ပဲခူးတိုင်း မေလ ၁၃ ရက် မှ မေလ ၁၉ ရက်အထိ မိုးလေဝသအခြေအနေ

လက်ရှိဖြစ်ပေါ်နေတဲ့ပင်လယ်ပြင်အခြေအနေတွေနဲ့ အနောက်တောင်မုတ်သုံလေဝင်ရောက်လာနိုင်မဲ့အခြေအနေများအရ - 

မေလ ၁၅-၁၆-၁၇ ရက်တွေမှာ ဘင်္ဂလားပင်လယ်အော်အတွင်း လေဖိအားနည်းရပ်ဝန်းတစ်ခု အစပျိုးဖြစ်ပေါ်လာနိုင်ပြီး၊ အနောက်တောင်မုတ်သုံလေကလဲ မြစ်ဝကျွန်းပေါ်ဒေသများမှ အလယ်ပိုင်းဒေသများဆီသို့ ဆက်လက်ဝင်ရောက်ရန်တာစူနေတဲ့အချိန်ဖြစ်ပါမယ်။ 

မေလ ၁၅-၁၆-၁၇ ရက်များအတွင်းမှာ- 

ပဲခူးတိုင်းအရှေ့ခြမ်း မိုးအသင့်အတင့်မှ မိုးများနိုင်ပါမယ်၊ 

ပဲခူးတိုင်းအနောက်ခြမ်းဒေသတော်တော်များများမှာတော့ မေလ ၁၅ ရက် ၁ ရက်မှာသာ မိုးများနိုင်ပြီး ကျန်ရက်တွေမှာတော့ မိုးအသင့်အတင့်မှ မိုးနည်းနေနိုင်ပါမယ်။ ပဲခူးတိုင်းတစ်ခုလုံးအနေနဲ့ခြုံပြောရရင်တော့ ဒီ ၁ ပတ်က မိုးများနိုင်မဲ့ ရက်သတ္တပတ် ၁ ပတ်ဖြစ်ပါမယ်။ 

ပဲခူးတိုင်းအတွင်း လေထုစိုထိုင်းဆ ၈၀% ဝန်းကျင်မှာရှိနေပြီး အမြင့်ဆုံးအပူချိန် ၃၃°C နဲ့ အနိမ့်ဆုံးအပူချိန် ၂၄°C အထိ ကျဆင်းနိုင်ပါတယ်။ 

Win Naing 

Administration Team, 

MMWEATHER, 

https://www.mmweather.org/home 

ပဲခူးတိုင်းဒေသကြီးအတွင်းရှိ မြေပဲစိုက်တောင်သူများနှင့် မိုးစပါးစိုက်ရန် ပြင်ဆင်ကြမည့် တောင်သူများထံသို့ 

စိုက်ပျိုးရေးဆိုင်ရာအကြံပြုချက် 

• မြေပဲပေါင်းသတ်ဆေးအတွက် ပေါင်းပင်နုစဥ် (အရွက် ၂-၄ရွက်ထွက်ချိန်) Imazethapyr ကိုရွေးချယ်ဖျန်းနိုင်ပါတယ်။ 
• Imazethapyr အသုံးပြုချိန်တွင် မြေကြီးအစိုဓာတ်ကောင်းကောင်းရှိဖို့တော့လိုပါတယ်။ 
• မိုးစပါးအတွက် မိုးရာသီတွင် ပေါင်းများနှိမ်နင်းရခက်တာဟာ အဓိကပြဿနာ ဖြစ်သောကြောင့် လယ်မြေကိုထယ်နက်နက်ထိုး၍ ကြိုတင်ပြင်ဆင်ထားပါ။ 
• တစ်ခုသတိပြုရမှာက ရွေးချယ်မဲ့ပေါင်းသတ်ဆေးကို ရာသီတိုင်းအသုံးမပြုသင့်ပါဘူး။ 
• နှစ်စဥ်အသုံးပြုတတ်သော အလေ့အထရှိပါက ယခုနှစ်မိုးစပါးတွင် ရွေးချယ်မဲ့ပေါင်းသတ်ဆေးကိုအသုံးမပြုဘဲ ပေါင်းပေါက်လာမှဖျန်းရသော ရွေးချယ်ပေါင်းသတ်ဆေးကိုသာရွေးချယ်ပါ။ 
• ပေါင်းအုပ်ဆေးအတွက် ရွေးချယ်လိုပါက အစို၊ အခြောက်ကြဲခင်းများအတွက် Pendimethalin ကိုရွေးချယ်နိုင်ပါတယ်။ 

ငါး၊ပုစွန်ကန်များအတွက် အကြံပြုချက် 

"မိုးရာသီတွင် ငါးကန်များ၌ ဖြစ်တတ်သောအခြေအနေများ" သတိပြုရန် 

• မိုးအဆက်မပြတ်ရွာသွန်းပြီး မိုးအုံ့နေသောကြောင့် ကန်ရေ၏အပူချိန်သည်လည်း ကျဆင်းနေတတ်ပါသည်။ 
• အပူချိန်ကျဆင်းမှုသည် ၂၅ဒီဂရီင်တီဂရိတ်အောက် ရောက်နေပါက ငါးများသွားလာလှုပ်ရှားမှုနည်း ခြင်းအပြင် အစာစားနှုန်းလည်း ကျဆင်းတတ်ပါသည်။ 
• ငါးမွေးကန်သည် မိုးအုံ့နေသောအချိန်တွင် နေရောင်ခြည် မရရှိသဖြင့် အလင်းမှီ အစာစုဖွဲ့ခြင်းအလုပ်ကို မလုပ်နိုင်ပါ။ 
• ထို့ကြောင့် ကန်အတွင်း ပျော်ဝင်အောက်စီဂျင် မထွက်ရှိနိုင်ပါ။ ကန်အတွင်း ပျော်ဝင်အောက်စီဂျင် နည်းပါးပြီး ငါးများအသက်ရှူနှုန်း အပြည့်အဝမရရှိနိုင်ပါ။ 

-------- 

မိုးလေဝသအဖွဲ့ဝင်ရန် - https://htwettoe.com/organization/12 

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်. 

သီးနှံပေါက်စျေးကြည့်ရှုနည်း_ https://htwettoe.com/post/50437