နှမ်းတွင်အဓိကကျရောက်သော ရောဂါများနှင့် ကာကွယ်နှိမ်နင်းနည်းများ

နှမ်းရိုးမည်း 

• အပင်၏အောက်ရွက်များဝါလာ၊ အရွက်များ ငိုက်ကျလာ၍ အရွက်ကြွေ 
• ပင်စည်၏ပင်ခြေပိုင်းတွင်အညို/ အမည်း ရောင် အနာကွက်ဖြစ် 
• ရောဂါပြင်းထန်လျှင် အနာကွက် တစ်သျှူး သားများ ညိုမဲ ပြီး အနာချိုင့်ဖြစ်လာ 
• ပင်စည်အခေါက်များဖွာလန်လာ 
• ရောဂါရတစ်သျှူးများပေါ်တွင် အမည်းရောင် အဖုလေးများ ဖြစ်ပေါ်လာ 
• နှမ်းပင်ခြေရင်းပိုင်းလုံးဝမည်းနက်ပြီး ပင်ပေါ်ပိုင်း- အဝါရောင်ပြောင်းကာ ညှိုးစပြု လာ 
• ရောဂါရနှမ်းရိုးကို ထက်ခြမ်းခွဲကြည့်ပါက မှိုမျှင် စုများ နှင့် အမည်းရောင် မှိုစပိုး (စကလိုးရှား)တွေ့ရ  
• နေ့အပူချိန်မြင့်မားပြီး၊ ခြောက်သွေ့သောရာသီဥတု ရှည်ကြာပြီး မိုးသည်းထန်စွာ ရွာသွန်း 

ကာကွယ်နှိမ်နင်းနည်း 

• အစိုဓာတ်ပုံမှန်ရအောင်လုပ်ပေးပါ 
• ရေအစိုဓာတ် မများလွန်းသင့် 
• ပင်ကြွင်းပင်ကျန်ရှင်း၊ ရေပြတ်ကာလမရှည်သင့် 
• မြေဆွေး၊ တမာကြိတ်ဖက်ထည့်ပြီး မြေပြင် 
• မျိုးစေ့လူးနယ် - Captan  
• အသုံးပြုနိုင်သောဓာတုဆေးများ - Iprodione, Tebuconazole, Pyraclostrobin 

 ဖိုက်သော်သရာပင်နာကျရောဂါ 

• အရွက်နှင့် ပင်စည်ပေါ်တွင် ရေစိုနာ၊ အညိုရောင်ကွက်ပြောက်ကလေးများ စတင် ဖြစ်ပေါ်၊ နောက်ပိုင်းတွင် အရွယ်အစားကြီးမားလာကာ အညိုရင့်ရောင်၊ အနက်ရောင် အကွက် များဖြစ်လာ 
• အပင်များဝါခြင်း၊ အပင်ခြောက်ပြီး သေ 
• စိုစွတ်သောရာသီဥတုတွင် ရောဂါကျနေ သောအသီးပေါ်တွင် အဖြူရောင်မှိုမျှင်စုကိုတွေ့ရ 
• ပြင်းထန်စွာတိုက်ခိုက်ခံ ရပါက အစေ့ များသည်တွန့်ရှုံ့နေ 
• ပင်စည်ပေါ်တွင်ရောဂါကျရောက်ပါက အရွက်များညှိုးနေပြီး၊ပင်စည် လည်းမည်းခြောက် 
• မိုးဆက်တိုက်ရွာသွန်းမှုများပြီးမြေတွင်းအစိုဓါတ်မြင့်မားခြင်း၊ အပူချိန်နိမ့်ခြင်းနှင့် စိုထိုင်းစမြင့်များ သောအခြေအနေတွင်ကျရောက် 

ကာကွယ်နှိမ်နင်းနည်း  

• စိုက်ခင်းရေမဝပ်သင့် 
• ရေစီးရေလာကောင်းအောင်လုပ်ပေးပါ 
• အသုံးပြုနိုင်သောဓာတုဆေးများ- Propamocarb hydrochloride, Dimethomorph, Fosetyl Aluminium, Mancozeb+ Cymoxanil  

 နှမ်းဖိုရောဂါ 

• အရွက်သေးငယ်ခြင်း၊ ဆစ်ကြားတိုခြင်း၊ ကြားဖူးများမှ မူမမှန်ကိုင်းများစွာထွက်ခြင်း၊ အပွင့်အင်္ဂါအစိတ်အပိုင်းများ အစိမ်းရောင်ဖြစ် 
• နှမ်းပင်ငယ်စဉ်တွင် ရောဂါကူးစက်ပျံ့နှံ့စေသောဖြုတ်ပိုး (Leafhopper) ကြောင့် ရောဂါကူးစက် 

