အောင်မြင်သော ဝက်မွေးမြူရေးအတွက် အရေးကြီးသောအချက် ၆ ချက်

1️⃣ ကျန်းမာရေးအခြေအနေ

မျိုးဝက်ခြံနှင့် စီးပွားဖြစ် ဝက်မွေးမြူရေးခြံတို့တွင် ဝက်သားပေါက်အရွယ်မှစတင်ကာ လိုအပ်သော ကာကွယ်ဆေးများထိုးပေးရမည်။ မျိုးပွားလမ်းကြောင်းနှင့် အသက်ရှုလမ်းကြောင်းဆိုင်ရာ ရောဂါများမဖြစ်အောင် အထူးဂရုစိုက်ရမည်။

2️⃣ တိကျသော ဇီဝလုံခြုံမှု

ရောဂါဝင်ရောက်ခြင်းကိုကာကွယ်ရန်အတွက် ကောင်းမွန်သော ဇီဝလုံခြုံမှု လိုအပ်သည်။ တိကျသောဇီဝလုံခြုံမှု ကိုသေချာလိုက်နာဆောင်ရွက်လျှင် အောင်မြင်သော ဝက်မွေးမြူရေးကို လုပ်ကိုင်နိုင်မည်ဖြစ်သည်။

3️⃣ ကာကွယ်ဆေးထိုးခြင်း

မတူကွဲပြားသော၊ အားကောင်းသော ကိုယ်ခံစွမ်းအားကို ဖန်တီးပေးသော ကာကွယ်ဆေးထိုးအစီအစဉ်သည် ရောဂါဖြစ်ပွားမှုကို ကာကွယ်ရန် အဓိကသော့ချက်ဖြစ်သည်။ ကာကွယ်ဆေးထိုးခြင်းသည် စီးပွားဖြစ် ဝက်မွေးမြူရေးခြံတွင် အစုလိုက်အပြုံလိုက် ဖြစ်ပွားသော ရောဂါများကို သေချာဖြေရှင်းပေးနိုင်သည်။မှန်ကန်သောအသက်အရွယ်တွင် ဆေးပမာဏအပြည့်အဝဖြင့် ကာကွယ်ဆေးထိုးခြင်း၊ လိုအပ်ပါက နှစ်ကြိမ်ထိုးခြင်းတို့ကိုလုပ်ဆောင်နိုင်သည်။

4️⃣ All-in ၊ all- out စနစ်ဖြင့်မွေးမြူခြင်း

All-in ၊ all-out စနစ်ဖြင့် မွေးမြူမှသာ ဝက်မွေးမြူရေးတွင် အတွေ့ရများသော အချို့သောရောဂါများကို ကာကွယ်နိုင်မည်ဖြစ်သည်။ ၎င်းစနစ်ဖြင့်မွေးမြူလျှင် ဝက်ခြံသန့်ရှင်းရေးကို သေချာလုပ်ဆောင်နိုင်မည်ဖြစ်ပြီး ရောဂါမဝင်ရောက်ရန် ကြိုတင်ကာကွယ်နိုင်မည်ဖြစ်သည်။

5️⃣ ဝက်များ၏ သက်သာချောင်ချိမှုကို ဦးစားပေးကာ ဝက်ခြံကိုဆောက်လုပ်ခြင်း

ဝက်ခြံကိုဆောက်လုပ်ရာတွင် ဝက်များအတွက် အကောင်းဆုံးသောအခြေအနေကို ခွင့်ပြုထားရမည်။ ဝက်များအား ရောဂါဖြစ်စေနိုင်သည့် သဘာဝပတ်ဝန်းကျင် ဖိအားပေးမှုများကို ကာကွယ်နိုင်ရန် သင့်လျော်သောလေဝင်လေထွက်နှင့် အပူချိန်ထိန်းညှိမှုသည် အရေးကြီးသည်။ဝက် သက်တောင့်သက်သာရှိစေရန် လိုအပ်သော အပူပေးခြင်းများ လုပ်ဆောင်ပေးရမည်။ pH နှင့် ဘက်တီးရီးယားများကို ထိန်းချုပ်ရန်အချို့သောဒေသများတွင် သောက်ရေကိုသေချာဂရုစိုက်ရမည်။

6️⃣ ဝက်ခြံကိုစစ်ဆေးခြင်း

ဝက်မွေးမြူရေးလုပ်ငန်း အောင်မြင်မှုရရန်အတွက် သဘာဝပတ်ဝန်းကျင်စီမံခန့်ခွဲမှုနှင့် ၀က်သားပေါက် စောင့်ရှောက်မှုတို့သည် ဂရုစိုက်ရန်လိုအပ်သည်။ မွေးမြူရေးလုပ်ငန်းရှင်မှ ဝက်ခြံကို သေချာဂရုစိုက်ကာ လိုအပ်သည့်အချက်များကို အချိန်မှီ ဖြည်းဆည်းပေးနိုင်မှသာ ဝက်များကို အောင်အောင်မြင်မြင် မွေးမြူနိုင်မည်ဖြစ်သည်။

Reference: The Pig Site

Original Source: PROBIO မှတဆင့် ပြန်လည်မျှဝေပေးခြင်း ဖြစ်ပါသည်။

-----

မွေးမြူရေးနှင့်ပတ်သတ်သော ဆောင်းပါးများ၊ မွေးမြူရေးနည်းလမ်းများ၊ မွေးမြူရာတွင် သိထားသင့်သော အချက်များကို ပိုမိုလေ့လာလိုပါက ထွက်တိုးစိုက်မွေးဖုန်းဆော့ဝဲ https://htwettoe.com/download

ထွက်တိုး၏ စီးပွားဖြစ်မွေးမြူရေးအဖွဲ့ - https://www.facebook.com/groups/4200052776702483

တွင် လေ့လာနိုင်ပြီး ဝင်ရောက်ဆွေးနွေး နိုင်ပါကြောင်းသတင်းကောင်းပါးအပ်ပါသည် ခင်ဗျာ။