ရန်ကုန်တိုင်း ဩဂုတ် ၁၈ ရက် မှ ၂၄ ရက်အထိ မိုးလေဝသအခြေအနေ

ဘင်္ဂလားပင်လယ်အော်အနောက်အလယ်ပိုင်းနှင့် အနောက်မြောက်ပိုင်းပင်လယ်ပြင်တွင်ဖြစ်ပေါ်နေသည့် လေဖိအားနည်းရပ်ဝန်းသည် အားကောင်းသော လေဖိအားနည်းရပ်ဝန်း(DEPRESSION)အဖြစ်သို့ ဩဂုတ်လ ၁၈ ရက် နံနက်ပိုင်းတွင်ရောက်ရှိလာနိုင်ပြီး ဩဂုတ် ၁၉ ရက်နေ့တွင်အနောက်ဘက် အိန္ဒိယနိုင်ငံကုန်းတွင်းသို့ ဆက်လက်ဦးတည်ရွေ့လျားသွားပါမယ်။ တောင်တရုတ်ပင်လယ် ဗီယက်နမ်နိုင်ငံ အရှေ့မြောက်ကမ်းခြေအနီးမှ လေဖိအားနည်းရပ်ဝန်း(INVEST-91W)သည်လည်း လေဖိအားနည်းရပ်ဝန်းအဆင့်ဖြင့် ဗီယက်နမ်ကမ်းခြေမြောက်ဘက် တရုတ်ပြည်နယ်စပ်အနီးမှကုန်းတွင်းသို့ ဩဂုတ် ၁၉ ရက်နေ့တွင် ဖြတ်ကျော်ဝင်ရောက်သွားနိုင်ပါမယ်။ 

လေဖိအားနည်းရပ်ဝန်း ၂ ခုစလုံး ပိုမိုအားကောင်းလာနိင်ခြင်းမရှိသဖြင့် မြန်မာနိုင်ငံအတွက် ပုံမှန်မုတ်သုံမိုးရွာသွန်းခြင်းသာရှိနိုင်ပြီး မိုးအလွန်များနိုင်မည့်အခြေအနေမတွေ့ရပါ။ 

 ရန်ကုန်တိုင်း ဩဂုတ် ၁၈ ရက် နံနက် မှ စတင်၍ နောက် ၇ ရက်အတွင်း မိုးရွာသွန်းနိုင်သည့်အခြေအနေ 

·         ပင်လယ်ကမ်းခြေအနီးမှ မြို့နယ်များမှာ ၇ ရက်မိုးရေချိန် ၅ လက်မနှင့်အထက် ရွာသွန်းရရှိနိုင်ပြီး၊ ကျန်မြို့နယ်များမှာ ၃ လက်မဝန်းကျင်ခန့်သာရွာသွန်းရရှိနိုင်ပါမယ်။ 

·         ရန်ကုန်တိုင်းအတွင်းမှ မြို့နယ်များ၏ နေ့စဉ်ပျမ်းမျှမိုးရေချိန် အများဆုံး ၀.၆ လက်ခန့်(လက်မဝက်ကျော်ကျော်ခန့်သာ ရွာသွန်းရရှိနိုင်ပြီး ပင်လယ်ကမ်းရိုးတန်းနှင့်ပိုနီးသော သံလျှင်၊ ခရမ်း၊ သုံးခွ၊ ကွမ်းခြံကုန်းစသည့် မြို့နယ်များတွင် မိုးအနည်းငယ်ပိုနိုင်ပါမယ်။ နေရာကွက်ပြီးမိုးသည်းထန်ခြင်းမှအပ ၂၄ နာရီ မိုးရေချိန် ၁ လက်မ မကျော်နိုင်ပါ။ 

·         ရန်ကုန်တိုင်းမှာ မိုးလယ်ကာလကုန်ဆုံးရင် ဩဂုတ် ၃၁ ရက်နီးမှ မိုးအနည်းငယ်ပြန်များလာနိုင်ပါမယ်။ 

အပူချိန်၊ လေထုစိုထိုင်းဆနှင့် လေထုညစ်ညမ်းမှုအခြေအနေ 

·         ရန်ကုန်တိုင်း၏ ပျမ်းမျှ အမြင့်ဆုံးနေ့အပူချိန် ၃၂°C ရှိနိုင်ပြီးအနိမ့်ဆုံးညအပူချိန် ၂၅°C ရှိနိုင်ပါတယ်။ လေထုစိုထိုင်းဆ ၈၀% မှ ၁၀၀% အတွင်းမှာ ရှိနိုင်ပြီး၊ လေထုစိုထိုင်းဆမြင့်မားခြင်းကြောင့် ခံစားရတဲ့အပူချိန် ၃၇°C ရှိနိုင်ပါတယ်။ 

