စက်တင်ဘာ လဆန်းပိုင်းမှာ မိုးများနိုင်သောဒေသများ

စကားချီး

=====

တိုင်ဖွန်း KAJIKI က မီးစမွှေးသွားတယ်ပြောရမလားဘဲ၊ သူအစပျိုးလိုက်လို့ ပင်လယ်ကြီးနဲ့ Troposphere လေထုအလွှာကြီးလဲအငြိမ်မနေရ၊ သူတို့လှုပ်လှုပ်ရှားရှားတွေဖြစ်တော့၊ ကျနော်တို့ကလဲ ဆက်ပြီးလေ့လာရ စောင့်ကြည့်ရတာပေါ့ဗျာ။

=====

တောင်တရုတ်ပင်လယ်မှာ ဩဂုတ် ၃၀ ရက်နေ့ကျရင် လေဖိအားနည်းတခုဖြစ်ပြီး အနောက်ဘက် ဗီယက်နမ်၊ လာအိုတောင်ပိုင်းတွေကိုဖြတ်၊ ထိုင်းနိုင်ငံထဲအထိဆက်သွားနိုင်သေးတယ်ဆိုတာ တွေ့လာရတော့ မြန်မာပြည်ဘက်ကို ဘယ်လိုတွေသက်ရောက်မှုရှိစေနိုင်မလဲ check လုပ်ရတာပေါ့။

⚠️ မုန်တိုင်းအကြွင်းအကျန်ကြောင့်မဟုတ်ပဲ ထိုင်းနိုင်ငံအလယ်ပိုင်း၊ အထက်အမြင့်ပေ ၅၀၀၀ က လေပွေလှိုင်း တွန်းပို့တဲ့မိုးတိမ်တွေကြောင့် စက်တင်ဘာ လဆန်းပိုင်းမှာ -

ကရင်ပြည်နယ်၊ မွန်ပြည်နယ်၊ ပဲခူးတိုင်းအရှေ့ပိုင်း၊ နေပြည်တော်နဲ့ မန္တလေးတိုင်းတွေမှာ မိုးများပါဦးမယ်။

အခုရရှိပြီးခန့်မှန်းချက်အရ စိုးရိမ်စရာအကောင်းဆုံး မိုးအလွန်များနိုင်တဲ့ -

**တပ်ကုန်း၊ ရမည်းသင်း၊‌ ပျော်ဘွယ်** ဒေသတွေအတွက် အရင်သတိပေးထားပါမယ်။

(ဩဂုတ်လ ၂၆ ရက် ညနေ ၄ နာရီခွဲ)

Source: U Win Naing

မိုးလေဝသ၊ စိုက်ပျိုးရေး၊ မွေးမြူရေး နည်းပညာများနင့် ပတ်သတ်ပြီး ဆွေးနွေးတိုင်ပင်လိုပါက ထွက်တိုးကောစင်တာ 09977910000သို့ ဆက်သွယ်နိုင်ပါသည်။