ဧရာဝတီတိုင်းဒေသကြီးအတွက် မိုးလေဝသခန့်မှန်းချက်နှင့် အကြံပြုချက်

မေလ ၂၀ ရက်နေ့မှာ အနောက်တောင်မုတ်သုံလေသည် မြန်မာနိုင်ငံအလယ်ပိုင်းဒေသများသို့ ဝင်ရောက်ခဲ့ပြီး နောက်လာမည့် ၂ ရက် ခန့်မှာ မြန်မာတစ်နိုင်ငံလုံးသို့ အနောက်တောင်မုတ်သုံလေဆက်လက်ဝင်ရောက်ပြီး မိုးရာသီအတွင်း တစ်နိုင်ငံလုံးကို ဝင်ရောက်တော့မှာ ဖြစ်ပါတယ်။ 

ထူးခြားသောမိုးလေဝသအခြေအနေ 

ဘင်္ဂလားပင်လယ်အော်အရှေ့အလယ်ပိုင်း၊ မြောက်ပိုင်းနဲ့ အနောက်မြောက်ပိုင်းပင်လယ်ပြင်မှာ မေလ ၂၆ ရက်နေ့မှ စ တင်ပြီး လေဖိအားနည်းရပ်ဝန်း တ ခု ဖြစ်လာရန်ရှိပါတယ်၊ လေဖိအားနည်းရပ်ဝန်း စတင်နိုင်မဲ့ ပင်လယ်ပြင်က တည်နေရာပေါ်မူတည်ပြီး မြန်မာနိုင်ငံနေရာဒေသအလိုက် မိုးသက်လေပြင်းကျခြင်း၊ မိုးများခြင်း(၂၄ နာရီအတွင်း မိုးရေချိန် ၃၀ မီလီမီတာအထက် ရွာသွန်းခြင်း)တွေ ဖြစ်လာနိုင်သလို ပင်လယ်ပြင်မှာလဲ လေတိုက်နှုန်းပြင်းထန်ပြီး လှိုင်းကြီးနိုင်မည့်အခြေအနေတွေကို မေလ ၂၃ - ၂၄ ရက်နေ့များမှာ စတင်ကြုံတွေ့ရနိုင်ပါတယ်။ 

ဧရာဝတီတိုင်းတစ်ခုလုံးမှာ မေလ ၂၃ ရက်နေ့မှ ဇွန်လ လဆန်းပိုင်းရက်တွေအထိနေ့စဉ် မိုးအသင့်အတင့်မှ မိုးများနေနိုင်ပါမယ်။ 

လပွတ္တာ၊ ပြင်စလူ၊ ဒေါ်ငြိမ်း၊ ရွဲ၊ အောင်လှိုင်၊ အလယ်ပေါက် စတဲ့ မြစ်ဝကျွန်းပေါ်ကမ်းရိုးတန်းပေါ်က ရွာတွေမှာ လေတိုက်နှုန်း တစ်နာရီမိုင် ၄၀ အထက်နှင့် လှိုင်းအမြင့် ၅ ပေခန့်အထိ ရိုက်ခတ်နိုင်ပါတယ်။ 

မေလ ၂၂ ရက် မှ စတင်ပြီး နေသာချိန်နည်းလာကာ မိုးပြတ်တောင်းစတင်ရွာလာနိုင်မှာကြောင့် ရိတ်သိမ်းပြီး နွေစပါးလှမ်းသူများအတွက်လည်း အထူးသတိထားကြစေချင်ပါတယ်။ 

ပင်လယ်ပြင်မှာ လေဖိအားနည်းရပ်ဝန်း/မုန်တိုင်းဖြစ်ပေါ်ခြင်းကြောင့် လေပြင်းတိုက်ခတ်ခြင်း၊ မိုးသည်းထန်ခြင်း၊ လှိုင်းကြီးခြင်းစတဲ့ ထူးခြားမိုးလေဝသအခြေအနေသက်ရောက်မှုတွေက ဇွန်လ လဆန်းပိုင်းအထိ ဆက်လက်ရှိနေနိုင်ပါကြောင်း တင်ပြလိုက်ရပါတယ်။ 

Source: U Win Naing 

Administration Team, 

MMWEATHER, 

https://www.mmweather.org/home 

ဧရာဝတီတိုင်းဒေသကြီးအတွင်းရှိ ကွမ်းစိုက်တောင်သူများထံသို့... 

