မကွေးတိုင်း စက်တင်ဘာလ ၂၄ ရက် မှ ၃၀ ရက်အထိမိုးလေဝသအခြေအနေ

ပင်လယ်ပြင်များမှ ထူးခြားသည့်မိုးလေဝသအခြေအနေများ 

·          ယခုစာရေးချိန် ၂၃ ရက် ည ၁၀ နာရီမှာ တောင်တရုတ်ပင်လယ်မြောက်ပိုင်း၊ ဟောင်ကောင်ရဲ့ အရှေ့တောင်ဘက် ၁၁၁ မိုင်ခန့်ကိုရောက်လာတဲ့ အားအလွန်ကောင်းသောတိုင်ဖွန်းမုန်တိုင်း Very Strong Typhoon – VT Ragasa(24W)၊ အနောက်-အနောက်မြောက်ဘက်ကိုဆက်လက်ရွေ့လျားနေပါတယ်။ 

·          မုန်တိုင်းအရွယ်အစားသည် အချင်း ၆၇၈ မိုင်ရှိပြီး၊ လေတိုက်နှုန်း တနာရီ မိုင် ၁၄၀ ကျော်တိုက်ခတ်နေဆဲ့ CAT-3 အဆင့် မုန်တိုင်းအဖြစ်ဆက်ရှိနေပါတယ်။ 

·          မုန်တိုင်းလမ်းကြောင်းရွေ့လျားမှုအနေနှင့် ယခင်ခန့်မှန်းချက်ထက် မြောက်ဘက်ကို ၃၅ မိုင်ခန့် မြင့်တက်လာပြီး၊ ကုန်းတွင်းကို ဖြတ်ကျော်ဝင်ရောက်နိုင်သည့် LANDFALL Point သည်လည်း တရုတ်ပြည်မ GUANGZHOU ပြည်နယ်ကမ်းခြေကို SAUNGCHAUN ကျွန်း၊ မြေပုံညွှန်း 21°37'N, 112°45'E မှ ဖြတ်ကျော်ဝင်ရောက်နိုင်ကြောင်း တွေ့ရပါတယ်။ 

·          မုန်တိုင်းလမ်းကြောင်းမြောက်ဘက်ကိုတက်သွားသဖြင့် ကုန်းတွင်းကိုအဝင်စောပြီး(Early Landfall was made)၊ ပင်လယ်ပြင်ကိုပြန်လည်ဆင်းသက်နိုင်ခြင်း မရှိတော့တာအပြင်၊ အနောက်တောင်မုတ်သုံလေအားကောင်းနေတာကြောင့် မြန်မာနိုင်ငံအရှေ့ပိုင်းဒေသများသို့ မုန်တိုင်းအကြွင်းအကျန်များ ရွေ့လျားဝင်ရောက်နိုင်မည့်အခြေအနေသည်လည်း လျော့နည်းသွားနိုင်ပါတယ်။ 

·          စက်တင်ဘာလ ၂၄ ရက်နေ့မှာ ကုန်းတွင်းကို ဖြတ်ကျော်ဝင်ရောက်ပြီးနောက်၊ ဆက်လက်ရွေ့လျားလာမည့် မုန်တိုင်းအကြွင်းအကျန်များ လျော့နည်းသွားနိုင်သည့်အတွက်၊ လာအိုနိုင်ငံ Louangphabang မြို့နှင့် ထိုင်းနိုင်ငံမြောက်ပိုင်း Chaingrai မြို့များနှင့် ရှမ်းပြည်နယ်အရှေ့ပိုင်း တာချီလိတ်မြို့တို့တွင်လည်း မူလကြိုတင်ခန့်မှန်းချက်ထက် မိုးရေချိန်ရရှိနိုင်မည့်အခြေအနေများစွာလျော့နည်းသွားနိုင်ကြောင်း၊ စက်တင်ဘာ ၂၄ ရက် မှ အောက်တိုဘာ လ ၆ ရက်အတွင်း ပုံမှန်မုတ်သုံမိုးရွာသွန်းစဉ် ရရှိနိုင်မည့် မိုးရေချိန် ၂၄ နာရီအတွင်း ၀.၅ လက် မှ ၁ လက်မ ခန့်သာ ရွာသွန်းရရှိနိုင်ကြောင်း တွေ့ရပါတယ်။ 

