ရန်ကုန်တိုင်း ဩဂုတ်လ ၂၅ ရက် မှ ဩဂုတ်လ ၃၁ ရက်အထိ မိုးလေဝသအခြေအနေ

ပင်လယ်ပြင်များမှထူးခြားသည့် မိုးလေဝသအခြေအနေ 

·          ဘင်္ဂလားပင်လယ်အော်မြောက်ပိုင်း၊ ဩရိဿပြည်နယ်ကမ်းရိုးတန်းအနီး ဩဂုတ်လ ၂၇ ရက်နေ့မှာ လေဖိအားနည်းရပ်ဝန်း ၁ ခုဖြစ်ပေါ်လာနိုင်သော်လည်း ပိုမိုအင်အားကောင်းလာနိုင်ခြင်းမရှိပဲ ၂၄ နာရီအတွင်းကုန်းတဝက်ရေတဝက်လေဖိအားနည်းရပ်ဝန်းဖြစ်ပြီး အားပြန်ပျော့သွားနိုင်ပါတယ်။၊ လေဖိအားနည်းရပ်ဝန်းဖြစ်ပေါ်ခြင်းကြောင့် ဘင်္ဂလားပင်လယ်အော်အနောက်အလယ်ပိုင်းမှာသာ အနောက်တောင်မုတ်သုံလေအားအသင့်ရှိနေနိုင်ပြီး ကျန်ဘင်္ဂလားပင်လယ်အော်မှာ အားနည်းနေနိုင်ပါတယ်။ 

·          တောင်တရုတ်ပင်လယ်မှ အချင်းမိုင် ၃၀၀ ကျော်အရွယ်အစားရှိသည့် CAT-3 အဆင့် တိုင်ဖွန်းမုန်တိုင်း KAJIKI က ၂၅ ရက် ညမှာ ဗီယက်နမ်ကမ်းခြေကို လုံးဝကျော်ဖြတ်ဝင်ရောက်သွားပြီးတဲ့နောက် ကုန်းတွင်းလေဖိအားနည်းရပ်ဝန်းအနေနဲ့ အနောက်ဘက် လာအိုနိုင်ငံ၊ ထိုင်းနိုင်ငံမြောက်ပိုင်းနဲ့ မြန်မာနိုင်ငံအရှေ့ပိုင်းဒေသတွေအထိ လေပွေလှိုင်းအဖြစ် ဆက်လက်ရွေ့လျားနိုင်မှာဖြစ်ပြီး မြန်မာနိုင်ငံအလယ်ပိုင်းမန္တလေးတိုင်းနှင့် မကွေးတိုင်းမြောက်ပိုင်း၊ စစ်ကိုင်းတိုင်းအောက်ပိုင်းဒေသတွေအထိ ဆက်လက်ရွေ့လျားနိုင်မယ်လို့ ခန့်မှန်းထားပါတယ်။ 

·          လေပွေလှိုင်းနဲ့အတူပါလာမဲ့ မုန်တိုင်းအကြွင်းအကျန်မိုးတိမ်တွေက ရှမ်းပြည်နယ်အရှေ့ပိုင်းနှင့်တောင်ပိုင်းဒေသအချို့၊ မန္တလေးတိုင်းနဲ့ စစ်ကုင်းတိုင်း၊ ကချင်ပြည်နယ်တို့ထံရောက်ရှိ/မိုးများနိုင်ပြီး နိုင်ငံတောင်ပိုင်းက ဧရာဝတီတိုင်း၊ ရန်ကုန်တိုင်း၊ ပဲခူးတိုင်း၊ မွန်ပြည်နယ်၊ ကရင်ပြည်နယ်၊ တနင်္သာရီတိုင်းဒေသတွေမှာ မိုးအသင့်အတင့်သာရွာသွန်းနိုင်ပါတယ်။ 

ယခု တပတ်အတွင်းရန်ကုန်တိုင်း မိုးရွာသွန်းနိုင်သည့်အခြေအနေ 

·          တိုင်ဖွန်းမုန်တိုင်းအကြွင်းအကျန်များသက်ရောက်မှုက ရန်ကုန်တိုင်းအထိရောက်လာနိုင်ခြင်းမရှိတာနဲ့ အနောက်တောင်မုတ်သုံလေအားလျော့နေနိုင်ခြင်းတို့ကြောင့် ရန်ကုန်တိုင်းမှာ နေ့စဉ်ပုံမှန်မုတ်သုံမိုးရွာသွန်းနိုင်ခြင်းသာရှိနိုင်ပါမယ်။ 

·          နေ့စဉ် မိုးအနည်းငယ်မှ မိုးအသင့်အတင့်ရွာနိုင်ပြီး နေရာကွက်၍ ခေတ္တမျှမိုးသည်းထန်တာရှိနိုင်မယ်၊ မိုးရေချိန်များနိုင်မှာတော့ မဟုတ်ပါ။ 

·          ရန်ကုန်တိုင်းတခုလုံးမှာ ယခု ၁ ပတ်အတွင်းအများဆုံးရရှိနိုင်သည့်မိုးရေချိန်ပမာဏ ၄ လက်မခန့် ရှိနိုင်ပါတယ်။ 

