ကြက်ရောဂါများအကြောင်း

၁။ ကူးစက်ရောဂါများ

·      ဗိုင်းရပ်(စ်)ကြောင့်ဖြစ်သော ရောဂါများ

·      ဘက်တီးရီးယားကြောင့်ဖြစ်သောရောဂါများဟု ထပ်မံခွဲခြားနိုင်သည်။

ဤနေရာတွင်အနည်းငယ်ရှင်းပြလိုသည်မှာ-ကျေးရွာများတွင် နှစ်စဥ်နီးပါး အိမ်တိုင်းနီးပါးတွင် ကြက်ငယ်၊ ကြက် လတ်၊ ကြက်ကြီး များအားလုံး ရောဂါဖြစ်ပြီး အများအပြားသေဆုံးသည်ကို ကြုံတွေ့ဖူးမည်ဖြစ်ပါသည်။ ထိုသို့ကြက် များ အားလုံးနီးပါးသေဆုံးပါက ကျေးရွာရှိလူများအလွယ်တကူပြောလေ့ရှိသည်မှာ ကြက်နာကျသည်ဟု ပြောလေ့ရှိ ပါသည်။ သို့သော် မိမိမွေးထားသော ကြက်များ (အထူးသဖြင့်ကြက်ငယ်လေးများ) ၃-၄ကောင် တဖြည်းဖြည်း ကုပ်ပြီး သေဆုံးသည်ကိုလည်း ကြုံတွေ့ဖူးမည်ဖြစ်သည်။ ထိုသို့ဖြစ်သောရောဂါများကိုမူ ကြက်နာကျသည်ဟု ပြောလေ့ မရှိပါ။ ထို့ကြောင့် အလွယ်တကူမှတ်သားရန်မှာ- ကျေးရွာတွင် ကြက်များ အုပ်လိုက်သေဆုံးပါက ထိုရောဂါမျိုးကို ကြက်နာကျရောဂါဟုခေါ်ဆိုနိုင်သလို ကြက်အားလုံးတွင် မဟုတ်ဘဲ ၃-၄ ကောင်ခန့်သာ သေဆုံးသည့်ရောဂါများကိုမူ ကြက်နာကျ မဟုတ်သော ရောဂါများ ဟုခေါ်နိုင်ပါသည်။

(က) ဗိုင်းရပ်(စ) ရောဂါများ ( ကြက်နာကျရောဂါ)

·      ကြက်များအရွယ်မရွေး အားလုံးနီးပါးရောဂါဖြစ်ကာ အားလုံးနီးပါး သေဆုံးသည့်ရောဂါများဖြစ်သည်။

·      ကြက်နာကျရောဂါများဟုခေါ်ဆိုနိုင်သော ရောဂါများသည် ဗိုင်းရပ်(စ်)ကြောင့် ဖြစ်ပွားရခြင်း ဖြစ်သည်။

·      ကျေးရွာများတွင် အဖြစ်များသော ဗိုင်းရပ်(စ) ရောဂါ (၂) မျိုးရှိပါသည်။

(၁) လည်လိမ်ရောဂါ

(၂) ကြက်ငှက်တုပ်ကွေးရောဂါတို့ ဖြစ်ပါသည်။

 ထိုရောဂါ (၂)ခုအနက် ကျေးရွာများတွင် နှစ်စဥ်နှစ်တိုင်းနီးပါးဖြစ်ပွားပြီး သေဆုံးမှုအများဆုံးဖြစ်သည့် လည်လိမ်ရောဂါအကြောင်းကို ဆက်လက်ရှင်းပြပေးမည်။

ဆက်ရန် -

---------

မွေးမြူရေးနှင့် ကုသရေးပညာရှင် - ဒေါက်တာစောထွန်းထွန်း

🔗 ဉာဏ်စမ်းဖြေဆိုရန် လင့် - https://htwettoe.com/post/59812

🔗 ဆော့ဝဲလ်ဒေါင်းရန် – https://download.htwettoe.com

🔗 ထွက်တိုးဆော့ဝဲလ်ရှိ မွေးမြူရေးဂရု – https://htwettoe.com/organization/4

🔗 FB မွေးမြူရေးတောင်သူများဂရု – https://www.facebook.com/groups/4200052776702483