မကွေးတိုင်း စက်တင်ဘာလ ၃ ရက်မှ ၉ ရက်အထိ မိုးလေဝသအခြေအနေ

ဘင်္ဂလားပင်လယ်အော်အနောက်အလယ်ပိုင်းမှာ လေဖိအားနည်းရပ်ဝန်း ၁ ခု စတင်ဖြစ်ပေါ်လျှက်ရှိပြီး မြောက်-အနောက်မြောက်ဘက်၊ အိန္ဒိယကမ်းရိုးတန်းဘက်သို့ ဆက်လက်ရွေ့လျားနိုင်ကာ စက်တင်ဘာ ၃ ရက် ညနေပိုင်းမှာ အန်ဒရာပရာဒက်ရှ်ပြည်နယ်ကမ်းရိုးတန်းကို ဖြတ်ကျော်ပြီးကုန်းတွင်းသို့ဝင်ရောက်သွားနိုင်ပါမယ်၊ အားအကောင်းဆုံးအဆင့် Well-Marked LPA အဆင့်သို့သာရောက်နိုင်ကြောင်းခန့်မှန်းရပါတယ်။ လေဖိအားနည်းရပ်ဝန်းကြောင့် အနောက်တောင်မုတ်သုံလေ အားအသင့်အတင့်မှ အားကောင်းနေနိုင်ပြီး မြန်မာနိုင်ငံတောင်ပိုင်းဒေသတွေမှာ မိုးအနည်းငယ်ပိုလာနိုင်ပါတယ်။ 

မကွေးတိုင်းတွင် ရွာသွန်းရရှိနိုင်မည့် မိုးအခြေအနေ 

·          မကွေးတိုင်းတခုလုံး မိုးအနည်းငယ်မှ မိုးအသင့်အတင့်ရွာနိုင် ၇ ရက်အတွင်းပျမ်းမျှမိုးရေချိန် ၀.၅ လက်မမှ ၂.၅ လက်မခန့် ရွာသွန်းနိုင်ပြီး၊ 

·          အနောက်-အနောက်မြောက်ပိုင်း ချင်းတောင်တန်းတောင်ခြေနှင့်နီးသောဒေသများတွင် မကွေးတိုင်းအလယ်ပိုင်းမှ မကွေးမြို့၊ မင်းဘူးမြို့၊ ပခုက္ကူမြို့များနှင့်နှိုင်းယှဉ်ပါက ၇ ရက်မိုးရေချိန်အနည်းငယ်ပိုနိုင်ပါတယ်။ 

·          မကွေးတိုင်းမြောက်ပိုင်း - ပခုက္ကူ၊ ရေစကြို၊ မြိုင်စသည့်မြို့နယ်များမှာ ၇ ရက်မိုးရေချိန် ၀.၅ လက်မ မှ ၁ လက်မခန့်၊ 

·          မကွေးတိုင်းအလယ်ပိုင်း မကွေး၊ မင်းဘူး၊ နတ်မောက်နှင့်တောင်တွင်းကြီးမြို့နယ်များတွင် ၇ ရက်မိုးရေချိန် ၁ လက်မ မှ ၁.၅ လက်မခန့်၊ 

·          မကွေးတိုင်းတောင်ပိုင်း အောင်လံ၊ ပွင့်ဖြူမြို့နယ်များတွင် ၇ ရက် မိုးရေချိန် ၁.၅ လက်မ မှ ၂ လက်မခန့်၊ 

·          မကွေးတိုင်းအနောက်-အနောက်မြောက်ပိုင်းမှ ဂန့်ဂေါ၊ ဆော၊ ထီးလင်းနှင့် ချင်းတောင်တန်းတောင်ခြေမှ မြို့နယ်များမှာ ၇ ရက် မိုးရေချိန် ၂ လက် မ မှ ၂.၅ လက်မ ခန့်ရွာသွန်းနိုင်ပါမယ် 

အပူချိန်၊ လေတိုက်နှုန်း၊ လေထုစိုထိုင်းဆနှင့် လေထုညစ်ညမ်းမှုအခြေအနေများ 

·          မကွေးတိုင်းတွင် အမြင့်ဆုံးနေ့အပူချိန် ၃၄°C နှင့် အနိမ့်ဆုံးညအပူချိန် ၂၅°C ရှိနိုင်ပြီး၊ 

·          တောင်ဘက်နှင့်အရှေ့တောင်ဘက်မှ အမြင့်ဆုံးလေတိုက်နှုန်း တနာရီ ၁၄ မိုင်မှ တနာရီ ၂၀ မိုင်အထိရှိနိုင်ပါမယ်။ 

·          ခံစားရသောအပူချိန်(Apparent Temperature) ပခုက္ကူနဲ့ချောက်မြို့တွေမှာ ၄၀°C အထိရှိနိုင်ပါမယ်။ 

·          နံနက်ပိုင်းနှင့် မွန်းလွဲ/ညနေပိုင်းအချိန်များမှာ လေထုစိုထိုင်းဆ ၉၀% မှ ၁၀၀% ရှိနိုင်ပြီး နေ့လည်ပိုင်းအချိန်တွေမှာ ၆၀% ရှိနိုင်ပါမယ် 

