ထူးခြား မိုးလေဝသအခြေအနေ

Special Weather Situation

====

တိုင်ဖွန်းမုန်တိုင်းအဆင့်မှ အားကောင်းသောအပူပိုင်းမုန်တိုင်းအဆင့်သို့လျော့ကျလာပြီး ဗီယက်နမ်နိုင်ငံမြောက်ပိုင်းကို ဖြတ်ကျော်ဝင်ရောက်လျှက်ရှိတဲ့ "မုန်တိုင်း WIPHA" ဗီယက်နမ်နိုင်ငံမြောက်ပိုင်းမှ လာအိုနိုင်ငံမြောက်ပိုင်းတွေကို ကုန်းတွင်းလေပွေလှိုင်းနှင့် မုန်တိုင်းအကြွင်အကျန်များအဖြစ် ဖြတ်ကျော်ရွေ့လျားမှာဖြစ်ကြောင်း ECMWF, UKM Model တွေက ခန့်မှန်းတဲ့ လမ်းကြောင်းကြိုတင်ခန့်မှန်းချက်မှာတွေ့ရပါတယ်။

တချိန်ထဲမှာပဲ ဘင်္ဂလားပင်လယ်အော်မှာ လေဖိအားနည်းရပ်ဝန်းတခု ဖြစ်ပေါ်လာတာတွေ့ရပါတယ်။

အခုလို ထူးခြားတဲ့ မိုးလေဝသအခြေအနေတွေကြောင့် -

ဇူလိုင် ၂၃ ရက် - နံနက် ၈ နာရီမှ ဇူလိုင် ၂၄ ရက် နံနက် ၈ နာရီအတွင်း -

🔸 မြန်မာတနိုင်ငံလုံးနေရာအနှံ့အပြားမိုးအနည်းငယ်မှ မိုးအသင့်အတင့်ရွာသွန်းနိုင်ပြီး၊

🔸 ရှမ်းပြည်နယ်၊ မန္တလေးတိုင်း၊ စစ်ကိုင်းတိုင်း၊ ဧရာဝတီတိုင်း၊ ရန်ကုန်တိုင်း၊ နေပြည်တော်၊ ပဲခူးတိုင်း၊ ကယားပြည်နယ်၊ ကရင်ပြည်နယ်၊ မွန်ပြည်နယ်၊ တနင်္သာရီတိုင်း၊ ရခိုင်ကမ်းရိုးတန်းဒေသများတွင်၊ နေရာကွက်၍ မိုးသည်းထန်နိုင်ပြီး၊ မိုးရေချိန်ရရှိမှုများနိုင်ပါမယ်။

(ဇူလိုင် ၂၂ ရက် နေ့လည် ၁၂၃၀ နာရီ)

ပင်လယ်ပြင်တခုမှာ ထူးခြားတဲ့အခြေအနေရှိလာတိုင်း အနီးက ပင်လယ်ပြင်တခုမှာလဲ ထူးခြားတဲ့အခြေအနေဖြစ်လာတတ်ကြောင်း၊ A-B-C connection effect အရဖြစ်လာတတ်ကြောင်း ရှင်းပြခဲ့ပြီးဖြစ်ပါတယ်။

တောင်တရုတ်ပင်လယ်က မုန်တိုင်း WIPHA ဖြစ်ပေါ်မှုနှင့် ဆက်စပ်ပြီး ဘင်္ဂလားပင်လယ်အော်မှာ လေဖိအားနည်းရပ်ဝန်း/လေပွေလှိုင်းဖြစ်ပေါ်မှုကလည်း A-B-C connection ကြောင့်ပါဘဲ။

🔸 WIPHA ကြောင့် ဘင်္ဂလားပင်လယ်အော်မှာ LPA တခုဖြစ်လာပြီး အနောက်တောင်မုတ်သုံလေအား ပိုကောင်းလာတာကြောင့် - မြန်မာနိုင်ငံမှာ မုတ်သုံမိုး+မုန်တိုင်းအကြွင်းအကျန်မိုးတွေက ဇူလိုင် ၂၂ ရက် ည ပိုင်းမှ ဇူလိုင် လကုန်အထိတောင် ဆက်ရွာနေဦးမှာဖြစ်တာကြောင့်၊ နေရာဒေသအလိုက် မိုးသည်းထန်တာ၊ မိုးရေချိန်များနိုင်တာတွေ ရှိနေပါမယ်။

🔸 ၂၀၂၄ ခုနှစ်တုန်းက "SEVERE TYPHOON YAGI"လောက် ပြင်းထန်တဲ့ တိုင်ဖွန်းမုန်တိုင်းကြီးမဟုတ်တာကြောင့် အရှေ့ဘက်မှ ရွေ့လျားဝင်ရောက်လာတဲ့ မုန်တိုင်းအကြွင်းအကျန်တွေကလည်း များနိုင်မှာမဟုတ်လို့ ၂၀၂၄ ခုနှစ်တုန်းကလို ရေကြီးရေလျှံဖြစ်တာလဲ ပြင်းထန်နိုင်မှာမဟုတ်ပါ။

🔸 မိုးလယ်ကာလအတွင်းမှာဖြစ်နေတာ၊ ဒီရေတက်ရက်နဲ့ ကြုံကြိုက်နေတာတွေကြောင့် အောက်ရေတောင့်ပြီး မြစ်ချောင်းကမ်းဘေးက အနိမ့်ပိုင်းရပ်ကွက်တွေမှာမြင့်တက်လာတဲ့ရေ level က မြန်မြန်ပြန်မကျနိုင်တာတခု သတိထားကြရပါမယ်။

🔸 အနောက်ဘက်နဲ့ တောင်ဘက်အရပ်တွေက လေပြင်းတိုက်ခတ်တာတွေရှိပြီး မိုးသည်းထန်နိုင်တာကြောင့် ရုတ်တရက်ကျဆင်းလာတတ်တဲ့ တောင်ကျရေကိုလည်း သတိရှိရှိနဲ့ရင်ဆိုင်ကြရမှာဖြစ်ပါတယ်။

၂၀၂၄ ခုနှစ်တုန်းကလို ရက်ရှည်ရေကြီးနေတဲ့ အခြေအနေမျိုးဖြစ်နိုင်မှာမဟုတ်တာကြောင့် စိုးရိမ်ပူပန်စိတ်တွေတော့ လျော့နည်းနိုင်ပါမယ်။

(ဇူလိုင် ၂၂ ရက် ၊ နေ့လည် ၁ နာရီ)

Win Naing

Administration Team,

MMWEATHER,

https://www.mmweather.org/home

-------------

မိုးလေဝသအဖွဲ့ဝင်ရန် - https://htwettoe.com/organization/12

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.

သီးနှံပေါက်စျေးကြည့်ရှုနည်း_ https://htwettoe.com/post/50437