ရန်ကုန်တိုင်း တပတ်စာ မိုးလေဝသအနေအခြေ

ဒီဇင်ဘာ ၂၉ ရက်နေ့မှ ဇန်နဝါရီ ၅ ရက်နေ့အထိ မိုးရွာသွန်းနိုင်ခြေမရှိပါ။

ဇန်နဝါရီ ၁၊ ၂၊ ၃ ရက်တွေမှာ တိမ်အနည်းငယ်မှ တိမ်အသင့်အတင့်ဖြစ်ထွန်းနိုင်ပြီး၊ ကျန်ရက်များမှာ တိမ်ကင်းစင်နိုင်ပါတယ်။ 

·     နေ့အပူချိန်အမြင့်ဆုံး ၃၀°C နှင့် အနိမ့်ဆုံးညအပူချိန် ၁၅°C ဝန်းကျင် ရှိနေနိုင်ပါတယ်။ 

·    မိုးရွာရန်မရှိသဖြင့် မြေဆီလွှာအတွင်းရေဓါတ်ကိန်းအောင်းမှု ၁ မီလီမီတာခန့်နှင့် မြေအောက်အနက် ၄၀ စင်တီမီတာအနက်တွင် မြေဆီလွှာစိုထိုင်းဆ ၅% ၊ မြေအောက်အနက် ၁၀၀ စင်တီမီတာတွင် ၂၁% ခန့်ရှိနိုင်ပါမယ်။ 

Win Naing 

Administration Team, 

MMWEATHER, 

ရန်ကုန်တိုင်းဒေသကြီးအတွင်းရှိ ပဲတီစိမ်းစိုက်တောင်သူများထံသို့

လှေးပိုး ကာကွယ်နှိမ်နင်းနည်းအကြံပြုချက်

• လက်ရှိအပူချိန်မြင့်၊ စိုထိုင်းဆနည်းချိန်တွင် ပဲပန်းပွင့်ချိန်နဲ့တိုက်ဆိုင်ပြီး လှေး(သရစ်ပိုး)များ ကျရောက်ဖျက်ဆီးနေသည်ကိုအဓိကတွေ့ရသဖြင့် လှေးပိုးနှင့်ပတ်သတ်ပြီး ကာကွယ်နှိမ်နင်းနည်းများကို အကြံပြုလိုက်ပါတယ်။
• သရစ်ပိုး(လှေးပိုး)ကျရောက်ပါက ပိုးသတ်ဆေးတစ်မျိုးတည်းကိုပဲ အားမကိုးဘဲ လိုအပ်တဲ့ အာဟာရဖြည့်တင်းမှုကိုလည်း မျှတစွာထည့်သွင်းပေးဖို့လိုအပ်ပါတယ်။
• နိုက်ထရိုဂျင် (N) ရွက်ဖျန်းအားဆေးများအလွန်အကျွံဖျန်းခြင်းကိုရှောင်ပါ။
• စုပ်စားပိုးဖြစ်သောကြောင့် ဆေးတစ်ကြိမ်တည်းဖျန်းရုံနဲ့ မရပ်လိုက်ပါနဲ့။
• ပထမအကြိမ်အဖြစ် Cyrantraniliprole (နံနက်ခင်းတွင်ဖျန်းရန်)၊ ဒုတိယအကြိမ်အဖြစ် Spirotetramat ကိုရွေးချယ်ဖျန်းပေးပါ။ 

ငါးများ ဖမ်းဆီးပြီးနောက် သတိပြုရန်အချက်များ 

ရွေးချယ်ဖမ်းဆီးထားသော ငါးများဖမ်းဆီးပြီးပါက ဈေးကောင်းရရှိစေရန်နှင့် လေလွင့်ဆုံးရှုံးမှု မရှိစေရန် အောက်ပါနည်းလမ်းများအတိုင်း ဆောင်ရွက်သင့်ပါသည်။ 

- ဖမ်းယူထားသော ငါးများကို အရိပ်အောက်တွင် ထားပါ။ 

- ငါးများကို ဖြေးညှင်းစွာကိုင်တွယ်ပါ။ 

- ငါးများကို ရေဖြင့် စင်ကြယ်အောင် ဆေးကြောသန့်စင်ပါ။ 

- ငါးများထိခိုက်ပွန်းပဲ့ခြင်းနှင့် အကြေးခွံမကျွတ်စေရန် သတိပြုရမည်၊ ရောင်းချမည့် နေရာသို့အမြန် ဆုံးပို့ဆောင်နိုင်စေရန် စီမံရမည်။ 

----------    

ထွက်တိုး Telegram Channel ဝင်ရန် နှိပ်ပါ - https://t.me/htwettoe  

စိုက်ပျိုးရေးနှင့် ပတ်သတ်သော အခက်အခဲများကို တိုင်ပင်ဆွေးနွေး အကြံဥာဏ်ရယူလိုပါက ထွက်တိုး တောင်သူအကြံပေးဖုန်း- ၀၉၉၇၇၉၁၀၀၀၀ ကို ဆက်သွယ်နိုင်ပါတယ် သို့မဟုတ် ထွက်တိုးကို follow, Like, Share နှင့် Download လုပ်ထားပြီး - http://download.htwettoe.com/ ထွက်တိုးမေးဖြေကဏ္ဍတွင်ဝင်ရောက်မေးမြန်းနိုင်ပါကြောင်းသတင်းကောင်းပါလိုက်ပါတယ်။