·          လေထုညစ်ညမ်းမှုအညွှန်းကိန်း(AQI Value) 40 ရှိနိုင်ပြီး အန္တရာယ်ရှိသည့် level သို့ မရောက်ပါ။ 

Win Naing 

Administration Team, 

MMWEATHER, 

https://www.mmweather.org/home 

မကွေးတိုင်းဒေသကြီးအတွင်း မတ်ပဲစိုက်ပျိုးမည့်တောင်သူများအတွက် 

မတ်ပဲအထွက်တိုးစေရန် စိုက်ပျိုးနည်းအကြံပေးချက် 

• မြေပြင်ချိန်တွင် တစ်ဧကလျှင် မြေခံအနေဖြင့် ၁၅ ပတ်လည် (၁) အိတ် နှင့် ဂျစ်ပ်ဆမ် (၁) အိတ်နှုန်း ထည့်ပေးပါ။ 
• မတ်ပဲစိုက်ပြီး (၁၀-၁၅) ရက်သားမှစ၍ သီးပွင့်ချိန်အထိ အနည်းလိုအာဟာရများ ပါဝင်သောရွက်ဖျန်းအားဆေးကို ၁၀ ရက်ခြား တစ်ကြိမ် ပက်ဖျန်းပေးပါ။ 
• မတ်ပဲ ပန်းစတင်ပွင့်ချိန်မှစ၍ အမိုင်နိုအက်ဆစ်နှင့် နိုက်ထရိုဂျင်+ဖော့စဖောရပ် အချိုးကျ ပါဝင်သော ရွက်ဖျန်းအားဆေးကို ပက်ဖျန်းပေးပါ။ 
• အပင်တစ်လသားအတွင် ပေါင်းမြက်ကင်းစင်ရန် အထူးဂရုစိုက်ပါ။ 
• အပင်ငယ်စဥ်ကျရောက်တတ်သော ရောဂါများ ကာကွယ်နိုင်စေရန် မျိုးစေ့လူးနယ်ဆေးသုံး၍ စိုက်ပျိုးပေးပါ။ 
• အပင်ငယ်စဉ်မှစ၍ ပျ၊ လှေး၊ ပင်စည်ထိုးယင်များကို ကာကွယ်ပေးပါ။ အဝါရောင်မိုစေ့ရောဂါ မဖြစ်ရန် ဗိုင်းရက် သယ်ဆောင်သော ယင်ဖြူများကို ကြိုတင်ကာကွယ်ပါ။ 

ငါးအစာကျွေးခြင်းနည်းလမ်း 

- မိမိထည့်သွင်းမွေးမြူထားသောငါးမျိုးစိတ်များနှင့် ငါးမွေးမြူသည့်နည်းစနစ်ပေါ်မူတည်ပြီး ငါးအ စာ ကျွေးခြင်း နည်းလမ်းအမျိုးမျိုးရှိပါသည်။ မိမိသတ်မှတ်ထားသည့် ပုံမှန်နေရာ (၄)နေရာ (သို့) (၆) နေရာ၌ အညီအမျှ ကျဲပက်၍အစာကျွေးခြင်း။ 

- ကန်ဘောင်မှ (၆)ပေ (သို့) (၁၀)ပေခန့်ရှည်သော လူသွားလမ်း (သို့) တံတားပြုလုပ်၍ အစာကို ကျဲပက်ကျွေးခြင်း၊ ကန်အလယ်၌ စင်ပြုလုပ်၍ ပက်ကျွေးမွေးခြင်း၊ အစာဗန်းပြုလုပ်၍ ကျွေးခြင်း။ 

- ကန်ထဲလှေစီးပြီး ကန်၏ တစ်ဘက်တစ်ချက်သို့ သွားရောက်၍ အစာပက်ကျွေးခြင်း။ 

- ကြီးသောကန်အမျိုးအစားများအတွက် ကြိုး (၂) ချောင်း (သို့) (၃) ချောင်းအား ကန်၏ အရှည် အကျယ်အတိုင်း တားစေပြီး ၄င်းကြိုးလေးများအရှည်အတိုင်း လှေဖြင့်ဖြစ်စေ ဝါးဖောင်ဘောဖြင့် အစာကျွေးနိုင်ပါသည်။ 

---------------              

မိုးလေဝသအဖွဲ့ဝင်ရန် - https://htwettoe.com/organization/12                

သီးနှံပေါက်စျေးနှင့် တိုင်းဒေသကြီးအလိုက် ပေါက်စျေးကြည့်ရှုလိုပါက_ https://htwettoe.com/market မှာ ကြည့်ရှုနိုင်သလို                 

ထွက်တိုး ဖုန်းဆော့ဝဲ _ https://www.htwettoe.com/download မှာ ကြည့်ရှုနိုင်ပါတယ်.                

သီးနှံပေါက်စျေးကြည့်ရှုနည်း_ https://htwettoe.com/post/50437