ဧရာဝတီတိုင်း ဩဂုတ်လ ၇ ရက် မှ ၁၃ ရက်အထိ မိုးလေဝသအခြေအနေ

ဖြစ်ပေါ်နိုင်သည့် ထူးခြားသောမိုးလေဝသအခြေအနေ 

ဩဂုတ်လ ၁၃ ရက်နေ့နံနက်ပိုင်းတွင်၊ ဘင်္ဂလာပင်လယ်အော်အနောက်မြောက်ပိုင်း၊ အထက်အမြင့်ပေ ၅၀၀၀ နှင့်အထက်လေထုအလွှာအတွင်း အထက်လေပွေလှိုင်း(Upper Air Cyclonic Circulation – UACC)တခု စတင်ဖြစ်ပေါ်နိုင်ပြီး၊ အနောက်-အနောက်မြောက်ဘက်သို့ဖြည်းညှင်းစွာရွေ့လျားရင်း ဩဂုတ်လ ၁၅ ရက်နေ့တွင် လေဖိအားနည်းရပ်ဝန်းတခုဖြစ်ပေါ်လာနိုင်ပါတယ်။ လေဖိအားနည်းရပ်ဝန်းအရှိန်ကြောင့် အနောက်တောင်မုတ်သုံလေအားပြန်ကောင်းလာပြီး၊ ရခိုင်ကမ်းရိုးတန်း၊ ဧရာဝတီမြစ်ဝကျွန်းပေါ်ကမ်းရိုးတန်းနှင့်၊ မွန်/တနင်္သာရီကမ်းရိုးတန်းဒေသများမှာ မိုးပြန်ကောင်းလာနိုင်ပါတယ်။ 

ဩဂုတ်လ ၇ ရက် နေ့လည် ၁၂ နာရီမှ ဩဂုတ်လ ၁၃ ရက် နေ့လည် ၂ နာရီအထိ - ၇ ရက်အတွင်း - 

ဧရာဝတီတိုင်း၏ ကမ်းရိုးတန်းဒေသများတွင် မိုးများနိုင်၊ မိုးသက်လေပြင်းကျရောက်နိုင်ပြီး - ၇ ရက်အတွင်း မိုးရေချိန် ၈ လက်မ အထက်၊ ၂၄ နာရီအတွင်း ပျမ်မျှမိုးရေချိန် ၁ လက်ကျော်ခန့် ရွာသွန်းရရှိနိုင်ပါမယ်။ 

·          ဧရာဝတီတိုင်းအလယ်ပိုင်းမှ ကုန်းတွင်းဒေသများတွင် ၇ ရက်အတွင်း မိုးရေချိန်အများဆုံး ၄ လက်မခန့် ရွာသွန်းရရှိနိုင်ပြီး၊ 

·          ဧရာဝတီတိုင်းမြောက်ပိုင်း(ဟင်္သာတမြို့အထက်ပိုင်း)‌ဒေသများတွင် ၇ ရက်အတွင်းမိုးရေချိန် ၃ လက်မခန့် ရွာသွန်းရရှိနိုင်ပါမယ်။ 

·          ဧရာဝတီမြစ်ဝကျွန်းပေါ်ကမ်းရိုးတန်းတွင် အနောက်တောင်ဘက်မှလေပြင်း တနာရီ မိုင် ၂၀ နှင့် အထက် တိုက်ခတ်နိုင်ပါမယ်။ 

·          ဧရာဝတီတိုင်းအနောက်ဘက်ကမ်ရိုးတန်းတွင် အနောက်တောင်ဘက်မှလေပြင်း တနာရီ ၂၅ မိုင်အထိ တိုက်ခတ်နိုင်ပါတယ်။ 

·          ကမ်းနီးပင်လယ်ပြင်တွင်လှိုင်းအမြင့် ၃ ပေ ခန့်အထိ ရှိနိုင်ပါမယ်။ 

·          ယခုတပါတ်အတွင်း အမြင့်ဆုံးနေ့အပူချိန် ၃၂°C နှင့် အနိမ့်ဆုံးညအပူချိန် ၂၆°C မှ ၂၄°C ရှိနိုင်ပါမယ်။ 

·          လေထုစိုထိုင်းဆ ၈၀% မှ ၁၀၀% ကြားတွင်ရှိနေနိုင်ပါမယ်၊ လေတိုက်နှုန်းပုံမှန်ရှိနေမှာဖြစ်တာကြောင့် လေထုစိုထိုင်းဆမြင့်မားသော်လည်း ခံစားရသည့်အပူချိန်မြင့်မားနေခြင်းမရှိနိုင်ပါ။ 

·          လေထုညစ်ညမ်းမှုအညွှန်းကိန်း(AQI value) 20 ခန့်သာရှိနိုင်တာကြောင့် လေထုညစ်ညမ်းမှုလည်းမရှိပါ 

Win Naing 

Administration Team, 

MMWEATHER, 

https://www.mmweather.org/home 

ဧရာဝတီတိုင်းဒေသကြီးအတွင်းရှိ မိုးစပါးစိုက်တောင်သူများထံသို့...

