ဧရာဝတီတိုင်း တစ်ပတ်စာမိုးလေဝသခန့်မှန်းချက်နှင့် စိုက်/မွေးအကြံပြုချက်

ဧရာဝတီတိုင်း နိုဝင်ဘာ ၂၀ ရက်နေ့မှ နိုဝင်ဘာ ၂၆ ရက်အတွင်း ဖြစ်ပေါ်နိုင်သည့် မိုးလေဝသအခြေအနေ 

ပင်လယ်ပြင်မှ ထူးခြားသည့်မိုးလေဝသအခြေအနေများ 

·          ဘင်္ဂလားပင်လယ်အော်တောင်ပိုင်းနှင့် အနောက်တောင်ပိုင်းတွင် နိုဝင်ဘာလ ၂၂ မှ ၂၄ ရက်နေ့အတွင်း လေဖိအားနည်းရပ်ဝန်းတခုဖြစ်ပေါ်ရာမှ ပိုမိုအားကောင်းလာပြီး အနည်းဆုံးမုန်တိုင်းငယ် (Deep Depression) ဖြစ်လာနိုင်ပါတယ်။ ECMWF Chart များအရ ဆိုင်ကလုန်းမုန်တိုင်းဖြစ်နိုင်ချေ ၇၀% ရှိနေကြောင်းလည်းတွေ့ရပါတယ်။ 

·          ဘင်္ဂလားပင်လယ်အော်တောင်ပိုင်းမှာ GFS Model ခန့်မှန်းချက်အရ နိုဝင်ဘာ ၂၅ ရက် မှာဖြစ်လာနိုင်တဲ့ မုန်တိုင်းကြောင့် ဧရာဝတီတိုင်းတောင်ပိုင်းဒေသအချို့မှာ မိုးအနည်းငယ်ရွာနိုင်ပြီး၊ လေပြင်းတနာရီ ၁၅ မိုင်မှ မိုင် ၃၀ ခန့်အထိ တိုက်နိုင်ပြီး မြစ်ဝကျွန်းပေါ်ကမ်းရိုးတန်းအနီးပင်လယ်ကမ်းခြေမှာ လှိုင်းအမြင့် ၆ ပေ မှ ၇ ပေခန့် ရှိနိုင်ပါတယ်။ 

·          GFS Model ကြိုတင်ခန့်မှန်းချက်အရ တနင်္သာရီတိုင်းတောင်ပိုင်းအစွန် ကော့သောင်းခရိုင်၊ မွန်ပြည်နယ် ကျိုက်ထိုခရိုင်တို့မှာ မိုးအသင့်အတင့်မှ မိုးအနည်းငယ်များနိုင်ပြီး ကျန်ပြည်နယ်တိုင်းအားလုံးမှာ မိုးအနည်းငယ်သာရွာသွန်းနိုင်ကာ၊ ဧရာဝတီတိုင်းအနောက်ဘက် (ငွေဆောင်+ချောင်းသာ ကမ်းခြေများ)နှင့် ရခိုင်ပြည်နယ်တောင်ပိုင်း ကမ်းရိုးတန်းဒေသအချို့မှာ မိုးအနည်းငယ်နှင့် လေတိုက်နှုန်း တနာရီ ၃၀ မိုင်ခန့် တိုက်ခတ်နိုင်ပါတယ်။ 

 နိုဝင်ဘာ ၂၀ ရက် မှ နိုဝင်ဘာ ၂၆ ရက်အထိ၊ ၇ ရက်အတွင်း ဧရာဝတီတိုင်း မိုးရွာသွန်းနိုင်သည့်အခြေအနေ 

Ventusky App- ICON Model မှ ၇ ရက် မိုးရွာသွန်းနိုင်မည့်အခြေအနေ ကြိုတင်ခန့်မှန်းချက်အရ - 

·          ဧရာဝတီတိုင်းတခုလုံးတွင် ၇ ရက်အတွင်း အများဆုံးရွာသွန်းနိုင်သည့် မိုးရေချိန် ၀.၃ လက်မ သာရှိပြီး - ငပုတော၊ သာပေါင်း၊ ပုသိမ်၊ ကျောင်းကုန်းမြို့နယ်များတွင် မိုးဖွဲရွာသွန်းနိုင်တာ အများဆုံးဖြစ်နိုင်ပါတယ်။ 

