ဆေးဖက်ဝင် ဒန့်ဒလွန်ပင်

၁။ ဒန့်ဒလွန်သီးစေ့ 

 * ​ခန္ဓာကိုယ်ထဲက အဆိပ်အတောက်တွေကို ဖယ်ရှားပေးပါတယ်။ 

 * ​သွေးတွင်းသကြားဓာတ်ကို လျော့ကျစေတာကြောင့် ဆီးချိုသမားတွေအတွက် သင့်လျော်ပါတယ်။ 

 * ​ကိုလက်စထရောကို လျော့ကျစေပြီး နှလုံးကို အားကောင်းစေပါတယ်။ 

 * ​ကိုယ်ခံအားစနစ်ကို မြှင့်တင်ပေးပါတယ်။ 

 *ရောင်ရမ်းမှုကို သက်သာစေတဲ့ သဘာဝပစ္စည်းတွေပါဝင် တာကြောင့် ကိုက်ခဲနာကျင်တာ၊  အဆစ်အမြစ်၊ ခါးနဲ့ နောက်ကျောနာကျင်တာတွေကို သက်သာစေပါတယ်။ 

 * ​ဝမ်းမှန်စေပြီး ဝမ်းနုတ်ဆေးအပျော့စားအဖြစ် အလုပ်လုပ်ပါတယ်။ 

စားသုံးနည်း.... 

 * ​တစ်နေ့ကို အစေ့ ၂-၃ စေ့လောက်ကို အစိမ်းလိုက်ဝါးစားပြီး ရေများများသောက်ပါ (သို့မဟုတ်) ဒန့်ဒလွန်သီး​စေ့ ၅-၇ စေ့လောက်ကိုရေနွေးနဲ့ ပြုတ်ပြီး လက်ဖက်ရည်ကြမ်းလိုမျိုး နွေးနွေး လေး သောက်နိုင်ပါတယ်။ 

၂။ ဒန့်ဒလွန်ရွက် 

 * ​ခန္ဓာကိုယ်ကို အားဖြည့်ပေးပြီး ဗီတာမင်နဲ့ သတ္တုဓာတ်တွေ ဖြည့်တင်းပေးပါတယ်။ 

 * ​ကင်ဆာရောဂါကို ကာကွယ်ပေးနိုင်တဲ့ Antioxidant ဓာတ်တွေ ပါဝင်ပါတယ်။ 

 * ​Flavonoid နဲ့ ပိုတက်စီယမ်များစွာ ပါဝင်တာကြောင့် သွေးကြောတွေကို ပြေလျော့စေပြီး သွေးတိုးရောဂါကို ကျစေပါတယ်။ 

 * ​ခန္ဓာကိုယ်က သကြားဓာတ်ကို ပိုမိုကောင်းမွန်စွာ အသုံးပြုနိုင်အောင် ကူညီပေးတာကြောင့် သွေးတွင်းသကြားဓာတ်များသူတွေနဲ့ ဆီးချိုသမားတွေအတွက် အထူးသင့်တော်ပါတယ်။ 

 * ​ဗီတာမင် A မြင့်မားစွာ ပါဝင်တာကြောင့် မျက်စိအားကောင်းစေပါတယ်။ 

 * ​မောပန်းနွမ်းနယ်တာကို ပြေစေပြီး သွေးအားကောင်းစေပါတယ်။ 

 ​ဒန့်ဒလွန်ရွက် စားသုံးနည်း.... 

 * ​အရွက်နုတွေကို ချဉ်ရည်ဟင်း၊ သို့မဟုတ် ဟင်းချိုချက်ပြီးသောက်လို့ရပါတယ်။ 

 * ​နေလှန်းပြီး အမှုန့်ကြိတ်ကာ တစ်နေ့ကို ၁-၂ ခွက် ဖျော်သောက်နိုင်ပါတယ်။ 

 အထူးသတိပြုရန်.... 

 * ​သွေးတိုးကျဆေး သို့မဟုတ် ဆီးချိုကျဆေးသောက်နေ သူများ အနေဖြင့်ဆရာဝန်နဲ့ အရင်တိုင်ပင်သင့် ပါတယ်။ 

 * ​တစ်နေ့ကို အရွက်စိမ်း လက်တစ်ဆုပ်စာ ၁-၂ ဆုပ်လောက်ပဲ အသင့်အတင့်စားသုံးသင့်ပါတယ်။ 

၃။ ဒန့်ဒလွန်ပွင့် 

* ​ခန္ဓာကိုယ်ကို အားဖြည့်ပေးပြီး ခွန်အားကို တိုးစေပါတယ်။ 

* ​မောပန်းနွမ်းနယ်တာကို ပြေစေပြီး အိပ်ပျော်လွယ်စေပါတယ်။ 

* ​သွေးလည်ပတ်မှုကို ကောင်းစေပါတယ်။ 

* ​အရိုးနဲ့ အဆစ်အမြစ်တွေကို သန်မာစေပါတယ်။ 

ဒန့်ဒလွန်ပွင့် စားသုံးနည်း... 

 * ​အပွင့်စိမ်းတွေကို ရေနွေးဖြောပြီး ငပိရည်နဲ့တို့စားပါ။ 

 * ​ချဉ်ရည်ဟင်း သို့မဟုတ် ဟင်းချိုထဲမှာ ထည့်ချက်စားမယ်ဆိုရင် မွှေးပြီး အရသာရှိပါတယ်။ 

 * ​နေလှန်းပြီး လက်ဖက်ရည်ကြမ်းလိုမျိုး ဖျော်သောက်လို့လည်း ရပါတယ်။ 

၄။ ဒန့်ဒလွန်သီး  

မီးနေသည်များ ဒန့်သလွန်ရွက် ဟင်းခါးရည် သောက်ပေးခြင်း၊ ဒန့်သလွန်သီးကို ငါးကင်ဖြင့် ချက်ကျွေးခြင်းများဖြင့် နို့ဖြိုင်ဖြိုင် ထွက်စေသည်။ ထို့နောက် ပန်းသေ ပန်းညှိုးဝေဒနာရှင်များ ဒန့်သလွန်သီး မနုမရင့်ကို ငါးကြင်းသားဖြင့် ချက်၍ စားပေးပါက ရောဂါဝေဒနာများ ပျောက်ကင်းစေပါသည်။ 

၅။ ဒန့်သလွန် အခေါက် 

*ဒန့်သလွန် အခေါက်ကိုခွာပြီး ထုချေ၍ နာနာရှူပေးပါက ခေါင်းအုံ၊ ဇက်လေး၊ ဇက်ကြောတက်၊ နောက်ကြောတက်ရောဂါများ ပျောက်ကင်းစေပါသည်။ ဒန့်ဒလွန်ပင်ဟာ ရှာရလွယ်ကူတဲ့ ဆေးဖက်ဝင်အပင်ဖြစ်ပြီး ၊ သင့်တင့်မျှတစွာ ပုံမှန်စားသုံးပေးမယ်ဆိုရင် ခန္ဓာကိုယ် ကျန်းမာစေမှာ အမှန်ပါပဲ။  

MON SOUNG ထံမှ ကိုးကားဖော်ပြပါသည်။ 

-------

ထွက်တိုး Telegram Channel ဝင်ရန် နှိပ်ပါ - https://t.me/htwettoe 

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်း နိုင်ပါ ကြောင်းသတင်းကောင်းပါလိုက်ပါတယ်။