"နောက်လာမည့် ၇ ရက်အတွင်း တောင်တရုတ်ပင်လယ်တွင် လေဖိအားနည်းရပ်ဝန်း/မုန်တိုင်းဖြစ်ပေါ်လာနိုင်"

(ဩဂုတ်လ ၁၉ ရက်၊ နေ့လည် ၁ နာရီ ၂၀ မိနစ်)

=====

🔸ဩဂုတ်လ ၁၉ ရက် မှ နောက်လာမည့် ၁ ပါတ်အတွင်း -

တောင်တရုတ်ပင်လယ်မှာ လေဖိအားနည်းရပ်ဝန်းဖြစ်လာနိုင်ပြီး အားပိုကောင်းလာကာ အနည်းဆုံး အပူပိုင်းမုန်တိုင်းအဆင့်(Tropical Storm - TS)အထိရောက်လာနိုင်ပါတယ်။

🔸တောင်တရုတ်ပင်လယ်က မုန်တိုင်းဖြစ်လာတိုင်း ဘင်္ဂလားပင်လယ်အော်ဘက်မှာ A-B-C ဆက်စပ်မှုအရ လေဖိအားနည်းရပ်ဝန်းတခုက ဖြစ်လာနိုင်ပါတယ်။

🔸မုန်တိုင်းဖြစ်လာနိုင်တဲ့ ကြိုတင်ခန့်မှန်းချက်များကို ECMWF နဲ့ ICON MODEL တွေရဲ့ ကြိုတင်ခန့်မှန်းချက်တွေမှာ တွေ့နေရပါတယ်။

🔸အောက်တိုဘာလ ၁၀ ရက် မိုးနှောင်းကာလကုန်ဆုံးသည်အထိ မုတ်သုံဆုတ်ခွာမှုမပြီးမချင်း မိုးက ဆက်နေမှာပါ၊ မိုးနည်းတာနဲ့ မိုးများတာသာ ကွာခြားမှုရှိပါမယ်။

🔸ရရှိပြီးကြိုတင်ခန့်မှန်းချက်တွေအရတော့ မြန်မာနိုင်ငံအရှေ့ပိုင်း ရှမ်းပြည်နယ်ဘက်မှာ မိုးများနိုင်ပြီး၊ အလယ်ပိုင်း မိုးနည်းရေရှားဒေသတွေဖြစ်တဲ့ စစ်ကိုင်းတိုင်းအောက်ပိုင်း၊ မကွေးတိုင်း၊ မန္တလေးတိုင်းဒေသတွေမှာလဲ မိုအသင့်အတင့်(၂၄ နာရီအတွင်း မိုးရေချိန် ၀.၅ လက် မှ ၁.၅ လက်မခန့်အထိ ရွာသွန်းရရှိနိုင်ပါမယ်။

⚠️ ကြိုတင်ခန့်မှန်းချက်များဖြစ်တာကြောင့် ပြောင်းလဲဖြစ်ပေါ်လာနိုင်တဲ့ မိုးလေဝသအခြေအနေများကို နေ့စဉ် တင်ပေးနေပါမယ်။

Source: Win Naing

Administration Team,

MMWEATHER,

https://www.mmweather.org/home

စိုက်ပျိုးရေး၊ မွေးမြူရေး နည်းပညာများနင့် ပတ်သတ်ပြီး ဆွေးနွေးတိုင်ပင်လိုပါက ထွက်တိုးကောစင်တာ 09977910000သို့ ဆက်သွယ်နိုင်ပါသည်။