·          မြစ်ဝကျွန်းပေါ်ကမ်းရိုးတန်းအနီးမှ ကျေးရွာများမှာ နိုဝင်ဘာ ၂၇ ရက်နေ့တွင် မိုးအနည်းငယ်ပိုနိုင်ပြီး အဲ့ဒီနေ့ နိုဝင်ဘာ ၂၇ ရက်နေ့)မှာ နေ့အပူချိန်များ သိသိသာသာ ကျဆင်းလာနိုင်ပါတယ်။ 

 အပူချိန်၊ လေတိုက်နှုန်း၊ လေထုစိုထိုင်းဆနှင့် လေထုညစ်ညမ်းမှုအခြေအနေ 

·          ဧရာဝတီတိုင်းအတွင်း အမြင့်ဆုံးနေ့အပူချိန် ၃၁°C နဲ့ အနိမ့်ဆုံးညအပူချိန် ၂၁°C ရှိနိုင်ပြီး၊ ပင်လယ်ကမ်းရိုးတန်းအနီးက ခရိုင်/ မြို့နယ်/ကျေးရွာတွေမှာ အမြင့်ဆုံးအပူချိန် ၃၁°C နဲ့ အနိမ့်ဆုံးအပူချိန် ၂၃°C ရှိနိုင်ပါတယ်။ 

·          ကမ်းရိုးတန်းအနီးက မြို့နယ်/ကျေးရွာတွေမှာ အရှေ့တောင်ဘက်အရပ်မှ အမြင့်ဆုံးလေတိုက်နှုန်း တနာရီ ၂၂ မိုင် ခန့် တိုက်နိုင်ပါတယ်။ 

·          ဧရာဝတီတိုင်းအတွင်း နေ့လည်ပိုင်းအချိန်တွေရဲ့ လေထုစိုထိုင်းဆ ၆၀% ရှိနေနိုင်ပြီး နံနက်/ညအချိန်တွေမှာ လေထုစိုထိုင်းဆ ၈၀% မှ ၉၀% အထိ ရှိနိုင်ပါတယ်။ 

လေထုစိုထိုင်းဆများနေချိန်မှာ ခံစားရတဲ့အပူချိန် ၃၄°C အထိရှိနေနိင်ပါတယ်။ 

·          ဧရာဝတီတိုင်းအနောက်ဘက် တောင်ခြေဒေသများမှာ လေထုညစ်ညမ်းမှုအခြေအနေ (AQI value) က အများဆုံး 125 အထိရှိနိုင်တာကြောင့် လေထုညစ်ညမ်းမှုအသင့်အတင့် ရှိနေပြီး၊ အသက်ရှုလမ်းကြောင်းဆိုင်ရာကျန်းမာရေးအခံမကောင်းသူများအတွက် အန္တရာယ်ရှိနေပါတယ်။ 

Air quality index (marked as AQI) is developed by Environmental Protection Agency. Values over 300 represents hazardous air quality, between 200-300 very unhealthy, 150-200 unhealthy, 100-150 unhealthy for sensitive groups and below 100 or rather below 50 the air quality is good. 

·          ဧရာဝတီတိုင်းအနောက်ဘက်နဲ့တောင်ဘက် ကမ်းနီးပင်လယ်ပြင်တွေမှာ နိုဝင်ဘာ ၁၈ ရက်နေ့တွင် လေတိုက်နှုန်းအမြင့်ဆုံး တနာရီ မိုင် ၂၀ ခန့်နဲ့ လှိုင်းအမြင့် ၄ ပေခန့်ရှိနိုင်ပါတယ်။ 

Win Naing 

Administration Team, 

MMWEATHER, 

ဧရာဝတီတိုင်းဒေသကြီးအတွင်းရှိ မတ်ပဲစိုက်တောင်သူများထံသို့.... 

