိုးရေချိန် ၅ လက်မအထက် ၈ လက်မအောက်ရွာသွန်းနိုင်၊ မိုးများနိုင်ပါတယ်။

ကျန်ပြည်နယ်/တိုင်းဒေသများအားလုံးမှာ မိုးအသင့်အတင့်ရွာနိုင်ပါမယ်(၂၄ နာရီ မိုးရေချိန် ၂ လက်မခွဲ အောက်ရရှိနိုင်သည်)

ဇူလိုင်လ ၂၂ ရက်မှ ဇူလိုင်လ ၂၄ ရက်အတွင်း ဘင်္ဂလားပင်လယ်အော်မြောက်ပိုင်းတွင်ဖြစ်ပေါ်လာနိုင်သည့် လေဖိအားနည်းရပ်ဝန်းကြောင့် မြန်မာ့ပင်လယ်ပြင်တွင် လှိုင်းကြမ်းပြီး၊ လေတိုက်နှုန်းမြင့်မားနေပါမည်။

ရခိုင်ကမ်းရိုးတန်းတွင် လေတိုက်နှုန်း တနာရီ မိုင် ၄၀ အထက် ရှိနေနိုင်ပြီး၊ လှိုင်းအမြင့် ၁၀ ပေ မှ ၁၇ ပေခန့်အထိ ရှိနိုင်ပါသည်၊

မြစ်ဝကျွန်းပေါ်ကမ်းရိုးတန်းနှင့် မွန်-တနင်္သာရီကမ်းရိုးတန်းတွင် လေတိုက်နှုန်း တနာရီ မိုင် ၄၀ အထက်ရှိနေနိုင်ပြီး၊ လှိုင်းအမြင့် ၁၀ ပေ မှ ၁၇ ပေခန့်ရှိနိုင်ပါသည်။

မြစ်ဝကျွန်းပေါ်ကမ်းရိုးတန်းမှ ဒေါ်ငြိမ်း နှင့် အုန်းပင်ရွာတို့တွင် ဇူလိုင် ၁၉ ရက် မှ ဩဂုတ်လ ၁ ရက်အထိ ၂၄ နာရီ မိုးရေချိန် ၀.၅ လက်မအထက် - ၂.၅ လက်မ အထိ ရွာသွန်းနိုင်ပြီး ဇူလိုင် ၃၀ ရက်နေ့တွင် မိုးအများဆုံးရွာနိုင်ပါသည်။ လေတိုက်နှုန်း တနာရီ မိုင် ၄၀ အထက် ရှိနိုင်ပြီး လှိုင်းအမြင့် ၇ ပေခန့်အထိရှိနိုင်ပါသည်။

မိမိနေထိုင်ရာဒေသ မိုးလေဝသအခြေအနေ ၄ ရက် ကြိုတင်ခန့်မှန်းချက် Weather Widget များကို ကိုယ်တိုင်ကြည့်ကြပါရန် - https://www.mmweather.org/divisional-cities-weather

တိုင်ဖွန်းမုန်တိုင်း WIPHA အကြွင်းအကျန်ကြောင့် ဇူလိုင် ၂၃ ရက်နေ့တွင်မိုးများနိုင်မည့်ဒေသ - ရှမ်းပြည်နယ် - ကျိုင်းတုံ၊ တုံတာ၊ မိုင်းပျဉ်း ၂၄ နာရီ မိုးရေချိန် ၄ လက်မ မှ ၆ လက်မအထိရွာသွန်းနိုင်/မိုးသည်းထန်/မိုးများနိုင်ပါတယ်။ ကျန်ဒေသတွေမှာ မိုးရွာနိုင်/မိုးသည်းထန်နိုင်/မိုးမများနိုင်ပါ။(၂၄ နာရီ မိုးရေချိန် ၁.၂ လက်မဝန်းကျင်သာ)ရှိနိုင်ပါတယ်။

Source:

Win Naing

Administration Team,

MMWEATHER,

https://www.mmweather.org/home

------

မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလိ

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437