အပူချိန်၊ လေတိုက်နှုန်း၊ လေထုစိုထိုင်းဆနှင့် လေထုညစ်ညမ်းမှုအခြေအနေ 

·          ယခု တပတ်အတွင်း အမြင့်ဆုံးနေ့အပူချိန် ၃၁°C နှင့် အနိမ့်ဆုံးညအပူချိန် ၂၆°C နှင့် ခံစားရသည့်အပူချိန် ၃၇°C ရှိနိုင်ပြီး လေထုစိုထိုင်းဆ ၇၀% မှ ၉၀% ရှိနိုင်သည်၊ 

·          အနောက်ဘက်အရပ်မှ လေတိုက်နှုန်းအမြင့်ဆုံး တနာရီ ၁၈ မိုင်နှုန်းနှင့်  

လေထုညစ်ညမ်းမှုအညွှန်းကိန်း(AQI Value)50 ရှိနိုင်ပါမည်။ 

Win Naing 

Administration Team, 

MMWEATHER, 

https://www.mmweather.org/home 

ရန်ကုန်တိုင်းဒေသကြီးအတွင်းရှိ မိုးစပါးစိုက်တောင်သူများထံသို့... 

စိုက်ပျိုးရေးဆိုင်ရာ အကြံပြုချက် 

• ရေထုတ်ရန်ခက်ခဲသောစပါးခင်းများ၊ အပူချိန် ၂၈-၃၂ ဒီဂရီနှင့် စိုထိုင်းဆ ၁၀၀% ရှိသောအခြေအနေတွင် အဓိကဖြစ်ပွားတတ်သည်။ 
• ပင်ပွားစီးချိန်မှ အနှံထွက်ချိန်အတွင်းကျရောက်တတ်ပြီး ရောဂါလက္ခဏာအနေဖြင့် ရေမျက်နှာပြင်နှင့်ထိစပ်နေသော ရွက်ဖုံးနေရာတွင် မီးခိုးရောင်အလယ်ဗဟိုနှင့် အညိုရောင် အနားသတ်အကွက်များကို အဓိကတွေ့ရတတ်သည်။ 
• စပါးရွက်ဖုံးခြောက်ကျရောက်ပါက နိုက်ထရိုဂျင်ပုလဲမြေဩဇာ အလွန်အကျွံမထည့်ပါနဲ့၊ အကြိမ်ရေခွဲထည့်ပေးပါ။ 
• ပိုတက်ရှ် (K)မြေဩဇာ ကိုအဓိကထည့်ပေးပါ။ 
• အပင်ဦးရေစိပ်စိပ်စိုက်ခြင်းရှောင်ပါ။ 
• ပေါင်းမြက်၊ ပင်ကြွင်းပင်ကျန်သေချာရှင်းပါ။ 
• အသုံးပြုနိုင်သော ဓာတုမှိုသတ်ဆေးများ - Chlorothalonil, Hexaconazole (ရောဂါစတင်ချိန်), Propiconazole, Validamycin  

ငါး/ပုစွန် ကန်များအတွက်အကြံပြုချက်  

ကန်အတွင်းမွေးမြူထားသော ငါးများသည် ကန်ရေ အရည်အသွေးကောင်းမွန်ပါက သွားလာ လှုပ်ရှားခြင်း၊ အစာစားခြင်း၊ ရောဂါ ကျရောက်မှုနည်းပါးခြင်းနှင့် ငါးများအပေါ် ဖိစီးမှုနည်းခြင်းများ ဖြစ်ပေါ် စေပါသည်။ ငါးကန် အရည်အသွေးကျဆင်းပါက အစာစားနှုန်းကျဆင်းပြီး ငါးများတွင် အင်အားချိနဲ့လာပါ သည်။ ထို့အပြင် ငါးများအပေါ် ဖိစီးမှုများ ရှိလာပြီး ရောဂါဝင်ရောက်မှုလည်း မြန်ဆန်လာပါသည်။ 

 ငါးမွေးမြူရေးလုပ်ငန်းစဉ်တွင် ရေ၏ချဉ်ဖန်နှုန်းသည် ၆ မှ ၉ အတွင်းမွေးမြူနိုင်ခြင်း၊ 

ကန်ရေ၏အပူချိန်သည် ၂၅ ဒီဂရီစင်တီဂရိတ်မှ ၃၂ဒီဂရီစင်တီဂရိတ်အတွင်း ရှိရပါမည်။ 

ရေကြည်နှုန်းသည် ၁၂လက်မမှ ၁၈လက်မ အတွင်း ရှိရမည်ဖြစ်ပြီး ၊ 

ပျော်ဝင်အောက်စီဂျင်သည် ၃ပီပီအမ်မှ ၅ပီပီအမ် အတွင်းရှိရမည်ဟု သတ်မှတ်ကြပါသည်။ 

ဆက်လက်ပြီး ရေလုပ်ငန်းနှင့် ပတ်သတ်ပြီး အကြံဉာဏ်များ ရယူလိုပါက ထွက်တိုးဆော့ဝဲလ်တွင်မေးမြန်းနိုင်ပါသည်။ --------------              

မိုးလေဝသအဖွဲ့ဝင်ရန် - https://htwettoe.com/organization/12                

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို                 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.                

သီးနှံပေါက်စျေးကြည့်ရှုနည်း_ https://htwettoe.com/post/50437