ချဥ်ချိုချိုအရသာလေးနဲ့ ဆေးစွမ်းထက်တဲ့ ပင်မှည့်သီး

ပင်မှည့်သီးမှည့် ၁ လုံးမှာ ပါဝင်နိုင်တဲ့ အာဟာရတွေကတော့ ဗီတာမင်အေ၊ ဗီတာမင်စီ၊ သံဓာတ်၊ ပိုတက်ဆီယမ်၊ မဂ္ဂနီဆီယမ်၊ ကယ်လ်ဆီယမ်၊ အမျှင်ဓာတ်နဲ့ ဓာတ်တိုးဆန့်ကျင်ပစ္စည်းတွေ ကြွယ်ဝစွာ ပါဝင်ပါတယ်။ ကျွန်မကတော့ ပင်မှည့်သီးလေးကို သကြားလေးနဲ့ ခေါက်ပြီး သောက်လိုက်ရတဲ့ အရသာလေးကို အလွန်ကြိုက်နှစ်သက်တာပါပဲရှင်။ 

ရရှိနိုင်တဲ့အကျိုးကျေးဇူးလေးတွေကတော့ -  

• ဓာတ်တိုးဆန့်ကျင်ပစ္စည်းတွေ လုံလောက်စွာပါဝင်တဲ့အတွက် ဆဲလ်တွေ ဓာတ်တိုးပျက်စီးခြင်းမှ ကာကွယ်ပေးတာမို့ အိုမင်းရင့်ရော်ခြင်းကို နှေးကွေးစေပြီး အသက်ကြီးလာချိန် ဖြစ်တတ်တဲ့ နှလုံးရောဂါနဲ့ အခြားနာတာရှည်ရောဂါတွေ ဖြစ်ခြင်းမှ ကာကွယ်ပေးနိုင်ပါတယ်။ 
•  အမျှင်ဓာတ်နဲ့ ရေဓာတ်ကြွယ်ဝတာမို့ အစာအိမ်နဲ့ အူလမ်းကြောင်းကျန်းမာရေးကို ကောင်းမွန်စေပါတယ်။ “ဝမ်းတစ်လုံးကောင်း ခေါင်းမခဲ” ဆိုသလို ဝမ်းမှန်စေပြီး အစာခြေစနစ်ကိုလည်း ပံ့ပိုးပေးပါတယ်။ 
•  ပင်မှည့်သီးရဲ့ ချိုချိုမွှေးမွှေးအရသာက ခံတွင်းရှင်းစေပြီး သောက်လို့ကောင်းသလို သကြားပမာဏ ပါဝင်မှုလည်း နည်းတာမို့ ပင်မှည့်သီးစားသုံးပြီး သွေးတွင်းသကြားဓာတ် အလွန်အမင်းမြင့်တက်မှာ စိုးရိမ်စရာမရှိပါဘူး။ 
•  ပင်မှည့်သီးမှာပါဝင်တဲ့ ပိုတက်ဆီယမ်နဲ့ အမျှင်ဓာတ်က သွေးလည်ပတ်မှု ကောင်းမွန်စေပြီး သွေးပေါင်ချိန်ကို ထိန်းညှိပေးတာမို့ နှလုံးကျန်းမာရေးကို အထောက်အကူပြုပါတယ်။ 
• ဗီတာမင်စီ ကြွယ်ဝတာမို့ ကိုယ်ခံအားကောင်းစေပြီး ပြင်ပရောဂါတွေ ဝင်ရောက်လာခြင်းမှ ကာကွယ်ပေးမှာ မလွဲမသွေပါပဲ။ 
•  ပင်မှည့်သီးမှာပါဝင်တဲ့ သံဓာတ်၊ ပိုတက်ဆီယမ်၊ မဂ္ဂနီဆီယမ်၊ ကယ်လ်ဆီယမ် စတဲ့ အာဟာရဓာတ်တွေကြောင့် အရိုးအဆစ်များ သန်မာစေရုံသာမက အဆစ်ရောင်ဝေဒနာကိုပါ သက်သာစေနိုင်ပါတယ်။ 
•  မျက်လုံးအတွက် မရှိမဖြစ် အာဟာရဓာတ်ဖြစ်တဲ့ ဗီတာမင်အေ ကြွယ်ဝတာမို့ မျက်လုံးကျန်းမာရေးအတွက်လည်း အသုံးဝင်လှပါတယ်။… 

သတိပြုရမည့်အရာများ 

• ပင်မှည့်သီးဟာ အစေ့လေးတွေပါ ဝါးစားလို့ရပါတယ်။ 
• ပင်မှည့်သီးနဲ့ ဓာတ်မတည့်မှုရှိပါက စားသုံးရန်မသင့်တော်ပါ။ latex allergy ရှိသူအနေနဲ့ ပင်မှည့်သီးစားသုံးရင် ဓာတ်မတည့်တာမျိုး ခံစားရနိုင်ပါတယ်။ 

https://www.medicalnewstoday.com/articles/324383 မှ ကိုးကားဖော်ပြသည်။ 

ထွက်တိုး Telegram Channel ဝင်ရန် နှိပ်ပါ - https://t.me/htwettoe   

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်း နိုင်ပါ ကြောင်းသတင်းကောင်းပါလိုက်ပါတယ်။