စိုက်ပျိုးရေးဆိုင်ရာ အကြံပြုချက်

• လက်ရှိ စပါးစိုက်တောင်သူများ ဘက်တီးရီးယားရွက်ခြောက်၊ ရွက်စင်းရောဂါနှင့်ပတ်သတ်ပြီး မေးမြန်းလာမှုများရှိသဖြင့် ကာကွယ်နှိမ်နင်းနည်းများကို အကြံပြုဆွေးနွေးပေးလိုက်ပါတယ်။
• နိုက်ထရိုဂျင်ပုလဲမြေဩဇာကို တစ်ကြိမ်တည်းအလွန်အကျွံထည့်ခြင်း မလုပ်သင့်ပါ။ အကြိမ်ရေခွဲထည့်ပေးပါ။
• နိုက်ထရိုဂျင်အစား ပိုတက်ရှ်မြေဩဇာ (K) ကိုထည့်ပေးပါ။
• ဘက်တီးရီးယားရွက်ခြောက်၊ရွက်စင်းကျနေချိန်တွင် စပါးအရွက်ဖြတ်ခြင်းမလုပ်ပါနဲ့။
• ဘက်တီးရီးယားသတ်ဆေးအနေဖြင့် Copper oxychloride, Bismerthiazol တို့ကိုရွေးချယ်နိုင်ပါတယ်။
• နောက်ရာသီတွင် မဖြစ်မနေ မျိုးပြောင်းစိုက်ပေးပါ။ စပါးမျိုးတစ်မျိုးတည်းကို ဆက်တိုက်မစိုက်ပါနဲ့။ 

ငါးအစာ ကျွေးချိန်နှင့် အကြိမ်ရေအတွက် အကြံပြုချက်  

✅ငါး ငါးကျပ်သားခန့် အရွယ်အထိ တစ်နေ့ သုံးကြိမ်ခန့်၊ ငါးကျပ်သားကျော်လျှင် ဖမ်းဆီးရောင်းချချိန်အထိ တစ်နေ့နှစ်ကြိမ် ကျွေးနိုင်သည်။  

✅ငါးကန်ရေ၏ ပျော်ဝင်အောက်ဆီဂျင် လျော့ကျတတ်သည့် မိုးအုံ့သော ရက်များတွင် ပုံမှန်ကျွေးနေကျ အစာပမာဏ၏ ၇၀% အောက် လျော့ချကျွေးသင့်သည်။ (အကောင်းဆုံးပျော်ဝင်အောက်ဆီဂျင် ပမာဏ သည် ၅-၇ မီလီဂရမ်/၁လီတာ ဖြစ်သည်။) 

✅ငါးကန်ရေ၏ အပူချိန် အတက်အကျသည်လည်း အစာစားနှုန်းကို လျော့ကျစေသည်။ ( အကောင်းဆုံးအပူချိန် အတိုင်းအတာ ၂၅°C - ၃၂°C)။ အကယ်၍ ရေ၏ အပူချိန်သည် ၂၀°C- ၂၄°C ၊ ၁၆°C -၁၉°C နှင့် ၃၃°C -၃၈°C အတွင်း တည်ရှိပါက ပုံမှန်ကျွေးနေကျ အစာပမာဏ၏ ၈၀%၊ ၆၀% အထိလျော့ပြီး ကျွေးသင့်သည်။  

✅မနက်ပိုင်း နေထွက်ပြီး နှစ်နာရီခန့်အကြာတွင် နေ့စဉ်ကျွေးရမည့် ပမာဏ၏ ၆၀- ၆၅ % (တစ်နေ့လုံးကျွေးရမည့် အစာ၏ တစ်ဝက်ကျော်) ကို ကျွေး၍ ညနေနေမဝင်မီ နှစ်နာရီခန့် အလိုတွင် ကျန် ၃၅-၄၀ % ကို ကျွေးသင့်သည်။ 

✅ငါးကန်ရေ၏ အရည်အသွေးသည် မိုးဆက်တိုက်ရွာသည့် နေ့များတွင် အပြောင်းအလဲ မြန်သဖြင့် ငါးများအစာစားနှုန်း လျော့ကျလေ့ရှိသည်။ 

---------------           

မိုးလေဝသအဖွဲ့ဝင်ရန် - https://htwettoe.com/organization/12             

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို              

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.             

သီးနှံပေါက်စျေးကြည့်ရှုနည်း_ https://htwettoe.com/post/50437