ဖားဥမှို၊ ပွင့်ထွေးပိုးကြိုတင်ကာကွယ်နည်းအကြံပြုချက် 

• လက်ရှိရာသီဥတုက မနက်ခင်းမြူဆိုင်းအေးမြပြီး နေ့လည်ခင်းပိုင်း အပူချိန်မြင့်တာမျိုးဖြစ်နေမယ်၊ ဘေးစိုက်ခင်းတွေမှာ ဖားဥမှိုရောဂါကျတာမျိုးတွေ့မယ် ၊ ကိုယ့်အခင်းမှာတော့မကျသေးဘူး၊ ထိုအခြေအနေမျိုးတွင် Sulphur ကိုကြိုတင်ကာကွယ်တဲ့အနေနဲ့ဖျန်းပေးနိုင်ပါတယ်။ 
• ပဲပင် (၃၀-၃၅ ရက်) ဝန်းကျင် အဖူးစုချိန်တွင် ပွင့်ထွေးကြိုတင်ကာကွယ်လိုပါက Thiodicarb, Indoxacarb အဆင်ပြေရာတစ်မျိုးမျိုးကိုရွေးချယ်ဖျန်းပေးနိုင်ပါတယ်။ 
• ရွက်ဖျန်းအားဆေးအနေနဲ့ကတော့ အဖူးဝင်ချိန်ကနေစပြီး ပိုတက်ရှ် (K) အဓိကပါဝင်သောရွက်ဖျန်းအားဆေးကို လိုက်ပေးနိုင်ပါတယ်။ 

 ငါး/ပုစွန်ကန်များအတွက် အကြံပြုချက် 

ငါးမွေးတောင်သူကြီးများအနေဖြင့် အောက်ပါ အချက်တွေ ဆောင်ရွက်ဖို့ တိုက်တွန်းလိုပါတယ်ခင်ဗျာ- 

• နေ့ခင်းနေသာပြီး ညခင်းအအေးဓါတ်ဝင်ချိန် ရေအပူချိန်ပြောင်းလဲခြင်းက ငါးများကို စိတ်ဖိစီးမှု ဖြစ်စေ သဖြင့် ဂရုစိုက်ရန်၊ 

• စိတ်ဖိစီးမှုမှတဆင့် ငါးများရောဂါဝင်နိုင်သဖြင့် ခုခံအားစနစ်ကို ကောင်းစေသည့် ပဋိဇီဝဆေးများ၊ ဗိုက်တာမင်စီတို့ကို အစာထဲရောကျွေးရန်၊ 

• ညဘက် ၁၂ နောက်ပိုင်းတွင် အောက်ဆီဂျင်ပြတ်လက်နိုင်သဖြင့် အောက်ဆီဂျင်ရရှိရေးအတွက် ရေလှည့် ပေးရန်၊

• ငါးရောဂါများ ကျဆင်းလာတော့မည့်ကာလဖြစ်၍ ကန်အတွင်းရှိ ငါးများ၏ သွားလာလှုပ်ရှားမှုကို အမြဲ ဂရုပြုစစ်ဆေးရန်၊ 

• ဘက်တီးရီးကြောင့်ဖြစ်တဲ့ ရောဂါများကျရောက်ပါက အောက်ဆီတက်ထွာဆိုက်ကလင်း (Oxytetracycline)၊ အီရီသရိုမိုင်ဆင် (Erythromycin)၊ ဆာဖာမီသိုဇာဇိုး (Sulfamethoxazole) ဆေးများကို အစာ ၁ ကီလိုဂရမ်တွင် ၃ ဂရမ်မှ ၅ ဂရမ်အထိ ထည့်ပေးရန်၊ 

Weather Source: CIAT 

------------------ 

ငါးမွေးမြူရေးနှင့်ပတ်သတ်သောဆောင်းပါးများ၊ မွေးမြူရေးနည်းလမ်းများ၊ ငါးမွေးမြူရာတွင်သိထားသင့်သော အချက်များကို ပိုမိုလေ့လာလိုပါက 

ထွက်တိုးစိုက်မွေးဖုန်းဆော့ဝဲ -https://htwettoe.com/download 

ထွက်တိုး၏စီးပွားဖြစ်ငါးမွေးမြူရေးအဖွဲ့ - https://www.facebook.com/groups/4200052776702483 

တွင် လေ့လာနိုင်ပြီး ဝင်ရောက်ဆွေးနွေး နိုင်ပါကြောင်းသတင်းကောင်းပါးအပ်ပါသည် ခင်ဗျာ။