စိုက်ပျိုးရေးဆိုင်ရာ ကြိုတင်ပြင်ဆင်မှုများအကြံပြုချက် 

• မိုးရာသီအတွက် ကွမ်းခြံများရေကြီးခြင်းမှ ကင်းဝေးစေရန်ကြိုတင်ပြင်ဆင်ထားဖို့လိုပါတယ်။ 
• ရာသီဥတုစွတ်စိုသောအခြေအနေတွင် အဓိကကျရောက်တတ်သော ကွမ်းဆီစွန်း၊ ရိုးမည်းရောဂါများအတွက် ကြိုတင်ကာကွယ်နှိမ်နင်းနည်းများကို အကြံပြုဆွေးနွေးလိုက်ပါတယ်။ 
• အရင်ဆုံးဆီစွန်းရောဂါလက္ခဏာကျရောက်ပါက လက္ခဏာကျအရွက်တွေကို အရင်းကနေကတ်ကြေးနဲ့ညှပ်၊ ကြွပ်ကြွပ်အိတ်ထဲထည့်ပြီးလွှတ်ပစ်ပေးပါ။ 
• ကွမ်းခြံထဲမှာ ပစ်မထားခဲ့ပါနဲ့။ ကွမ်းခြံအတွင်းရေဝပ်တာ၊ စိုထိုင်းဆများနေတာမျိုးမရှိအောင်လုပ်ပေးပါ၊ 
• လေဝင်လေထွက်ကောင်းအောင်လည်းလုပ်ဆောင်ပေးပါ။ 
• ကွမ်းခြံစိုက်ခင်းထဲက ဘောင်များကို သေချာပြန်မြှင့်ပေးပါ။ 
• ရောဂါကျအရွက်တွေကို အရင်းကနေကတ်ကြေးနဲ့ညှပ်ပစ်၊ရှင်းပစ်ပြီးမှ Copper oxychloride, Kasugamycin, Oxolinic acid တို့လိုဆေးမျိုး အဆင်ပြေရာကိုရွေးချယ်နိုင်ပါတယ်။ 
• Copper oxychloride ဖျန်းမယ်ဆိုရင် မိုးများလွန်းချိန်၊ နေပူချိန်ကိုရှောင်ပြီးဖျန်းပါ။ 

ငါးမွေးမြူရေးဆိုင်ရာ အကြံပြုချက်  

မိုးအဆက်မပြတ်ရွာသွန်းပြီး မိုးအုံ့နေသောကြောင့် ငါးကန်ရေ အပူချိန် ကျဆင်းနေတတ်ပါသည်။ အပူချိန်ကျဆင်းမှုသည် ၂၅ဒီဂရီင်တီဂရိတ်အောက် ရောက်နေပါက ငါးများသွားလာလှုပ်ရှားမှုနည်း ခြင်းအပြင် အစာစားနှုန်းလည်း ကျဆင်းတတ်ပါသည်။  - အစာကို သတ်မှတ်နှုန်းထားထက် လျော့ကျွေးရန်။ 

ငါးမွေးကန်သည် မိုးအုံ့နေသောအချိန်တွင် နေရောင်ခြည် မရရှိသဖြင့် အလင်းမှီစု အစာဖွဲ့စည်းခြင်းအလုပ်ကို မလုပ်နိုင်ပါ။ ထို့ကြောင့် ကန်အတွင်း ပျော်ဝင်အောက်စီဂျင် နည်းပါးပြီး ငါးများအသက်ရှူနှုန်း အပြည့်အဝမရရှိနိုင်ပါ။ - ရေဒလတ်လည် ပတ်ခြင်းနဲ့ ရေဖြန်းပေးခြင်းတွေကို ညဘက်နဲ့ မနက်စောစောတွင် ဆောင်ရွက်ရန်၊ 

----------- 

မိုးလေဝသအဖွဲ့ဝင်ရန် - https://htwettoe.com/organization/12 

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်. 

သီးနှံပေါက်စျေးကြည့်ရှုနည်း_ https://htwettoe.com/post/50437