လူကြီးရောကလေးပါ ကြိုက်နှစ်သက်ကြတဲ့ သရေစာ...ပြောင်းဖူးဖက်ထုပ်ပြုလုပ်နည်း

ပထမဦးစွာ ပြောင်းဖူးဝယ်တဲ့အခါ ပြောင်းဖူးအရွက်လေးတွေကအစ လတ်ဆတ် ပြီးချိုမယ့် သကြားပြောင်းဖူးလေးကို ရွေးဝယ်ကြမယ်နော်။  

ပါဝင်ပစ္စည်းများကတော့ -  

• ပြောင်းဖူး - ၃ ဖူး 
• သကြား - ၁၀၀ ဂရမ် (အချိုကြိုက်ပါက ပိုထည့်နိုင်) 
• ဆား - အနည်းငယ် 
• ဂျုံမှုန့် - ၁၅၀ ဂရမ် 
• ဆီ - အနည်းငယ် 
• ရေ - ၅၀ ml 

ပြုလုပ်နည်း 

• ပြောင်းဖူးရွက်များကို မပြဲစေပဲ စနစ်တကျလေးခွာ၍ ရေဆေးထားပါ။ 
• ပြောင်းဖူးများအား ခြစ်ပါ။ ( ဓား (သို့) ခြစ် အဆင်ပြေရာသုံးနိုင်သည်) 
• ရရှိလာသော ပြောင်းဖူးအနှစ်များထဲသို့ ဆား၊ သကြား၊ ဂျုံမှုန့်များနှင့် ရေတို့ကိုထည့်၍ သမအောင် မွှေပေးပါ။ 
• အုန်းနို့ကြိုက်နှစ်သက်ပါက ရေနေရာတွင် အစားထိုးအသုံးပြုနိုင်ပါတယ်။ 
• ရေဆေးစင်ကြယ်ထားသော ပြောင်းဖူးရွက်များကို ဆီဖြင့်သုပ်ကာ ရောမွှေထားသော ပြောင်းဖူး အနှစ်များအားထည့်၍ ထုပ်ပေးပါ။ 
• ပြောင်းဖူးဖက်ထုပ်လေးများအား (၄၅ ) မိနစ်ကြာအောင်ပေါင်းပေးပါ။ 
• ပြောင်းဖူးနံ့မွှေးမွှေးလေးနဲ့ အရသာရှိလှသော ပြောင်းဖူးဖက်ထုပ်လေးများသုံးဆောင်နိုင်ပါပြီ။ 

ရတနာမှ ပြန်လည်မျှဝေသည်။ 

----------

ထွက်တိုး Telegram Channel ဝင်ရန် နှိပ်ပါ - https://t.me/htwettoe 

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်း နိုင်ပါ ကြောင်းသတင်းကောင်းပါလိုက်ပါတယ်။