လှေးပိုးကာကွယ်နှိမ်နင်းနည်း ၁၂ နည်း
. ပိုးမွှား
လှေးပိုးကာကွယ်နှိမ်နင်းနည်း ၁၂ နည်း
- လှေးပိုး
htwettoeimg ပဲတီစိမ်းစိုက်ခင်းမှာ လှေးပိုးကျရောက်ဖျက်ဆီးပုံ
htwettoeimg ပဲတီစိမ်းအပင်ငယ်များတွင် လှေးပိုးကျရောက်ပုံ
လှေးပိုး၏ သွင်ပြင် လက္ခဏာ
- အရွယ်ရောက် လှေးပိုးများသည် အလွန်သေးငယ်ပြီး အဝါဖျော့ရောင်မှ အညိုရင့်ရောင် တောင်ပံများ ပါရှိပါသည်။
- ရာသီဥတု ပူနွေးသည့်အချိန်တွင် ဥအဆင့်မှ အရွယ်ရောက် အဆင့်အထိ ဘဝသံသရာမှာ ၂ပတ်ခန့်သာ ကြာမြင့်လေ့ ရှိပါသည်။
လှေးပိုးအား ကာကွယ်နှိမ်နှင်းခြင်း
ဘက်စုံနည်းလမ်းဖြင့် ကာကွယ်နှိမ်နှင်းခြင်း
- သီးနှံများကို ပုံမှန်စောင့်ကြည့်စစ်ဆေးပါ။
- ပိုးဒဏ်ခံနိုင်ရည်ရှိသော မျိုးများကို အသုံးပြုပါ။
- အစိုဓာတ်များသော စိုက်ခင်းရှိအပင်များတွင် လှေးပိုးကျရောက်မှု များလေ့ရှိပါသည်။
- သီးညှပ်စိုက်စနစ်သည် လှေးပိုး ကျရောက်မှုကို လျော့ပါးစေပါသည်။
- လိပ်ခုံးကျိုင်း၊ ပုစဉ်း၊ ပင့်ကူ၊ ကျိုင်းကောင် စသည့် မိတ်ဆွေပိုးများ စိုက်ခင်းသို့ လာရောက်နိူင်ရန်အတွက် ထောက်ချောက်သီးနှံ(နေကြာ)ကိုစိုက်ပျိုးပေးခြင်းဖြင့် မိတ်ဆွေပိုးများသည် လှေးပိုးများနှင့် ဥများကို စားသောက် ဖျက်ဆီးပစ်လေ့ရှိပါသည်။
- လှေးပိုးများရန်မှ လျှော့ချနိုင်ရန် ပေါင်းပင်များနှင့် မြက်ပင်များကို ရှင်းလင်း ဖယ်ရှားပေးပါ။
- လှေးပိုး ကျရောက်မှု လက္ခဏာများ သို့မဟုတ် ဖျက်ဆီးမှုများ ရှိ မရှိ စိုက်ခင်းအတွင်းရှိ အပင်များအားလုံးကို လိုက်လံစစ်ဆေးပါ။ တွေ့ရှိပါက ဖယ်ရှားဖျက်ဆီးပစ်ပါ။
- သဘာဝ မြေဆွေးနှင့် ဓာတ်မြေသြဇာများကို သတ်မှတ် နှုန်းထားအတိုင်း အလုံအလောက် အသုံးပြုပါ။
- စိုက်ပျိုးပြီး ပထမ ရက် ၃ဝအတွင်း တစ်ပတ်လျှင် ၃ကြိမ်ခန့် စိုက်ခင်းအတွင်း ပုံမှန် ကြည့်ရှုစစ်ဆေးပါ။
- စစ်ဆေးကြည့်ရှုသည့်အခါ လှေးပိုးကျရောက်မှု ရှိ မရှိ သိနိုင်ရန် အပင်၏ ထိပ်ပိုင်းနေရာများကို ရေစိုလက်ဖြင့် ပွတ်သတ်ကြည့်ပါ။ လှေးပိုးများ ပါလာပါက ပြာများ ဖြန်းပက်ပေးရပါမည်။
- လယ်နီးနားချင်းများနှင့် အပြိုင် စိုက်ပျိုးပါ။
- အရည်အသွေးကောင်းသည့် မျိုးကောင်း မျိုးသန့်ရရှိရန် နီးစပ်ရာ စိုက်ပျိုးရေး ရုံးများနှင့် ဆက်သွယ်ပါ။
- စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာနက ထောက်ခံထားသော အထွက်နှုန်း ကောင်းသည့် မျိုး ရေဆင်း (၁၁) သက်တမ်း (၆၀-၆၅) ရက်ရှိပြီး အဝါရောင် မိုစေ့ရောဂါကို ခံနိုင်ရည်ရှိသည့်မျိုး နှင့် ရေဆင်း (၁၄)- သက်တမ်း (၆၅-၇၀) ရက်သား ( အဝါရောင် မှိုစေ့ ရောဂါနှင့် ရွက်ပြောက်ရောဂါ) ခံနိုင်ရည် ရှိသည့် မျိုး စသည့် တို့ကို ရွေးချယ်စိုက်ပျိုးနိုင်ပါတယ်။
- စိုက်ခင်းကို သဘာဝမြေသြဇာကို လုံလောက်စွာ ထည့်ပေးရမည်။ သဘာမြေသြဇာ ထည့်ပေးခြင်းဖြင့် စိုက်ပျိုးမြေသည် ကောင်းစွာ ဆွေးမြေ့ပြီး အကျိုးပြုသက်ရှိများ ပေါက်ပွားနိုင်တဲ့ အခွင့်အရေးကို ပိုရရှိစေပါတယ်။
လှေးပိုးရန်မှ ကာကွယ်ရန် ဖော်ပြပါ ပိုးသတ်ဆေးများကို အသုံးပြုနိုင်ပါသည်။
၁။ ရေ ၄ ဂါလံဝင် ဆေးဖြန်းပုံးတစ်ပုံးလျှင် အီမီဒါကလိုပရစ် ၇၀% ဒဗလျူပီ စားပွဲတင်ဇွန်းဝက်-၁ ဇွန်းနှုန်း
၂။ ရေ ၄ ဂါလံဝင် ဆေးဖြန်းပုံးတစ်ပုံးလျှင် ကာဘိုဆာဖန် ၃% အီးစီ စားပွဲတင်ဇွန်း ၄-၆ ဇွန်းနှုန်း
သို့မဟုတ် ဈေးကွက်အတွင်း ဝယ်ယူရရှိနိုင်သာ ပိုးသတ်ဆေးထုတ်များတွင် ပါရှိသည့် မြန်မာစာအညွှန်းအတိုင်း အသုံးပြုနိုင်ပါသည်။ (မြန်မာစာဆေးညွှန်းကို သေချာဖတ်ပြီး လိုက်နာဆောင်ရွက်ပါ)
![likes](../heart.png)
![comments](../comments.png)
![views](../views.png)