·         လေထုညစ်ညမ်းမှုအညွှန်းကိန်း(AQI Value)က ရန်ကုန်မြောက်ပိုင်းခရိုင်တွေမှာ ၄၅ နဲ့ ရန်ကုန်တောင်ပိုင်းခရိုင်တွေမှာ ၂၀ ဝန်းကျင်ရှိတာကြောင့် အန္တရာယ်မရှိပါ။ 

ပင်လယ်ပြင်အခြေအနေ 

ရန်ကုန်တိုင်းတောင်ဘက်ကမ်းရိုးတန်းအနီးမှ ပင်လယ်ပြင်မှာ လှိုင်းအမြင့် ၅ ပေခန့်ရှိနိုင်ပြီး တောင်ဘက်နှင့် အနောာက်တောင်ဘက်အရပ်မှ လေတိုက်နှုန်း တနာရီ မိုင် ၂၀ မှ မိုင် ၃၀ ခန့်အထိ ရှိနိုင်ပါမယ်။ 

Win Naing 

Administration Team, 

MMWEATHER, 

https://www.mmweather.org/home 

ငါးသားပေါက် (ငါးမှုံ) သန့်စင်မှု နည်းစဉ်အဆင့်ဆင့်။ 

- ငါးသားပေါက် (ငါးမှုံ) များအား ထည့်သွင်းမွေးမြူခြင်းမပြုမီ (၂၀ ဂရမ်/လက်တစ်ဆုပ် စာ ဆားကို ၁၀ လီတာ ရှိသော ရေဖြင့် ရောဖျော်ထားသော) ဆားရည် အပြည့်ဖြည့်ထား သော လက်ဆွဲပုံးတစ်လုံးအတွင်း၌ တစ်မိနစ် (သို့) ငါးခံနိုင်ရည်ရှိသလောက် ခေတ္တထည့် ထားပြီးမှ ငါးကန်ထဲသို့ ထည့်ပေးရမည်။ သို့မဟုတ် (၁၀ လီတာ ရှိသော ရေတွင် ပိုတက် ဆီယမ် ပါမင်းဂနိတ် ၅ ဂရမ် သို့ လက်ဖက်ရည်ဇွန်းတစ်ဇွန်းစာနှင့် ရောဖျော်ထားသော) ပျော်ရည်အပြည့်ပါသော ပုံးတစ်လုံးအတွင်း၌ ခေတ္တ ကူးခတ်သန့်စင်စေပြီးမှ ငါးကန်ထဲ သို့ ထည့်ပေးရမည်။   

- ရေစစ်ဇကာပိုက်အထူတစ်ခုကို ပုံးထဲ ထည့်ထားခြင်းဖြင့် ငါးမှုံများ ကို ထိုပိုက်အတွင်း ကူးခတ်စေပြီး၊ ထိုပိုက်ဖြင့်ပင် ပြန်ဆယ်ယူရွှေ့ပြောင်းပေးခြင်းပြုလုပ် ရမည်။ ဤလုပ်ငန်းစဉ်ကို ငါးမှုံများအား ကန်တွင်းသို့ မပြောင်းရွှေ့မီ ပြုလုပ်လျှင် ပိုကောင်းသည်။  

- အထက်တွင် ဖော်ပြခဲ့သော ပျော်ရည်ထဲသို့ ငါးမှုံ ကောင်ရေ ၃၀၀ မှ ၅၀၀ အထိအား ၅ ကြိမ်နီးပါး ထည့်သွင်းကူးခတ်သန့်စင်စေနိုင်သည်။ 

စိုက်ပျိုးရေး၊ မွေးမြူရေး နည်းပညာများနင့် ပတ်သတ်ပြီး ဆွေးနွေးတိုင်ပင်လိုပါက ထွက်တိုးကောစင်တာ 09977910000သို့ ဆက်သွယ်နိုင်ပါသည်။    

----------------           

မိုးလေဝသအဖွဲ့ဝင်ရန် - https://htwettoe.com/organization/12             

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို              

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.             

သီးနှံပေါက်စျေးကြည့်ရှုနည်း_ https://htwettoe.com/post/50437