ဧရာဝတီတိုင်း - ဒီဇင်ဘာ ၂၅ ရက် မှ ဒီဇင်ဘာ ၃၁ ရက်အထိ ဖြစ်ပေါ်နိုင်သည့်မိုးလေဝသအခြေအနေများ

လက်ရှိဖြစ်ပေါ်လျှက်ရှိသော မုန်တိုင်း၊ လေပွေလှိုင်းများသည် မြန်မာနိုင်ငံအပေါ်သို့ သက်ရောက်မှုမရှိနိုင်ပဲ အရှေ့မြောက်နှင့်အနောက်မြောက်ဘက်တို့မှ လေအေးများဆက်လက်တိုးဝင်လျှက်ရှိခြင်းကြောင့် နေ့အပူချိန်များကျဆင်းသော်လည်း၊ မြေဆီလွှာစိုထိုင်းဆလျော့နည်းလာမှုကြောင့် မြေဆီလွှာအစိုဓါတ်လျော့နည်းမည့်အခြေအနေကို ဆက်လက်ကြုံတွေ့ရမှာဖြစ်ပါတယ်။ 

တပတ်အတွင်း မိုးရွာနိုင်သည့်အခြေအနေမရှိပါ။ 

မတ်ပဲစိုက်တောင်သူများထံ ပဲပင်စည်ထိုးယင် ကာကွယ်နှိမ်နင်းနည်းအကြံပြုချက် 

• ပင်စည်ထိုးယင်ကျတယ်ဆိုရင် ပင်စည်အခြက ပုံမှန်ထက် ဖောင်းပွနေတဲ့ပုံစံကိုအဓိကတွေ့ရပြီး ပင်စည်ကိုခွဲကြည့်လိုက်ရင် ပင်စည်ထိုးယင်ရဲ့ ရုပ်ဖုံးအဆင့်ကိုတွေ့ရပါတယ်။ 
• ကျရောက်မှုများရင် ပဲပင်တွေအဝါရောင်ပြောင်းပြီး အကွက်လိုက်သေတဲ့လက္ခဏာကိုတွေ့ရတတ်ပါတယ်။ 
• ကျရောက်တာသေချာရင် သေတဲ့အပင်တွေကိုမဖြစ်မနေဆွဲနုတ်ပစ်ပြီး ရှင်းပစ်ပါ။ ပြီးမှဆေးဖျန်းပေးပါ။ 
• ဓာတုပိုးသတ်ဆေးအနေနဲ့ Chlofenapyr , Abamectin, Carbosulfan တို့ကိုရွေးချယ်နိုင်ပါတယ်။  

  ငါးဖျဉ်းစွဲခြင်း(Dropsy disease) ၏ ကာကွယ်ကုသနည်း 

ငါးမွေးတောင်သူအများစု ကြုံတွေ့နေရသော ငါးရောဂါ တမျိုးမှာ ငါးများ ငါးများ ဗိုက်ဖောင်းပွပြီး ဗူပေါင်းကဲ့သို့ဖြစ်နေခြင်းဖြစ်သည်။  

ကာကွယ်ခြင်းနှင့်ကုသခြင်းမှာ 

(၁)အမော်စလင် (သို့မဟုတ်)အယ်ရီသရိမိုင်စင်ကဲ့သို့ ပဋိဇီဝဆေးများကို အစာတစ်ကီလိုလျှင် ၊ဆေး (၂-၃)ဂရမ်အထိထည့်ပြီး (၇-၁၀)အထိကျွေးပေးပါ။ 

(၂)ရောဂါဖြစ်ပွားသော ငါးကို ပိုတက်စီယမ်ပါမင်းဂနိတ်ဖျော်ရည်တွင် (၁-၂) မိနစ် စိမ်ထားခြင်းဖြင့် ကုသနိုင်ပါသည်။ 

-----------       

စိုက်ပျိုးရေး၊ မွေးမြူရေးနှင့် ပတ်သတ်ပြီး တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး -http://download.htwettoe.com/ ထွက်တိုးမေးဖြေကဏ္ဍတွင် ဝင်ရောက်မေးမြန်းနိုင်ပါကြောင်း သတင်းကောင်းပါလိုက်ပါတယ်။