·          မြန်မာနိုင်ငံအတွင်း စက်တင်ဘာ ၂၅ ရက်မှ ၃၀ ရက်အထိ မုတ်သုံမိုးအသင့်အတင့် ဆက်လက်ရွာသွန်းနေနိုင်ပါမယ်။ 

မကွေးတိုင်းအတွင်း မိုးရွာသွန်းနိုင်သည့် အခြေအနေကြိုတင်ခန့်မှန်းချက် 

Windy နှင့် Ventusky ကြိုတင်ခန့်မှန်းရေး model များမှ ရရှိသည့်အချက်အလက်များအရ - 

·          မကွေးတိုင်း မြောက်ဘက်၊ အနောက်မြောက်ဘက်၊ အနောက်ဘက်နှင့်အနောက်တောင်ဘက် တောင်ကုန်းထူထပ်သည့်မြေမျက်နှာပြင်ရှိသောဒေသများဖြစ်တဲ့ ဂန့်ဂေါ၊ ထီးလင်း၊ ဆော၊ ပခုက္ကူ မြို့နယ်/ခရိုင်တွေမှာ ယခု ၁ ပါတ်အတွင်း အမြင့်ဆုံး မိုးရေချိန်(၇ ရက်အတွင်း ၄ လက်မ မှ ၅ လက်မခန့်အထိ) ရွာသွန်းရရှိနိုင်ပါတယ်။ (ယခင်တပတ်က ကြိုတင်ခန့်မှန်းချက်နှင့် အလားတူဖြစ်ပါတယ်) 

·          ဒီတပတ်ကြိုတင်ခန့်မှန်းချက်များအရ ချင်းပြည်နယ်နဲ့ထိစပ်တဲ့ နယ်စပ်တောင်ကြောများပေါ်မှ မိုးအားမြင့်စေသည့်အခြေအနေ(Orographic Lift Effect)/မိုးပြိုကျစေသည့်အခြေအနေများကြောင့် ဂန့်ဂေါခရိုင်အတွင်းမှာ နေရာကွက်မိုးသည်းထန်ပြီး ရုတ်တရက်ရေကြီးနိုင်ခြင်းနှင့် မြေပြိုနိုင်ခြင်းများကို သတိထားသင့်ပါတယ်။ 

·          မကွေးတိုင်းတောင်ပိုင်းမှ သရက်မြို့မှာ အနောက်ဘက်တောင်ကြောများပေါ်မှရွေ့လျားဝင်ရောက်လာနိုင်မည့် မိုးသည်းထန်ခြင်းများ(Cloud-Burst)ကြောင့် ၇ ရက်အတွင်း မိုးရေချိန် ၅ လက်မနီးပါးခန့် ရရှိနိုင်ပါတယ်။ 

·          ချင်းတွင်းနှင့်ဧရာဝတီမြစ်အထက်ပိုင်းမှာ ရေကျနေကြောင်း မြစ်ရေအခြေအနေသတင်းများအရ မြစ်အောက်ဘက်ကို ဆက်လက်စီးဆင်းလာမည့်မြစ်ရေ ပခုက္ကူ၊ မကွေး၊ မင်းဘူးခရိုင်တွေမှာမြင့်တက်လာနိုင်သည်ကိုသတိထားရပါမယ်။ 

·          မကွေးတိုင်းအတွင်းစိုက်ပျိုးထားသည့် သီးနှံများအတွက်ရေရရှိနိုင်သည့်အခွင့်အလမ်းဖြစ်ပြီး မိုးရေချိန်မများသော်လည်း နေရာကွက်၍မိုးသည်းထန်နိုင်ခြင်းကြောင့် သီးနှံစိုက်ခင်းများရေလွှမ်းနိုင်သည်ကို သတိထားကြရပါမယ်။ 