ကာကွယ်နှိမ်နင်းနည်း 

• ဖြုတ်ညိုမှ တစ်ဆင့်ကူးစက်သောရောဂါဖြစ်သောကြောင့် ဖြုတ်ညိုကိုထိရောက်စွာနှိမ်နင်းသင့် 
• နှမ်းဖိုရောဂါလက္ခဏာတွေ့တာနဲ့ ဆွဲနုတ်ဖယ်ရှားရှင်းလင်းပစ်ပြီး စိုက်ခင်းနဲ့ဝေးရာမှာပစ်ပေးပါ 

အော်တာနေးရီးယားရွက်ပြောက် 

• အရွက်ပေါ်တွင် သေးငယ်သော၊ ဗဟိုတူစက်ဝိုင်းရစ်များပါသည့် လုံးဝိုင်းပုံ (သို့) ပုံသဏ္ဍာန် မမှန်သော အညိုရင့်ရောင်ရေစိုနာဒါဏ်ရာ ကွက်များဖြစ်ပေါ် 
• ရာသီဥတု အခြေအနေပေး၍ ရောဂါ ပြင်းထန်ပါက ရောဂါကွက်သည် ကြီးမားလာ 
• အပင်၏ အစိတ်အပိုင်းအားလုံး၊ အရွယ် အားလုံးတွင်ကျရောက်တတ် 
• အရွက်ကြွေခြင်း၊ပြင်းထန်ပါက အပင်သေခြင်းများ ဖြစ် 
• လေထုစိုထိုင်းစ မြင့်မား၍ အပူချိန်နိမ့်သောအခြေအနေတွင် ရောဂါကျရောက်နိုင် 

ကာကွယ်နှိမ်နင်းနည်း 

• အသုံးပြုနိုင်သောဓာတုဆေးများ- Mancozeb, Chlorothalonil, Copper oxychloride 
• အာဟာရ - မြေခံ- ပိုတက်ရှ်(K)ထည့်ပြုပြင် 
• ရွက်ဖျန်း - ပိုတက်စီယမ်(K)+ ဇင့် (Zn ) ဖြည့်စွက်  

ဖားဥမှို 

• အရွက်ပေါ်တွင်အဖြူရောင်အကွက်များစတင်ဖြစ်ပေါ် 
• နောက်ပိုင်းတွင်အရွက်မျက်နှာ ပြင်တစ်ခုလုံးပေါ်၌ ပေါင်ဒါမှုန့်များ ပက်ဖြူးထားသကဲ့သို့ဖြူဖွေးနေ 
• ရောဂါပြင်းထန်ပါက အရွက်တစ်ခုလုံးခြောက်၍ တွန့်သွား 
• အရွက်၊ ပင်စည်၊ ပန်းပွင့်နှင့် အသီးများအားလုံးပေါ်တွင် ကျရောက် 
• ခြောက်သွေ့ ပူအိုက်၊ စိုထိုင်းဆနည်းတဲ့အခြေအနေကိုကြိုက်နှစ်သက် 

ကာကွယ်နှိမ်နင်းနည်း 

• နိုက်ထရိုဂျင်ရွက်ဖျန်း (N) ကိုအလွန်မကျွံမဖျန်းသင့် 
• အသုံးပြုနိုင်သောဓာတုဆေးများ- Lime Sulphur, Thiophanate methyl, Trifloxystrobin, Hexaconazole  

အိမ့်ဖြိုး 

ကိုးကား- Dr.DaDa (သီးနှံကာကွယ်ရေးဆိုင်ရာ အထွေထွေဗဟုသုတများ) 

✦✦✦✦✦✦✦✦ 

ထွက်တိုး Telegram Channel ဝင်ရန် နှိပ်ပါ - https://t.me/htwettoe 

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -https://htwettoe.com/download ထွက်တိုးမေးဖြေကဏ္ဍတွင် ဝင်ရောက်မေးမြန်းနိုင်ပါကြောင်း သတင်းကောင်းပါလိုက်ပါတယ်။ 

စိုက်ခင်းပြဿနာ အဖြေရှာနည်းလေ့လာရန် - https://htwettoe.com/post/38752