အပူချိန်၊ လေတိုက်နှုန်း၊ လေထုစိုထိုင်းဆနှင့် လေထုညစ်ညမ်းမှုအခြေအနေ 

·          ယခု ၁ ပတ်အတွင်း မကွေးတိုင်း၏ အမြင့်ဆုံးနေ့အပူချိန် ၃၁°C နှင့် အနိမ့်ဆုံးညအပူချိန် ၂၆°C ရှိနိုင်ပြီး၊ စက်တင်ဘာ ၁၈ ရက်နေ့တွင် ခံစားရသည့်အပူချိန်(Feels Like Temperature)၃၈°C ရှိနိုင်ပါမယ်။ 

·          မကွေးတိုင်းအလယ်ပိုင်းမြို့နယ်များရဲ့ လေထုစိုထိုင်းဆ ၇၀% ခန့်ရှိနိုင်ပြီး၊ တောင်ကုန်းထူထက်သည့်ဒေသများ၊ ဧရာဝတီမြစ်ကမ်းအနီးဒေသများမှာ လေထုစိုထိုင်းဆ ၉၀% မှ ၁၀၀% အထိ ရှိနိုင်ပါမယ်။ 

မကွေးတိုင်းရဲ့ ပျမ်းမျှလေထုညစ်ညမ်းမှုအညွှန်းကိန်း(AQI level) 50 ခန့်ရှိနိုင်ပြီး အန္တရာယ်ရှိသည့် level မဟုတ်သဖြင့် စိုးရိမ်စရာမရှိပါ။ 

Win Naing 

Administration Team, 

MMWEATHER, 

ငါးမွေးမြူရေးဆိုင်ရာ အကြံပြုချက် 

ငါးကန်များ အ‌စာ‌ကျွေးရာမှာ အလေအလွင့်မဖြစ်စေဖို့ အကြံပြုအပ်ပါသည်။ 

- မိုးသည်းထန်စွာ ရွာသွန်းချိန်မှာ ပတ်ဝန်းကျင်အခြေအနေ ပြောင်းလဲမှုကြောင့် ငါးများ အစာစားနှုန်း ကျတတ်ပါသည်။ 

- အစာများ စျေးကြီးနေချိန် အလေအလွှင့် မဖြစ်စေဖို့ ၃၀ ရာခိုင်နှုန်းခန့် လျော့ကျွေးပေးသင့်ပါသည်။ 

- ဗီတာမင်စီ၊ သတ္တုဓာတ်တို့ ထည့်သွင်းကျွေးခြင်းဖြင့် ငါး၊ပုစွန်များ ခံနိုင်ရည်ရှိမှုကို ကောင်းစေပါသည်။ 

- ကန်များမှာ ရေကြီးရေလျှံဖြစ်နိုင်ပါသဖြင့် ကန်ဘောင်မှ ၆ လက်မအောက်အကွာတွင် ရေထုတ်ပြွန်များ တပ်ပေးသင့်ပါသည်။ 

- အပြင်ဘက်မှလည်း ကန်အတွင်း ရေဝင်လာနိုင်‌သောကြောင့် ကန်ဘောင်အပေါ်မှ သဲအိတ်များ စီထားသင့်ပါသည်။ 

ရေလုပ်ငန်းနှင့်ပတ်သတ်ပြီး ဆွေးနွေးတိုင်ပင်လိုပါက ထွက်တိုးကောစင်တာ 09977910000သို့ ဆက်သွယ်နိုင်ပါသည်။ 

-------  

မိုးလေဝသအဖွဲ့ဝင်ရန် - https://htwettoe.com/organization/12  

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို  

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.  

သီးနှံပေါက်စျေးကြည့်ရှုနည်း_ https://htwettoe.com/post/50437